Atulum welenmok makau ap, uku buk ap noutam bisik biyukce, asum aryuk Allah el si Yahweh arye, Abram biti, “Dipkoprop winipnamkine,” nyabuka nyalin yupu nyapdeibuk. Allah el si Yahweh arye, nyalin yupu nyabuk ning ara, ani. “Abramo, ance deipminba, dadeipdanin binamak mapu, an mapu nirya ara, aunmalam mutuku nirya arepnamsine. Ara, Mesir mutuku noutamak weik balamle mek arye, dukdongopbuka, pera otam weik balamle mek el si ara, Efrat mek ap, danoutam mutuku nirya ati nyapkine.
Esra 4:20 - Eipomek20 Nun kele. Minop talak ara, Yerusalem mutuku ap, amutuku dana-dana mutuku ap ara, yuk-yuk dana-dana tam ninye deiyok nang yangalamikce, amutuku ninye nirya obuka, amutuku nirya ap, amutuku noutam tuba ulamik nang ap, taleamik. Raja nang ara, mikip pia weik ulamika ati, weik balamuk mek, el si ara, Efrat mek bukni, otam keting kumulban tam mutuku nirya ara, weik tonun taleamik. Sikce amutuku im sirya, mutuku sirya nirya talilamika ati, amutuku noutam ulamik nang nirya arye, pajak yo bok, yuk-yuk ning nirya bululamikce, sik ninye deiyok Raja nanguk arelamik. အခန်းကိုကြည့်ပါ။ |
Esra 4:20
23 ပူးပေါင်းရင်းမြစ်များ
Ura Tirus mutuku taleamuknye Raja Hiram bira, tuba-tuba Raja Daud ap kanye deipdanamdik ati, yuk nang arye, “Raja Daud el dolamuk pil yok pununa ara, el mi Salomo anyuk tikmale,” nyabikba kekebukce, Raja Hiram birye el melin nang dopreibukba, Salomo dam nyalbiyik. Biyikce, “Nun ni Hiram birye, anda Raja kipmalama ara, ‘Telebe,’ nyapmakile,” nyabuka nyalbiyik.
Utenelamuk bukni, wini talak ara na Salomo birye nyapkine, na si erenun Allah, el si Yahweh arye meilyamnuk deice arye, akunuma. Mutuku-mutuku nirya unyak ninye arye, nun ton kum olyanamsiyake. Wini talak ara, nun ap olalamupu nang ton kum unyake. Wini talak ara, ikin weik ning ap, yuk kanye imun ning ap ton kum upmasile. Talye mangkau kanye bobuka unyabe.
Winibukopura, adiparyuk ninye deiyoknye Raja Daud birye, Edom tam noutam ara, el yin talin nang una ati, anyaik pum tam wipdeibukba, daulamik. Winilamika ati ara, sik amutuku nang ara, ninye asik nang ulamak atonun ulamikce, amutuku tuku deice unamika ati, yo bok ap, teleb arin ning ap, bulubukabikce, pajak yo bok arena atonun, Daud el damuk arelyangalamik. Unilamikba, Edom mutuku noutam ulamik nang nirya arye, Raja Daud el amu tam ulamik. Tonda, Raja Daud birye, ‘Ninye yuk mutuku nang olbinamana ati, binuka olanman talak nirya ap ara, Allah Yahweh el mikip ara, Daud deice deiamukce melilamukba, yuk mutuku nang ati oltakana uk ulamuk. Yuk mutuku nang arye, el Daud biti yanibuka malye kum kipmanto ulamik.
Atonun tonda, ninye deiyoknye Raja Daud, elce eitam pera mutuku talibuka, Raja Hadadezer ap, el yin talin nang nirya ap, nirya oplobuk. Anye Raja Hadadezer bira, el taleamuk mutuku si ara Zoba. Amutuku ara, weik asik domikak, amutuku si ara, Hamat mutuku, aning ara, Siria tam noutamak uamuk. Daud birye, anye oplobuk talak ara, Raja Hadadezer bira, ‘Itam pera mutuku, Efrata mek kin arye, na mikip arye alubuka dopropnamneʼ tenen, ulamuk. Winilamuk talak noutamuk, Daud ei mutuku banmokce, anye bira oplobuk.
Adiparyuk ninye deiyoknye Raja Daud birye, Siria tam noutam bukni, weik asik Damsyik mutuku noutam arye, el yin talin nang sik auna ati, anyaik pum tam wipdeibukba daulamike. Winilamika ati ara, sik amutuku nang ara, ninye asik nang atonun ulamik. Amutuku tuku deice auna ati, yo bok ap, teleb arena ning ap, sikce bulubukabikce, apajak yo bok boyanuka, Daud el damuk arelyangalamik. Tonda, Raja Daud birye, ‘Ninye yuk mutuku nang olbinamana ati, binuka olan talak nirya ap ara, Allah Yahweh el mikip ara, Daud deice deiamukce melilamukba, yuk mutuku nang ati oltakana uk ulamuk. Yuk mutuku nang arye el Daud biti, yanibuka malye kum kipmanto ulamik.
