Ura atalak ara, Persia mutuku tam ninye deiyoknye Raja Darius birye, “Winipnamlyame,” nyapdeibuk ati, Efrat mek lilun arye otam keting wekelban tam talibuka ulamuk ninye deiyoknye, Gubenur Tatnai ap, tonda deiyoknye Seyetar-Bozenai ap, tonda sik kwit capu nang nirya ati, Darius birye nyabuk touk, ayupu uk kekebuka ulamik.
Ester 6:11 - Eipomek11 Ninye deiyoknye Raja arye nyabuk touk, Haman birye ateleb baju dobuka, Mordekai biti ongopdeibuk. Winibuka ongopdeibuk ning ara, kuda basam deice bukuka bana ning ap arebukba, Mordekai kuda basam deice welebuka bukukce, kota Susan mutuku noutamak banmok talak ara, Haman birye nyabuk. “Nun ninye deiyoknye Raja Ahasyweros birye, kanye deibuknye aunmala ara, winibuka pia telebuk unamle. Raja birye, akuda bukmalnye biti, bico tenebuka kanye deipmala ati ara, pia teleb kipdeipnamle,” nyabuka, weik yupu arye nyapra banmok. အခန်းကိုကြည့်ပါ။ |
Ester 6:11
9 ပူးပေါင်းရင်းမြစ်များ
Nyabukura, ninye deiyoknye Raja Ahasyweros birye, Haman biti nyabuk. “Anda winipnalyame. Minopce na minop talak arye ongolamse Raja baju ap, na min arye balamse kuda basam ap ara, dopropmince, aning nirya ara dobuka, Yehuda yalanye, el si Mordekai dobuka arepnulyame. ‘Amutuku ninye nirya arye, Raja el kanye deipmalnye eibikirye, elti, si erenamak’ tenen, laka nyapmanilam ning nirya ara, Mordekai biti winipnamlyame. Arup talak ance, ‘Anye si erena ati, winiptibye, winiptibye,’ nyabuka, laka nyapmalam ning ara, tonok ning babye ton, luba kina pia meme. Amutuku noutamak na aik pia weik bisik bublan dam anyuk bululnye Mordekai biti, aning nirya winipnamlyame,” nyabuka, Raja Ahasyweros birye, Hamana ati nyapdeibuk.
Nyabuka banmoka ani, akunum winibukopura, Mordekai weik kota Susan mutuku bisik bublan dam arye, tamubuka biyuk. Tamubuka biyuk bukni, Haman bira, ‘Se, amutuku ninye nirya eipmaniakce, elda talinye uka, tenepnamniyake’ tenen, malye kanye bobukce, el urasin nirya kanupdongobuka, el aik koproba tamubuka biyuk.
Mordekai birye, ‘Winibuka surat seknamlyame,’ nyabuka, akunum laka nyabukopura, Raja dam batakuka, elti, arebuk aik tamubuka biyuk. Atalak aniryuk ninye deiyoknye Mordekai amutuku noutamak, ninye deiyok nang sik ongolamik urasin pia teleb baju ongobuk. Abaju el yala ara, dekna weik mirin ning ap, kurun baju ap ongobuk. Tonda, urasin pia teleb un ning, ninye deiyok nang sik kisok deice kalubuka kilamik ning, el si ara mahkota, dekna weik kat ning el si emas, pia teleb ning arye, memebik ning ap, ongopmokce biyuk. Winibuka biyuk ning ara, kota Susan mutuku noutamak ulamik ninye, sik kanye pia teleb ubukba, elti, weik arye si erebuka unmekce, kwalya kwalibuka dibik.
Aning atonun, aweik pala mutuku ap, provinsi nirya ap, talibuka ulamik ninye deiyok nang ap, Gubenur ap, Bupati ap, sik amu tam unyakce, pil talibuka donyak nang nirya ap arye, sik Yahudi yala ninye ati, melilamik. Deiyok ara, sik dana-dana tam ninye nirya arye, talye ninye deiyoknye Mordekai elti, ara, ilil pia weik ulamuk.
Yata ninye do nirya, sik deiyok nang arye ara, yo kouamikiba, sik amu tam nang arye ayo melibuka kalikin makirye, moubuka pil dolamikirye, dola kwelamica ani, yo duk si, Ara, yo duk mouplyopura, ayo duk moupmaliba, apil dona nang arye, yo duk dakuka dinyake. Aning atonun, yata pil dona nang do nirya, sik deiyoknye birye, el dekna weik ning dobuka, ‘Naʼ tenen, deipliba, sikce aning melibuka kaliklamica ani, tabakuka weik kipnin balyopura, adeiyoknye birye, el amu tam pil dona nang ati, dekna ning ton dobuka sikti, “Telebe,” nyabuka, el dekna ning bokuka, anang ati arenamle.
Minop talak ara, anggun obuka sirya daksikce, anggun nong deice ikin ning delilamsik nang, sikce deibikba dadeipdanin yanganamak mapu nirya ara, anggun dam yakirye, anggun tibuk si erena ati, kisok kanupdongobuka kinamsiyake. Tonda anggunti malya nyabuka yep-yep alamsik nang nirya ara, anggun damuk yanuka kekebuka weknamake. Winipsikirye anggun mutuku Yerusalem mutuku ati nyanamake. “Se, amutuku ara dipkoprob Allah Yahweh elce wipdeiamuk mutuku, el ‘Naʼ tenen, mutuku ulule,” nyabuka nyanamkiyake. Tonda, “Se, Sion mutuku ara, malye ning tonok ning kum ulirye, Pia Lyena Deiyoknye Allah ara, Israel ninye kalikuka melilulnye, el amutuku ati kanye delilule,” nyabuka, Yerusalem mutuku ati nyanamake.
Sik yuk nang arye, “Nunda, dipkoprop Yahudi yala ninye, Allah el mapu kopropa unyabe,” nyabuka, talye nyaltakalamak bukni, dipkoprop ara, anang ara, Isa Mutuku Dongonye arye talilulba, el siuk erenyake. Aninye ara, tilila yupu nyana ninyeuk unyaka anya arye, na mikip deice nyapniba, amalye nang arye, sik yan dam gutam tuku dipdongobuka bunamake. Winibicopura, anggun Piladelpia mutuku diba tenelulum ninye ati, “Kume, anggun Piladelpia nang ati ara, dipkoprop Allah weik arye bico tenebuka melisulule,” nyabuka lakak nyapnamake.
ကြော်ငြာတွေ