Ester 4:13 - Eipomek

¹³ Ayupu laka nyalbiyukba, Mordekai birye Ester biti, tamubuka nyabuk. “Na kilmu Estero, anda moubuka tenipdelyame. Ance amutuku noutamak nirya talibuka ninye deiyoknye Raja Ahasyweros aik uk ululum bukni, anda Yahudi yala kil ulyame. Ati, ance, ‘Kume, yuk talye Yahudi ninye opnamak bukni, na tonok ara, kum opnamniake,’ tenena meme. Yuk Yahudi yala ninye opnamak talak ara, an babye oplopnamkiake. ‘El tonok ati, dauplye, daulule,’ nyabuka kum bataknamkiake.” Morkai birye Ester biti nyabuk.

Ester 4:13 ပူးပေါင်းရင်းမြစ်များ

Ester 4:12

Ester birye nyabukba, Hata birye Mordekai biti laka nyalbiyuk.

Ester 4:14

Nyabukce, ayupu tonap dukdongobuka nyabuk. “Ance yupu nyana kum, talye dingbu abuka uminyopura, nun ni Allah arye, Yahudi yala ninye lyena ati, yuk nang deice arye lyena ning arepnamsile. Bukni, Persia mutuku ninye arye an ap, an ni koproba ap, el mapsilip nirya ap ara, oplobikirye, sirya daknamake. Bukni, moubuka teneipdelyame. Nun walwal bukni, anda ninye deiyoknye, el Ratu kil akunum ulyame. Aunmalama deiyok ara, Yahudi yala ninye ikin bobuka weika arye unmak talak, sik lyena ati aunmalam do, kum do? Ati, ‘Ance yata wiribuka uptuma deice arye, Yahudi yala ninye nirya lyeptum do?’ tenen, nyapkine. Bukni, na nyapmakin touk kum umince, batakminyopura, an ap, nun Yahudi yala ninye nirya ap, oplopnamsiake.” Mordekai birye Ester biti nyabuk.

Yohanes 12:25

Yatanye do, yata kil do, sik bidamang kam una ati, ‘Na ning,’ tenebuka, ubicopura, aminyan talak dibikibuk, dipkoprop kam pia kum unamake. Bukni, yata ninye do nirya, tukwak mutuku unyak talak nirya arye, ‘Na kam una ara mambul kum bukni, Yesus el ning ara mambul weike,’ tenebikirye, na ning atibuk tuba tenenauk ubicopura, dibikce babye, aminyan talak kam pia unamake.

Pilipi 2:30

Anggunce nati kum melipmanto ulamnuluma anya arye, el dopdeipnumunba, ‘Kristus el piluk dopnun’ tenen, Epafroditus arye na melyamnuka deice arye, dipmanto ubuk. Kristus el pil dona ati, dipmanto ubuka anya arye, wini talak ara, elda anggun dam yalyopura, elti, weik kanye deibuka, kinamlulume. Na Paulus arye, nyapsine.

Ibrani 12:3

‘Tuba imun ning usiliba, mikip ara, mitang asa ubuka, imun kanye bobibirye, talima bouku sukulamsil talak ara batakipyak’ tenen, ati ara, Yesus winilamuk ning ati, pia tenenauk unamlulume. Diba tenena kum, pia malye winin nang arye, Yesus yanibuka el nong deice ikin ning weik delilamik bukni, Yesus ara, pia batakna kum arye, pi dobuka mikip arye ulamuk.