Atalak ara, Hadadezer birye, weik ninye kibuka taleamukba, el amu tam ninye deiyok kibuka ulamik nang ap, el tam yin talin nang nirya ap ara, Israel yala nang yin nang aryuk obuka sirya dakik. Winibikura, sik Siria tam nang nirya arye akunum kekebuka bikik. Ati ara, sik Hadadezer amu tam ulamik nang ap, deiyok-deiyok nang ap, sik nirya yayikce, Israel nang ati, “Angguncuk talipsumunyeba, nun ap, anggun ap epdanuka, nunda anggun amu tam talye teleb ubuka neika unamabe,” nyabuka, yanuka morobikopura, amutuku ulamik nang nirya ara, Israel nang aryuk talibik. Talibika ati ara, Siria mutuku nang arye ton ap malye kibuka, sik Amon mutuku nang ati tuba ton ap pia kum melilamik. Sik yuk-yuk kipdobikce ulamik.
Sik ton, olana kumce, teleb kibuka neika unamabe. Tonda, Raja el uk si erenamap tenen, sik Pilistin mutuku nang arye bulubuka boyangalamik dekna weik ning perak ap, yuk-yuk dekne ning nirya ap boyayikce, Yosafat biti arebikba, elce bobuka delilamuk. Atonun tonda, sik Arab tam nang arye boyangalamik ning ara, domba basam yupa weik tujuh ribu tujuh ratus (7.700) ap, tonda atonun, kambing basam tujuh ribu tujuh ratus (7.700) ap boyanakarye arelamik.
Tonda, yuk nang arye ton, aning atonun ton dobuka yan arelyangalamik ning ara, kum nukmanto. Ara, sik bona dekena aik deiyok nang ap, Arab mutuku deiyok nang ap, sik pala tam mutuku talebuka ulamik nang, Gubenur nang ap, sik adeiyok nang nirya boyangalamikce, arelamik ning ara, kum nukik bukni, adekna weik ning ara, pia weik arye arelamik.
Ati ara, sik Israel yala nang arye, Yerusalem mutuku weik aik ara, lipsisikuka tuba dopbikirye, acang keil poka ton akunum lepsisikirye, antanap dongobuka dobikcopura, sik amutuku unamak nang arye, Raja anti, si erena ati yo bok ap, ninye pil dona ati yo bok ap, sik tuku talina ati yo bok ap, aning nirya ara, el si pajak yo bok, tonap pia kum arenamake. Anang nirya arye, ayo bok bulubuka, an dam kum arelyanganamake. Tonda, nun ni Raja, ance dololyam yo bok, mitik kipnin banamkile. ‘Aning ara, pia malye,’ tenenyaba ati, aning nirya laka nyapkiabe.
Aning nirya ati, aning ara, nunce asurat sekuka, deipkiyaba deice arye, laka nyapkiabe. Nunda dip bikinyabe. Sik Israel yala nang arye, Yerusalem weik asik dolamik ning ap, amutuku dana-dana tam antanap dongobuka domik cang keil poka ap, tuba lipsisikuka dobikcopura, sik Israel yala nang aryuk, amutuku nirya talinamake. Winipnamaka deice arye, apropinsi noutam ara, Raja Artasasta, ance amutuku noutam nirya ara, tuku tonok babye kum talinamlame. Ara, weik balamle mek, Efrat mek bukni, keting kumulban tam nirya ara, ance amutuku noutam tonok babye, kum talipnalama ati, nyapkiabe na nio.
Ayupu kekepsa ati, narye, “Wininamlume,” nyabuka, mikip deice arye nyapse yupu, akunum nyapdeipsopura, na tam nang arye, minop talak seklamik buku noutam dipdenmanguba, akunum bikmabe. Anggunce, laka nyapmanulum touk, dipkoprop, Yerusalem mutuku noutam ara, minop talak arye dipdongobuka, wini talak nirya babye, amutuku unyak nang arye, malye weik tuba wininyake. Ara, yuk mutuku ninye deiyok nang arye, amutuku obukabikirye, akunum bataknamake. Bukni, sik Israel yala nang, Yerusalem mutuku noutam ulamik nang arye, ‘Kume, Raja nang arye, nyapsice yupu nirya ara, nunce pia kum kekenamabe. Raja nang nirya batakibirye, nun yuk unamabe. Nun kanye teninyaba deice aryuk unamabe,’ nyabuka, tuba-tuba malye nyanyake.
