Ibrani 11:22 - Eipomek

²² Aning atonun, Yusuf arye Allah ati, diba tenelamuka deice arye, el dipnuyuk talak dam ubukura, aminyan winipnamuk ning ati laka nyabuk. Ara, Allah arye sik Israel ninye ati, Mesir mutuku noutamak, tapu koubuka talyamika noutamak arye, lobuka yukak bobinamuk ning ati, laka nyabuk. Tonda nyabuk, “Israel ninye Mesir mutuku batakuka binumunye talak ara, na yok bulubuka, Kanaan mutuku bobuka weipnamnululume,” nyapdeibuk. Anirya ara, el diba tenyamuka deice arye nyabuk.

Ibrani 11:22 ပူးပေါင်းရင်းမြစ်များ

Keluaran 13:19

Tonda, Israel ninye Mesir mutuku noutam tuba ulamik talak ara, Yusup birye el weit koproba ap, el du yapu ap ati nyamuk. “Kume, na kele. Aminyan talak, Allah arye Israel ninye lopdeiplirye bobuka, amutuku noutam arye bobinamle ati, bobinamsilye talak ara, na yok ara baya wibuka bobinamnulume. Ati, ‘Dipkoprob aning winipnamkiyabe’, nyabuka, yupu nyapdeipnamnulume. Ara, na akunum dipnyopura, na yok deilin baya wibuka, bobinamnulume. Na yok deilin baya yo, amutuku noutam batakuka bana kume,” nyabuk. Mince nyamuka ati, Israel ninye arye, “Dyo winipnamkiyape,” nyabuka yupu moupdeiamik. Nyamik ati, sik Mesir mutuku batakuka binuyik talak ara, Musa birye Yusup el yok deilin marikna yo bok biyik.

Lukas 9:31

Allah el im deice dirina ubuk deice arye yarikce, sik yupu talipmeka ara, Yesus Yerusalem mutuku biyukura, opnamik ap, el tamubuka kam bukukce, im deice binamuk ning ap ati, ayupu talipmek.

Rasul 7:16

Nirya akunum dibuka dakaldongoyikura, yuk nang arye, sik yok dobuka Kanaan tam noutamak, Sikem mutuku tamubuka welebik akarye, Hamor yala nang talyamik keil deiya ara, Abraham el yo bok deice arye dekamuk keil deiyauk delilbiyik.

Yosua 24:32

Ara, yuk yupu ara ani. Minop talak ulamuknye, sik apu koproba Yusup, Mesir mutuku noutamak dibukopura, Israel ninye arye, el yok bobuka, Mesir mutuku noutam boyangalamika ani, Kanaan tam noutam boyanamik bukni, mutuku si Sikem mutuku tuku yanuka palibuka lukik. Yusup el yok palibuka lukika ara, ninye si Hemor, el mapu taleamik bukni, minop talak Yakub birye dekamuke. Atuku dekna ara, Yakub el dekna weik ning, perak yupa weik, seratus deice arye dekamuk. Yakub birye, el mi Yusup deibukopura, elce ton mapu deibukopura, dadeipdanin yangalamik nang, Yusup el yala nang arye, atuku dopdobikce, talibuka ulamik. Ati, Israel nang sik apu koproba, minopnye Yusup el yok ara, atuku noutamak asukumuk yanuka tuku palibuka lukik.