Daniel 3:24 - Eipomek

²⁴ Winibik talak ara, talye karin arye, ninye deiyoknye, Nebukadnesar eibukce, lukdayuk. Lukdayukce, minopce bukukce, el pil don nang ati, weik yupu arye nyabuk. “Kume, winilye nanguk tapu koubuka, weik uku buk kan-kan dongopmapu nang anyuk do?” nyabuk. Nyabukba, sikce tamubuka, ninye deiyoknye biti nyabik, “Naio dib nyapmalame,” nyabik.

Daniel 3:24 ပူးပေါင်းရင်းမြစ်များ

2 Tawarikh 22:4

Ahasia birye, Allah el kanye ara, ‘Aning pia malye una ati,’ tenelamuk ninguk, amalye ning weik, Allah dam tenepce winilamuk. Ara, Raja Ahab el mapu silip, sik malye weik winilamik atouk, sikce, “An babye aninguk winipnamlyam,” nyabukba, kekebukce, winilamuk. Ahasia el li akunum dibukura, Ahab el mapu silip sikce elti, “Winipnulyame,” nyabuka, yupu arelamikak kekelamukce, aninguk winilamuk. Sik ayupu arelamik nang aryuk, el nong deice ikin ning, pia weik deibik.

Daniel 3:17

Nyabikce, ayupu ton nyabik. “Nun kele, nun talibuka si erenyap Allah ara, nun ap unyaba ati, weik uku buk noutamak dongopsiminya babye ara, Allah arye lyepdopnamsile. Ati, na ni ance, ‘Winipnamane,’ tenepsiminyopura, telebe dawinipsilyame,” nyabik.

Daniel 3:23

Atalakuk bukni, sik awinilye nang, Sadrak ap, Mesak ap, Abednego ap, atapu koupdongopmek touk, eitam arye dopkwetebikba, sakukabikce, weik uku buk pakanmok noutam poulbiyik.

Daniel 3:25

Nyabikba, ninye deiyoknye birye, “Winilye nanguk dongopmabe,” nyapmalum bukni, “Weik uku buk dinmala noutamak ara, dinmanabuk, ninye dumbarye banmakak eipmane. Adumbarye nang nirya ara, sik tapu koubuka dongopmapu ning ara, kum danmale. Tonda, sik nong bol deice ara, uku dila babye, ton pia kum upmale. Dumbarye ning ara, minop kwemdina ning atonun bukni, el urasin ara, malaikat atonun unmalak eipmane,” nyabuk.

Daniel 4:22

Na weik deiyoknye, anda lengdar mapmoma deice, aweik yo nong ara, an nong atia. Lengdar mapmoma deice, weik yo cang ubukba, ninye mutuku-mutuku nirya arye, elilamika atonun nong ara, an tonok weik erenanye umince, an taleminye ning ara, im sirya, mutuku sirya ulule.”

Daniel 4:27

Ati ara, na deiyoknye, ance na nyapnye yupu kekepnilyame. Winipmince, ninye bona utotoa talina kum nang ati, sik dam teleb kibuka pil dopmince, sikti noutam wilibuka delinamlame. Aning winipminyeura, Allah arye anti, pia kanye delinamkile. Bukni, narye nyapkise yupu luba kipmince, aning kum winipminyopura, tamubuka kanye ikin upnamkile. Daniel birye, weik deiyoknye Nebukadnesar biti, nyabuk.

Daniel 5:18

Tonda, Allah aning-aning nirya talibuka deice tam, Pia Mikip Weik erena deiyoknye birye, an ni koproba Nebukadnesar biti, ‘Ninye deiyoknye unamle’ tenen, erepdeiamuke. Erepdeiamukce, an ni koproba Nebukadnesar biti, ninye deiyok nang nirya, aulamika deice tam deiamukba, ulamuk. Tonda, an ni koproba si ara, yuk mutuku nang nirya arye, kel bikamik. Tonda, el tibuk si erebuka, kilamikce winilamik.”

Daniel 5:6

Asekna ning eibukopura, ninye deiyoknye lukdayukce, ilil ubuk. El urasin ara, yuk kibukce, el kanye walwal ubukce, kanye talima ikin ubukopura, kutam dam ap, ber yok dam ap nirya, bukmaka tilikuka, yok sirim talibuke.