Anggunce asurat deice arye nyapdeipmanulum yupu ara, dipkoprob nyapdeipmanulume. Ati ara, na Raja Artasasta birye, anggunti, mikip yupu deice arye nyapsine. Anggun Efrat mek kin bukni, otam keting kumulban tam umunye ninye deiyok nang arye, surat ton sekuka, wini talak sik Yerusalem mutuku unyak nang dam dopkwetepnamlume. Asurat noutam arye, ayupu weik tonun nyapdeipnamlume. Ara, ‘Sik Israel yala nang arye, Yerusalem mutuku weik asik domikak ap, amutuku cang keil poka deibuka domikcak ap, lipsisikuka donmalum pil nirya ara, adiparyuk bataklulume! Yerusalem mutuku weik asik nirya ara, anggunce lipsisikuka kum dopnamlume. Aning ara, adiparyuk bataklulume! Naryuk, Raja Artasasta birye, ‘Telebe wini talak anyaik tuba lipsisikuka doptume,’ nyaptinyopura, telebe apil doptume. Bukni, aning min kum nyapsinyopura, anggunce apil dipkoprob pia kum donamlume.’ Nyabuka, surat sekuka dopkwetepnamlume.
Tonda, na Raja deiyoknye birye, na amu tam deiyok nang nirya ati nyapsine. Anggunce, Israel ninye nirya ara, uang yo bok dona kume. Ara, anggun deiyok nang si erena ati, tonda pemerintah uang yo bok buluna ati, pajak nyalamak ning ara, aning nirya dona kume nyapsine. Ara, Israel nang, Allah el aik pum tam pil melibuka dona deiyok nang, imam nang ap, sik amu tam pil melin nang, Lewi yala nang ap, Allah el si eren mot sena deiyok nang ap, Allah aik bublan dam tikna arye kalikne nang ap, Allah el si eren aik ati, melibuka pil don nang nirya ap, pajak uang yo bok ton pia kum dolonamlume.
Na ni Allah, ance nun ninye deiyoknye ati, melipminya deice arye, elda ninye deiyoknye Raja kibuka, talinamle talak arye, talinamle mutuku ara, keting yangan tam arye, dipdongobuka, keting wekelban tam nirya ap, talipliba, lo weik unamle. Ara atam, weik laut mekwen dam arye dipdongobuka, otam laut mekwen tam nirya ara, elce talinamle. Winipliba, anoutamak nirya ara, pia weik mutuku unamle. Aning atonun, keting yangan tam biyuk weik mek, el si Efrat mek dam arye, dipdongobuka, keting wekelban tam nirya ara, mutuku-mutuku nirya, ‘Ance melipminba, elcuk amutuku nirya talinamle’ tenen, moropkine.
Minop talak ulamik mutuku nirya ara, kanye deibuka, kil-kil asa arye teleb ubuka ulamik. Bukni, wini talak unyap Yerusalem mutuku ara, asik ol dem ubuku ati, wini talak ara, langapdongobuka, namin asa arye unyabe. Minop talak ara, mutuku nirya teleb asauk ulamik bukni, wini talak ara, youwak kilapu ulamak touk unyake. Minop dorapce, dib dongobuka, upra yangalamupu nirya ara, pia teleb bukni, wini talak tuba malye updeibik.
Anggur tapu yo ara, teleb kibuka palamukce, el taruk tonok ning ara, pia cang ap, mikip weik uamuk. Winibuka ati, atalak ara, namin arye cepmanto kum uamuk. Winibuka ulamuka ati, ayo taruk ara, pia ninye deiyoknye, Raja aryuk, ‘Nara amutuku nirya talinuna ati, ayo taruk kat dopropnirye, na teleb kama ati kintinip deipnamak,’ tenebukce doprobuk. Anggur yo taruk tonok pabuka, cang arye tikamuka ara, pia cang weik, mitik taruk ton, weik palamukba, awamuk ning lake ubuka ati, amutuku nang nirya arye elilamik.
Yesus amutuku batakukce, yukak banmok. Banmoka ani, tonoknye, el si ara Matius ulamuk. Roma mutuku nang arye amutuku nirya talilamika ati, amutuku ulamik nang arye sik pajak yo bok Roma mutuku weik ninye deiyok nang ati arilamik. Matius ara, Roma mutuku nang arena ati, ‘Apajak yo bok bulubuka, Roma mutuku nang arepnamne’ tenen, ayo bok deiyamuk aik pum bukmokak, Yesus yayukce eibuk. Eibukce, Matius ati, “Anda na melibuka dobolyanilyame,” nyabukba, Matius arye adiparyuk tukuka, el bukmok aik batakuka Yesus melibuka dobolbiyuk.
ကြော်ငြာတွေ