Ester 2:4 - Eipomek

⁴ Aning nirya akunum winibikcopura, na ni Raja Ahasyweroso, ance tenepmince, an urasin dina teleb upkiliba, an kanye upmanto wel kil ton aupmalyopura, wibuka deipminba, nun weik deiyok kil, Ratu Wasti el pununa ati unamle.” Raja Ahasyeweros el aik pum pil melin nang arye, Raja ati nyabikba, ayupu kekebuk.

Ester 2:4 ပူးပေါင်းရင်းမြစ်များ

2 Samuel 17:4

Nyabukba, ayupu nirya kekebikce, Absalom ap, Israel wisi nang nirya arye, “E, anyapmasilam ning ara, teleb uka. Aninguk winipnamabe,” nyabik.

Ester 1:21

Memukan birye, Raja Ahasyweros ati, nyabukura, ninye deiyoknye Raja Ahasyweros ap, el amu tam pil talibuka don nang bukni, Persia mutuku ap, Media mutuku ap, nirya talibuka ulamik mambul weik nang nirya kekebikce, ‘E, elce nyapmasil yupu ara, teleb anya arye winipnamabe,’ tenebik. ‘Telebe,’ tenebik ati ara, Memukan birye, Raja Ahasyweros biti nyabuk touk, Raja Ahasyweros birye winibuk.

Ester 2:19

Ura, anoutam talak nirya, Mordekai bira, ninye deiyoknye, el pil melibuka donanye pegawai kilamuk. Winilamuka ani, like bitinye talak, Raja el pegawai nang arye, “Wel kilapu ton, Raja dam yanunyake,” nyabuka yukubik.

Ester 2:3

Tonda, ance nyapminba, akam kilapu ena deiyok nang ton, wibuka deipnamlyame. Ance talilyam provinsi noutamak nirya, deiyok nang ton, wibuka deipminba, sikce urasin teleb kilapu enamake. Epra balamica ani, akunum eibicopura, akilapu dobuka yakirye, akota mutuku Susan noutamak bukni, an aik pum tam delilyanamake. Winibicopura, an amu tam pil dona deiyoknye, el si Hegai birye, akam kilapu nirya ati, melibuka enamle. Awel kilapu, an aik pum tam unamak talak ara, sik urasin pia teleb una ati, mek kekna ap, nintong teleb mek likra delinamak ning ap, unamake.

Ester 2:5

Atalak ara, Persia mutuku weik deiyok asik kota Susan mutuku noutamak, ninye tonok ton, Yahudi yalanye, el si ara, Mordekai ulamuk. Mordekai el li bira, Yari. Yari el li bira, Simei. Simei el li bira, Kis ulamuk. Sik anang nirya ara, Benyamin yala nang ulamik.

Matius 14:6

Batakuk bukni, Raja Herodes el deiamik sum akunum ubukura, weik kwalina kwalibuka deibukba, el kayapu nang weik dilyayik. Sik akwalipmok ning dinmek talak ara, Herodes el kil Herodias, el kilmu mot yanuka senmokba, sik anang nirya arye, kanye deibuka dinmek.

Matius 20:16

Nyabukopura, ayupu nong tonap laka nyabuk. “Arup winipmanto yupu nyapmasin touk, sirya talak ara, wini talak anggun tukwak ninye arye, ‘Se anang ara weik mambule,’ tenelulum ninye ara, amutamuk deipnamne. Aning atonun, anggunce, ‘Se aninye ara, mambul pia kum ninye unyake,’ tenen, luba kilulum ninye ara, Allah arye erepdeiplirye, weik nang kipdeipnamlarya. Allah arye anang dobuka amutamto kipdeipnamle. Wini talak, yuk nang arye, ‘Sikda mambul kum ninye unyake,’ tenenyak ninye ara, Allah arye erepdeipliba, mambul weik ninye unamake.” Yesus arye nyabuk.

Matius 22:14

Yesus arye awekmek nang ati, winipmanto yupu nyabukopura, ayupu deiyok ati, ayupu laka nyabuk. “Ayupu domon deice nyapmasin touk, ninye diba tenebikiba, Allah lyepsilirye, anggun talima talisilya atonun ulule. Allah arye ninye mutuku-mutuku nirya weik arye, ‘Na dam yanamak’ tenen, yuk ulul bukni, ninye mitik anunuk wililulak wekenyake.” Yesus arye nyabuk.