Daniel 3:6 - Eipomek

⁶ Tonda yatanye do, anyapmap yupu moubuka kum kekeplirye, anyapmap touk, aning ati, si kum ereplinye bira, adiparyuk tapu koubukabibirye, elda weik uku buk pakanmalya noutamuk, dongopnamabe.”

Daniel 3:6 ပူးပေါင်းရင်းမြစ်များ

Kejadian 19:28

Ara, el unmok mutuku kon tikmokak arye, weik lyu noutamak ubukba, otam Sodom mutuku ap, Gomora mutuku ap dipdeyuk. Dinmok bukni, aning-aning laka kum ubukba, weik tulum dem welenmokba, eibuk. Ara, weik wa sekenmakiba, tulum weik, welelamle touk wininmokak, eibuk.

Keluaran 20:5

“Yata ning do nirya, urasin atonun puturubuka, aning ati kisal dobuka, gutam tuku dipdongobuka si erena meme. Anggun ni Allah ara na Yahweh uka. Ati yuk talye ning si erena meme. Na mapu arye yuk ning nirya ati, ‘Nun ni’ tenen, si erebikcopura, na malye kanye bobuka pia yu unune. Nati, ‘Nun like’ tenen, malye-malye nyaninyak nang ara, sik wenepnirye, sikce deipnamak mapu ap, sik mapu deipnamak mapu ap, amapu babye deipnamak mapu ap ara, sik deipkirikdop nang ninye dika bitinye do, winilye do nirya ara, tuba wenenamne,” Allah arye nyabuk.

Yeremia 29:22

Tonda, aminyan talak ara, Yudea mutuku noutam arye bobinuka, Babel mutuku bobinamikba, daulamik nang nirya ara, aning kekebuka bikikirye, nyanamake. Yuk nang ati, ‘Supnamabe,’ tenebikirye, anang ati nyanamake. “Kume, anggunda malye winiluluma ati, nun ni koproba Allah Yahweh arye, Zedekia ap, Ahab ap, sik wenena ati, kanye imun weik ning arebuk touk, anggunti aning ara, ‘Allah arye arepnamsilʼ tenen, Allah ati moronamabe,” nyabuka, sunamake. Ura, minop talak ara, Allah arye lo arebukba, Babel mutuku taleamuka deiyoknye, Raja Nebukadnesar birye, abitinye nang tomobukce, kam kipman, uku dongobukba, uku arye anang dibuk. Ati, Israel nang bukni, Babel mutuku tuba daunyak nang arye, yuk nang sik wenena ati, ayupu nyanamake.

Daniel 2:5

Nyabuka asibikopura, ninye deiyoknye birye tamubuka, sik keting ap, wala ap, kurya ap, deiyok kel bikamik nang ati, nyabuk. “Narye anggunti, akunum nyapmasune. Na lengdar mapman ning, kum laka nyapnumunyopura, anggun nong nirya, obuka sekukapsinirye, anggun aik nirya dakuka, ulublopnamane.

Daniel 3:11

Aning atonun, ‘Yatanye do, aning ati si erebuka, kum kiplinye bira, adiparyuk tapu koubuka, weik uku buk pakanmalya kan-kanuk, dongopnamalume,’ nyapsulume.

Daniel 3:15

Wini talak ara, anggunce aning si erena ati, kintinipmalum do? Pong-pong ana, aning-aning nirya arye, lelim weik taplyopura, anggun nirya arye, aning si erena ati, akunum kintinipmalum do? Kintinipmamunce, aning ati si erepmunyopura, teleb uka. Bukni, anggunce, ‘Aning nun kum si erepnuyabe,’ tenepmunce, si kum erepmunyopura, anggun tapu koubuka, weik uku buk pakanmalyak noutam dongopnamsine. Uku buk pakanmalyak noutamak dongopmasinye talak ara, yata minop kwemdina ning ton aulamtopura, yanuka lyepsutu do? Pia kume.” Nebukadnesar birye, Daniel ap, el kwit capu, sik bitinye nang ap ati, nyabuk.

Daniel 3:21

Nyabukopura, awinilye nang, tapu koubik. Winibuka tapu koubik talak ara, anang sik ongon baju celana ap, kisok kwatin ap, alip tam ongolamik cang baju ap, kum kwiriplobik. Angopmek touk, tapu koubuka, weik uku buk dinmoka noutamak, dongobik.

