Daniel 6:19 - Eipomek

¹⁹ Winipmoka anya arye, ninye deiyoknye Raja, beren tam berekelongoyuk talak ara, minopce bukukabukce, singa kuse ulamik dam, bikbik abuka dilbiyuk.

Daniel 6:19 ပူးပေါင်းရင်းမြစ်များ

Daniel 6:18

Winibukopura, ninye deiyoknye, Raja Darius tamubuka, el aik koproba biyuk. Biyuk talak ara, din ning babye, tonok ton dina kume. Tonda, el pil don nang ati, “Arup ara, na kanye delina ati, bukmelibuka mot sebuka, ton kum wininamlume. Na dam babye, yangana meme,” nyabuk. Tonda, alukunyan ara, pia wi kum mapmokce, kam berenga uk dipmok.

Daniel 6:20

Akunum dilbiyukce, imun kanye bobuka, “Daniel anda Allah el pil donanye ulyamce, Allah el kamnye mikip deice arye, akunum lyepdopmakil do?” nyabuka, weik yupu deice arye binuka nyabuk.

Matius 28:1

Sik nirya damapra ulamika ani, Sabat sum akunum ubukura, berekukura, minggu sum beren tam arye, Maria Magdalena ap, Yakobus el lin Maria ap, akilapu bitinye, ‘Yesus el nong weipmanguak dilbinunam’ tenen, akeil deiya dam dilbirik.

Markus 16:2

Minggu sum beren tam berekel taknop arye, awinilye kilapu Yesus weipmokak binuka, ‘El nong deice nintong teleb ning dikuka likeipnuyap’ tenen, bisik banmek talak ara, asipdanin banmek.

2 Korintus 2:13

Kel kipse bukni, na weit atonunye Titus ara, Teroas mutuku kum ulamukba, kum eipse ati, ‘Se tenen, na kanye talima noutamak teleb ulul do, kum do?’ tenen, na kanye talima noutamak ara, teleb ubuka kanye kum darapnuke. Titus kum eipse anya arye, sik Teroas mutuku ninye ati, “Telebe daulalume,” nyabuka, sik mutuku bataksirye, kirikuka Makedonia tam bise.

1 Tesalonika 3:5

Aning ati ara, anggunti tuba tenelamsisirye, adiparyuk kum winipmanto upnukura, Timotius anggun dam dopdeipsise. Ara, dilbilirye, aminyan talak ‘Sik Tesalonika ninye arye, Allah ati diba tenenyaka ara, tuba teleb unyak do, kum do?’ tenen, dopdeipse. Ara, ‘Isa Mutuku Dongonye arye pirilena ning winiplibuk, malye winibicak do?’ tenen, tuba moubuka dilamnuke. Deiyok ara, ‘Isa Mutuku Dongonye arye akunum piripdesukba, malye akunum winibdeibsuk ak, nun pil dolamubu ning ara, nong kum upsuk do?’ tenen, Timotius anggun dam dopdeipsise.