Daniel 8:18 - Eipomek

¹⁸ Malaikat Gabriel elce, ayupu tuba nyanmok talak ara, na wi weik talipmanukba, tuku deice sakuka poulbinmasirye, tia talak mapmase. Bukni, amalaikat Gabriel birye, na melina ati, na nong talibuka bukeipnukba, na tamubuka bukse. Buksiba, elce nati nyapnuk.

Daniel 8:18 ပူးပေါင်းရင်းမြစ်များ

Kejadian 15:12

Abram birye, aning nirya deipmokce, aunmoka ani, aminyan talak keting kumupnuyuk talak ara, Abram wi weik talibukba, mabuk. Mapmokba, kanye bona pia kum ubukba, weik kuna dakna atonun ap, weik ilil una ap ubuk.

Ayub 4:13

Pia lukunyan noutam, ninye nirya ara, pia malamak talak, na dam yayukce nyapnukba, kekesirye, mambul kanye bobuka, mapmase. Winipmasa deice arye, lukunyan malye lengdar mapsa.

Yehezkiel 2:2

Ara, Allah arye nati, yupu deiyok koubuka, nyanmanuk talak aniryuk, Allah arye el Dib Kanye arepnukba, na talima noutamak yanuka weknukce, tikeipnuke. Winipnuk talak ara, Allah arye yupu nyapnukba, kekepse. Elce nyapnuk ning ara ani.

Daniel 10:16

Winipse ati, ninye bol atouk kibuka, yanmok malaikat arye, el taruk boyanuka, na si bambol deice, yanuka bol pipnukba, narye elti, nyapse. “Se, na nio, lengdar mapmanubuk winibukba, eipsa deice arye, kanye imun upnukba, na mikip babye, kum upmanile. Pia mitang upmanila ati, yupu ton kum nyaptinye.

Daniel 10:18

Nyapsopura, el amalaikat, ninye urasin atonunye birye tamubuka, na nong yanuka, bol pipnukba, na mikip tamubuka, yanuka deice arye, tuba na mikip teleb upnuke.

Daniel 8:17

Nyabukba, Malaikat Gabriel ara, na nong dam koprop tikilyayuk. Winibuk talak ara, na pia ilil upnukba, adiparyuk lokuka, tuku deice poulbise. Winipseba, amalaikat Gabriel birye, nati nyapnuk, “Anda ninye arye deipkiknye ulyam bukni, na nyapnukin ning ara, moubuka biklyame. Lengdar deice arye winipmanuba, eipmalam ning nirya ara, aminyan talak, tukwak mutuku nirya, sirya daknamle talak winipnamle ning ati, alengdar deice arye eipmalame,” nyabuka laka nyapnuk.

Daniel 8:27

Atalak ara, na Daniel bira, na nong mikip kum upnuk talak ara, like bitinyeto, winilyeto, sum ton, uk weik dilamnuke. Winilamnukba ulamsa ani, tamubuka buksopura, ninye deiyoknye Raja arye, nati, ‘Apil dopnilyame,’ nyabuka, arepnuk ninguk donmase. Bukni, lengdar deice mapmasiba, awinimukba, na asing arye eipmase ning ati, ‘Se, aning ara, el nong ara, yata ati do? Yata winipnamle do?’ tenen, ilil upnukba, teniltonauk ulamsirye, pia moubuka, ‘Deiyok atiaʼ tenen, bikmanto kum uamse.

Zakaria 4:1

Asum na ap neika yupu talipmanumu malaikat ara, tuba tamubuka, na dam yayuk. Yayukopura, winipmanto ninye mapmakiba, yakirye bulilamaka atonun, yanuka bukeipnukce, nyapnuke.

Lukas 22:45

Yesus arye Allah moronmoka ani, sirya dakukura, el mapu unmekak tamubuka binuka dinmokbuk, ‘Nun ni Yesus obiceura, dipnamale,’ tenenmeka ati, bouku sukun mok ati sik nong mitang upmoka ati manauk manmekak eibuk.

Lukas 9:32

Sik Peterus ap, Yakobus ap, Yohanes ap ara, amutuku dam mapmeka winiryuk wi walwal bukikopura, wi walwal upmok arye, wi dung-dung anmek, ak adirina weik ubukura, lukdanuka dung-dung abik. Akunum dung-dung abik karen ara, Yesus el urasin yuk ubuk ning ap, el dirina weik ubuk ning ap, abitinye nang el ap neika tikmekak arye, yupu talipmek ning ap, eibik.

Rasul 26:6

Ara, Allah arye nun apu yapu ati nyalilamuk yupu, na babye, ‘Dipkoprop winipnamsile,’ tenenun. Ara, ‘Akunum diyamikce nang aminyan talak kam bukeipnamle’ tenen, dinauk unune. Aning dib tenenuna ati ara, arup arye, anggunce yupu bokeipmanulume.

Wahyu 1:17

Anye epsirye, mambul kanye bobuka, ‘Si erebuka kipnun’ tenen, el yan dam bisirye, gutam ap, kisok ap, tuku deice dipdongobuka buksirye, pia yupu kum asa bukse. Winibuka buksibuk, anye el sirik taruk arye, na nong deice deibuka talipnukce, ayupu nyapnuke. Ara, ani. Anda ilil una meme. Aning-aning nirya, min kum uamuk talak ara, na akunum ulamse ati, nara Deiyok Kina Deiyoknye unune. Tonda, aning-aning nirya, akunum kum uplye talak babye, na pia kam unamne anya arye, nara Sirya Dakna Deiyoknye unune.