Daniel 3:7

Ati ara, pong-pong ana, aning-aning nirya arye, weik lelim nyayikopura, sik amutuku-amutuku nirya unmek ninye ap, yupu yuk-yuk nyanmek ninye ap, yala yuk-yuk unmek ninye nirya ap ara, ninye deiyoknye Nebukadnesar birye, memebuk patung si erena ati, urasin amubuka, tuku deice mabuka, apatung si erebik.

Daniel 5:19

“Winyamuka ati, ninye ayala-ayala nirya ap, yupu yuk-yuk nyalamik ninye nirya ap, elilamikce elti, weik ilil ulamukba, yok sirim talilamuk. Ara, talye ati kume. Elce, ‘Opnun’ tenepne nang ara, atalak aniryuk, obuka bataklamuk. Tonda, ‘Kum opnune,’ tenepne nang ara, kum olamuk. Tonda, ‘Lyepropnun,’ tenepne nang ara, lyelolamuk. ‘Ereipnun,’ tenepne nang ara, erelilamuk. ‘Amu tam kipdeipnun,’ tenepne nang ara, amu tam kililamuk.”

Daniel 6:7

“Anyapmap ning ara, ance pil yuk-yuk dona ati, wipdeipsulum nang unyabe. Ara, Gubenur nang ap, Gubenur amu tam nang ap, nun kalikna ati, wibuka deiplum nang ap, tonda deiyok yuk ning talibik nang ap, nun nirya yupu talebuburye, nyabupu ning ton, lak nyapnukiyabe. Nun deiyoknye ance, ‘Amutuku nang nirya, aninguk talibuka unamak’ tenen, pia konop yupu nyapdeipnalyame. Ara, like yupa weik mapra balamipya ani, inina tiga puluh (30) sum mapnamap talak ara, nun nirya arye, an siuk erenamkiyabe. Atalak nirya ara, Isa Mutuku Dongonye si do, yuk ninye si do, ton pia kum erenamabe. Ati, atalak noutamak ara, yata nang do nirya, yuk ning si erebikcopura, ance nyapminba, dipkoprob an yin nang arye bobukabikirye, yu ning, weik kuse atonun, el si singa kuse ulamlya dam, binuka donoknamake. ‘Ayupu winibuka nyapnamsilam’ tenen, yanuka moropkiyabe,” nyabik. Nyabuka morobikopura, Raja kekebukce, ‘Aning ara, pia telebe ati ara, aning winipnamane. Ati, wini talak nirya, yuk ning si erena kum diparyuk, na siuk erenamniake,’ tenebukce, nyabuk.

Matius 13:42

Doprobikirye, amalye unyak nang ap, malye ning nirya ap dobuka, uku din mutuku dopkwetepnamake. Dopkwetebikiba, uku dilye talak ara, aninye arye kanye imun kanye bobuka, weik arye engenamake.

Matius 13:50

Nyabikirye, malye un ninye ara, uku din mutuku donokiceura, uku arye dinmaliba, aninye ara, kanye imun kanye bobuka weik arye engenamake.

Matius 4:9

“Anda na si erebuka, na si erebuka kipniminyopura, elinmalam ning nirya, anti arepnukine,” nyabuk.

Markus 6:27

Utenebuka ati, Raja Herodes arye ninye olilamika deiyoknye ati, nyabuk. “Yohanes el ngang sekuka, el kisok boyanululume,” nyapdeibukba biyuk.

Wahyu 14:11

Aninye dobuka uku dilamlya mutuku noutamak dongopliba, uku buk arye, sik nong dilamliba, tulum welenamla ara, pia min kum kum danamle. Aminyan yanamle talak nirya babye, auku pia dilamlirye, tulum weik welenamle. Pia Malye Kam Ulul Ning, el laka kilin ning, el nomor sik nong bol deice sekekirye, el bidamang ap, el urasin atonun puturup deipnamak ning ap ati kibuka, el si erenyak ninye nirya ara, sik dikdik sena ati, lo ton pia kum unamle. Auku noutam akuk, uku arye sik nong dinmaliba, pia engebuka donauk unamake.” Winilinye yanmok malaikat arye, lakuka banmokce, ayupu nyabukba, kekepse.

Wahyu 9:2

Kurya bukni, malaikat dayuknye birye, telenga pum weik balamuk bisik deice tam buplan kuklobukba, abisik arye tulum pia weik welebuk. Atulum ara, wa demica ani, weik uku ibikiba, tulum weik arye welelamle touk ubukce, welebukba, keting ap, im noutamak dana-dana nirya ap kunukuk.