Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ester 9:29 - Eipomek

29 Atalak ara, ninye deiyok kil Ratu Ester, el li koproba Abihail ulamuk kil, el si Ester ap, el li ninye deiyoknye Mordekai ap, adiparyuk sekna ning like bitinye ning, sekuka dopdeipdik. Winiprik ning ara asurat bitinye ning noutamak ara, mikip arye Yahudi yala ninye ati nyaprik. “Nun weik sum yalyopura, ‘Pia si erenmabe,’ nyabupu sum ara, el si Purim, atalak uk dikdik sebuka, kwalya kwalibuka si erenmabe,” nyaprik.

အခန်းကိုကြည့်ပါ။ ကော်ပီ




Ester 9:29
6 ပူးပေါင်းရင်းမြစ်များ  

Ura, Ester elda, ninye deiyoknye Raja, el aik bana ati yukubik. Ester bira, el li koproba Abihail ulamuk. Abihail bira, Mordekai el mam koproba ulamuk. Abihail dibukba, el mi Mordekai elcuk, Ester kwaknyamukce, el li koproba kiamuk. El kilmu Ester bira, erepdeibikce, Raja Ahasyweros amu tam pil donanye, Hegai Raja el kilapu aik, deiyok talibuka ulamukce, akilapu ati melibuka kaliklamukba, Raja Ahasyweros dam bana ati, Ester si nyabikba, el kintinina ati, Hegai birye, “Winipnulyame, aning bobuka bobinamlyame,” nyabuk touk, Ester kekebuk. Yuk ning ton kum morobuk. Amutuku ulamik ninye ap, Raja el aik pum tam ulamik nang ap, sik nirya arye, Ester bitibuk moubuka dilamikce, elti pia bico tenelamik.


Raja Ahasyweros birye nyapdeibukba, Haman birye, asurat sekuka arebukba, sik surat arelbana ati, wipdeibik nang arye, asurat bobuka, sik minopce biyikce, amutuku noutamak nirya arelbalamik. Tonda, Persia mutuku weik deiyok mutuku, kota Susan noutamak ton, asurat lakak deibik. Akunum deibikopura, amutuku ninye deiyoknye, Raja Ahasyweros ap, el amu tam ninye deiyoknye, Haman ap ara, bukukapdikce, anggur mek weika arye dinmarik. Bukni, kota Susan mutuku noutamak ulamik ninye nirya ara, ayupu kekebika deice arye, amutuku noutamak nirya ara, ‘Se’ tenen, kanye bokoltonauk ubuk.


Mordekai birye asurat sekuk ning ara, Raja Ahasyweros el si deice arye sekuka deibukce, Raja el taruk dongolamuk ning, el si ara cincin arye, lak kina ning asurat nong deice deibukce dolkwetelamuk. Tonda, ‘Apala mutuku noutamak nirya minopce arelbinamak’ tenen, deiyoknye Mordekai birye, ninye wipdeipnirye, Raja el bukuka bana ati, pia teleb kuda basam arebukba, asurat bobana ati, wipdeibuk nang arye, akuda basam balye deice bukukabikce, aweik pala mutuku ulamikak, danirya bobuka minopce arelbalamik.


Aning akunum winibikopura, ninye deiyoknye, el si Mordekai birye sekna ning surat deice arye, awinilamik ning nirya sekuka, sik Yahudi yala ninye Persia mutuku noutamak ulamik ninye nirya ap, tonda mining dam mutuku noutamak aulamik ninye ap, tonda weik pera mutuku ulamik ninye ap, sekna ning sekuka sik dam dopreibuk.


Asurat noutamak sekdeibuk yupu ara ani. “Adar wala noutamak bukni, tanggal empat belas (14) ap, tanggal lima belas (15) ap ara, aketing tamun, aketing tamun nirya, atanggal wala balyopura, ‘Nun weik sum ani’ tenen, si erenmabe. Dikdik sebuka, kwalya kwalibuka, si erenamabe,” nyabuka, sekna ning sekdeibuk.


Atalak ara, Mordekai birye, akunum kintinip deibuk ning ara, nyabuk. “Asum-asum nirya ara, akitineipmap wala akunum balyopura, ‘Purim sum ara, nun pia weik mambul sum,’ tenebuka, nun Yahudi yala ninye nirya dikdik sebuka, kwalya kwalibuka dibibirye, si erenmabe. Ara, dan mutuku do nirya, pia weik mutuku noutamak, unamak ninye ap, karin mutuku provinsi yuk datalibuka unamak ninye ap, mitik mutuku daunamak ninye ap, weik kota noutamak talibuka daunamak ninye nirya ap ara, ‘Asum ara, nun pia weik mambul sum,’ tenebuka si erenmabe. Anyapmasin ning ara, pia kum luba kinamlulume. Pia tenena uk unamlulume. Anggunce deipmunyeba, dadeipdanin, banamak Yahudi ninye babye, kum luba kinamake.” Mordekai birye nyabuk.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