Daniel 6:22

Daniel birye, ayupu ton nyabuk. “Na si erenun Allah arye, el im deice pil don nang, malaikat dopdeipmanilba, yu singa kuse nirya sik si yanuka, lipdongobuka talipmanguba, sikce na nong kum dipmaniake. Na telebuk unmane. Aning ara, na si erenun Allah ara, el kele. Ara, malye un ning, el dam ton kum wininune. Tonda, na deiyoknye an dam ton, malye kum wininune. Ati, Allah arye lyepdopmanile,” nyabuk.

Daniel 6:7

“Anyapmap ning ara, ance pil yuk-yuk dona ati, wipdeipsulum nang unyabe. Ara, Gubenur nang ap, Gubenur amu tam nang ap, nun kalikna ati, wibuka deiplum nang ap, tonda deiyok yuk ning talibik nang ap, nun nirya yupu talebuburye, nyabupu ning ton, lak nyapnukiyabe. Nun deiyoknye ance, ‘Amutuku nang nirya, aninguk talibuka unamak’ tenen, pia konop yupu nyapdeipnalyame. Ara, like yupa weik mapra balamipya ani, inina tiga puluh (30) sum mapnamap talak ara, nun nirya arye, an siuk erenamkiyabe. Atalak nirya ara, Isa Mutuku Dongonye si do, yuk ninye si do, ton pia kum erenamabe. Ati, atalak noutamak ara, yata nang do nirya, yuk ning si erebikcopura, ance nyapminba, dipkoprob an yin nang arye bobukabikirye, yu ning, weik kuse atonun, el si singa kuse ulamlya dam, binuka donoknamake. ‘Ayupu winibuka nyapnamsilam’ tenen, yanuka moropkiyabe,” nyabik. Nyabuka morobikopura, Raja kekebukce, ‘Aning ara, pia telebe ati ara, aning winipnamane. Ati, wini talak nirya, yuk ning si erena kum diparyuk, na siuk erenamniake,’ tenebukce, nyabuk.

Rasul 12:13

Anyaik dam biyukce, buru tam binuka tikukce, buplan lorum-lorum abukura, anyaik melina kil, el si ara, Rode elce, ‘Yatanye yanuka buplan lorum-lorum apmal do?’ tenen, aik pum arye tikuka dilbiyuk.

Rasul 26:13

Na ni Raja Ageripao, Damsyik mutuku bisi bukni, keting dukduk kibukopura, na nong bisikuk banmasi talak ara, weik dirina im deice arye yayuk anye ap, na ap neika banmapu nang ap, nun dana-danatil daksukak eipse. Keting dirina ara, mitik dirina bukni, adirina ara, pia weik dirina ubuk.

Rasul 26:27

Na ni Raja Ageripao, Allah el yupu laka nyalamik nang Nabi-nabi nang nyalamik yupu ara, diba tenelalum do? Na tenepmana ara, ‘Dip tenepmanto akunum ulyame,’ tenepmakine,” Paulus arye Raja Ageripa biti nyabuk.

Rasul 9:6

Nyabukce ayupu ton nyabuk. “Tiklyame. Tikmince Damsyik mutuku asik dam noutamak biminyeura, an wininamlam ning nyapkiceura, kekepnamlyame,” Yesus arye Saulus ati nyabuk.

1 Samuel 17:55

Atalak ara, Saul dinmokba, Daud bira, ‘Pilistin nang Goliat opnunʼ tenen, el dam biyukba, Saul eibuk. Daud biyukce, Goliat obukopura, Saul eibukce, Saul birye, yin nang sik deiyoknye Abnar biti, asibukce nyabuk, “Apnero, Pilistin nang Goliat opmonye bira, elda yatanye birye deiamuk mi ulul do?” nyabuka, asipdeyuk. Asibukba, Abnar birye tamubuka nyabuk. “Na deiyoknye Raja, anda mambul weiknye, kam ulyama anya arye, talye kum nyaptinye. Dipkoprop nyapne. Anye bira, na bikina kumnye binya arye, el li koproba si ara, na walwale,” nyabuk.