Daniel 6:18 - Eipomek

¹⁸ Winibukopura, ninye deiyoknye, Raja Darius tamubuka, el aik koproba biyuk. Biyuk talak ara, din ning babye, tonok ton dina kume. Tonda, el pil don nang ati, “Arup ara, na kanye delina ati, bukmelibuka mot sebuka, ton kum wininamlume. Na dam babye, yangana meme,” nyabuk. Tonda, alukunyan ara, pia wi kum mapmokce, kam berenga uk dipmok.

Daniel 6:18 ပူးပေါင်းရင်းမြစ်များ

2 Samuel 19:24

Tonda, Saul el deiamuk mi arye, deibuk mi Mefiboset bira, minopce Daud dam yayuk. Raja Daud birye, Yerusalem mutuku batakuka, biyuk talak arye, deiyok koubuka, Mefiboset bira, ikin kanye bobukce, el ongon baju mek ilikina ap, bam potong kona ap, yan mek likina ap, batakuk. Ara, Daud Yerusalem mutuku Raja ulamuka ani, Absalom biti ilil ubukba, Yerusalem batakuka, bai tam binamuka ani, tuba tamubuka, Yerusalem mutuku uk, teleb ubuka yayuk talak noutam nirya ara, Mefiboset birye, talibuka ulamuk. Mek ilikina ap, mek kekna ap, kum diparyuk yayuk.

1 Raja-Raja 21:27

Ura, Elia birye, Raja Ahab biti, Allah arye nyapdeipmok yupu laka nyanmok talak ara, anang nirya kekenmekbuk, Elia birye akunum nyapdeibukopura, Ahab kekebukce el baju ongopmok ning kwiribuka batakukce, pia malye baju dobuka, el nong deice kalupdayuk. Winibuka deiyok ara, ‘Na akunum malye upse,’ tenen, ilil kanye bobuka lak kibuk. Winibukce, malye kanye bobuka, din dina kumce, din bulung uk unmok. Tonda asum arye deiyok koubuka, bisik banmok talak babye ara, malye baju aryuk ongopdongobuka, ‘Nara dipkoprob pia malye ulamsinye’ tenen, ilil unmokba, bouku sukubukba unmok.

Ester 6:1

Asum lukunyan noutamak nirya ara, ninye deiyoknye Raja ara, manna pia kumce, bukna uk upmok. Bukna uk upmoka ati, elce tamubuka morobuk. “Minop talak dipdongobuka anoutam talak ninye arye ulamik ning nukna buku sekuka deiamik ning ara, dobuka na dam boyalulume. Boyamunyeba, ninye ton abuku yinipliba, nara ninye deiyoknye Raja kekenamane,” nyabuk. Nyabukura, abuku dobuka boyayikba, tonoknye birye yinipre banmokba, ninye deiyoknye Raja kekenmok.

Ayub 21:12

Amapu nirya arye kanye deibikirye, mot nyana nang ati bung-bung ana, sik si ara rebana ap, kecapi ap, tonda seruling ap nirya ara, sikce dobuka kanye lon mot nyabikirye, karye obuka kwalina uk unyake. Sikda kanye deibuka arikal donyake.

Mazmur 137:2

Amutuku noutamak palamuk yo, el si gandarusa yo tikamuk. Ayo kan-kan bukmapu talak ara, yupu len ning, el si ara kecapi, ‘Kanye lon mot ton kum senamabe’ tenen, nun kecapi dobuka, ayo deice kirikilkwetelamupu.

Mazmur 77:4

Atalak noutam ara, nun ni Allah ati, tenipdenirye, tuba engebuka moronune. Allah arye melibuka, pil dosulul ning ati, tuba tenipnirye, na kanye talima noutam ara, pia mitang upnilyopura, pil bita kum wininune.

Penghotbah 2:8

Tonda, na taleamse mutuku noutam, Provinsi deiyok nang ap, tonda, yuk karin mutuku talibuka ulamik nang, Raja-Raja nang arye, na dam bobuka arelyangalamnik teleb dengna weik ning ara, emas ap, perak ap arelamnikba, narye aning nirya bulubuka delilamse. Tonda, na kanye delilana ati, mot nyan nang sal ap, kilapu ap, dopdeipsiba, sikce mot nyalamika deice arye, nati kanye teleb kililamnik. Aninguk kum bukni, tonda na patalamnukba, naryuk tenelamse touk, kilapu babye, yupa pia weik arye dolamse deice arye na kanye delilalamse.

Ratapan 3:53

Na mal olan nang arye, nara tomobuka balamne mek ati lokamik bukni, mek cebukabukce, sisal sepdobuk pum bisik ara, na nong dobuka, kam kipman dopkwetepnik. Dopkwetepnika deice ara, keil arye dobuka opnike.

Daniel 10:3

Awinilye minggu noutam nirya ara, teleb din ning ap, tup ning ap, ton kum dilamsirye, si tebuka, din bulung ulamse. Tonda, anggur mek ton kum dilamse. Tonda, atalak ara, na kisok potong deice, ‘Nintong teleb upnamleʼ tenen, nintong teleb mek ton, na kisok deice kum likilamsirye, na potong kum leleklamse. Talye urdemuk ulamse.

Daniel 2:1

Babel mutuku deiyoknye, Nebukadnesar bira, keting tamun bitinye, talibuka ulamuk talak ara, tonok lukunyan noutamak arye mapmokce, lengdar mabuk. Mabukopura, el ikin kanye bobukce, kanye teniltonauk unmokce, alukunyan ara, teleb ubuka kum mabuk.

Daniel 6:19

Winipmoka anya arye, ninye deiyoknye Raja, beren tam berekelongoyuk talak ara, minopce bukukabukce, singa kuse ulamik dam, bikbik abuka dilbiyuk.

Wahyu 18:22

“Sik mutuku noutamak minop talak ara, pong-pong ana atonun ning, bengkong ato ning el si ara kecapi ap, terompet ap, aning-aning nirya talilamika deice arye mot selalamik bukni, wini talak arye dipdongobuka, aminyan yanamle talak noutamak nirya ara, amot sen ning, sik Babel mutuku noutamak tuba tonap pia kum nyanamake. Abung-bung ana ning arye, kum nyabikiba alelim ton Babel mutuku noutamak kum kekenamake.” “Yata pil do nirya, Babel mutuku noutamak pil yala nirya dolamik bukni, wini talak arye dipdongobuka doyanamle talak ara, pil aning-aning nirya sik mutuku noutamak ara, pil pia kum donamake. ‘Roti din ning dapnuyap’ tenen, kintinina ati, terigu teikna pil dolamikba, alelim kekelamik bukni, doyanamle talak noutamak nirya ara, Babel mutuku noutamak tuba tonap, roti din ning el deiyok ning, terigu teikne pil ton pia kum donamaka deice arye, alelim pia kum kekenamake.”