Daniel 2:19 - Eipomek

¹⁹ Nyabukba, kekebikce, Allah morobikopura, alukunyan noutamak aniryuk, Allah arye Daniel biti, lengdar wi dung-dung anmok talak arye arebukba, duknyamuk yupu nirya, lakoprop kibukba, Daniel birye eibuka bikuk. Bikukopura, Allah im deice ululnye ati, si erebuk.

Daniel 2:19 ပူးပေါင်းရင်းမြစ်များ

Ayub 4:13

Pia lukunyan noutam, ninye nirya ara, pia malamak talak, na dam yayukce nyapnukba, kekesirye, mambul kanye bobuka, mapmase. Winipmasa deice arye, lukunyan malye lengdar mapsa.

Mazmur 25:14

Yata nang do nirya, Allah arye, ‘Aning ara, wininamlume, aning ara, pia kum wininamlume,’ nyapdeiamsuk yupu, moubuka talibikirye, aninguk dobolbanyak nang ara, Allah Yahweh arye anang ati, weik tonun bico teneplirye, kanye delinamle. Winiplyopura, Allah arye, ‘Wininamsine, wininamsine. Tonda, winibuka teleb kilinamsine,’ nyabuka, nyalin yupu deice arye, nyasilye ning nirya ara, anang ati laka nyapliba, bikinyake.

Daniel 1:17

Tonda, adumbarye wel nang ati, Allah arye kanye deibukce, weik kel bikna deiyok ning ap, Babel mutuku yupu deice sekamik ning yinin ning ap, arebukba kel kilamik. Daniel biti ara, lengdar mana deiyok ning arebukba, lengdar deice arye, winipman ning, lak nyananye ulamuk.

Daniel 2:22

Nyabukce, ayupu ton nyabuk. “Allah ance pia duknun ning ap, nong noutam ning ap ara, lakoprop kilisilyame. Tonda, kunukna noutamak ulul ning nirya ara, an kel weiknye koproba, ulyame. Anda Dirina Weiknye ulyame.

Daniel 4:26

Tonda malaikat arye, “Yo weplumce, sirika bataklumba, tukwak anyuk upnamlule,” nyabuk ning ara, ani. Na deiyoknye, an akunum keting tamun tekbarye mapmince, ‘Dipkoprop mikip weiknye bira, Allah eluk ulirye, im sirya, mutuku sirya nirya talibuk,’ tenepminyopura, ila tuba tamubuka melipkiliba, an adiparyuk ninye deiyoknye kibuka, unamlam ati eiplume.

Daniel 4:9

Anye yukupsiba yayukopura, narye elti, nyapse. “Beltsasar anda, ninye weik kel kina deiyoknye ulyame. Ati anda na kele. Dipkoprop dib kanye dipsukum arye, an talima pum tam pil dopkiliba, duknun ning nirya laka kibuka, laka nyalyame. Duknun ning ikin weik uptua babye, anda ikin kum upkutue. Aning nirya, laka nyapsutume. Ati ara, na lengdar mapsa ning ara, laka nyapkiniba, ance, ‘Nong ani,’ nyabuka lak nyapnunilame.”

Daniel 7:2

Daniel birye sekuk ning ara, ani. “Na Daniel lukunyan mopmanu buk, alengdar mapsirye, eipse ning ara, ani. Weik kumanya outam tonap, itam ap, tonda otam ap, atam ap, im deice arye yayuk kumanya ara, weik mekwen deiamukak yan dobukba, amekwen weik arye, lonting-lonting abuk.

Daniel 7:7

Aning nirya, tuba pia dinmase bukni, aminyan talak kam ning dumbarye ning ton welebuk. Aning el mikip ara, pia weik anya arye, weik ilil upnukce, sirim talipnuke. Ara, el si ara, kat ning besi atonun uamuka anya arye, el din ati, ninye obuka dinmokce, sekdoba ara, yan arye yaniplobuk. Min yuma panabuka tikmek kam ning winilinye, sik urasin yuke. Aminyan weleyayuk ning, dumbarye ning, el urasin ara, yuk ubukba eipse. Aning el kisok dup ara, yang 10 uamukak eipse.”

Amos 3:7

Dipkoprop Allah Yahweh elda, Weik Erena Deiyoknye, aning-aning nirya talibuka, deice tam ulule. Winilula anya arye, Allah elce, ‘Aning nirya ara, winipnamne,’ nyabuka, el yupu lak nyan nang, ‘Nabi-nabi arye kekepnamak’ tenen, lak nyaliba kekenyake. Sikda, el amu tam pil don nang unyake. Allah arye, sik dam lak kum nyapdeiamturye, el pil dolye ning nirya, talye mangkau kibuka kum pil dolule. ‘Winipnamna arye,’ nyabuka, laka nyaliba, nabi nang akunum kekebiceura, Allah arye apil dolule.

Bilangan 12:6

Birik talak ara, Allah el si Yahweh adiparyuk sik bitinye ati nyabuk. Kekenurume! Anggun noutamak nara Yahweh, na yupu laka nyalulnye ton aulyopura, el kel kina ati, kum mapmalye talak ara, el kanye talima noutamak laka nyaniba kekelule. Tonda, lengdar maplya deice arye, na wininye ning laka nyaniba, eibuka kel bikilule. Tonda, kum mamlye talak bukni, mambul yupu nyapnyopura, kekenulule. Tonda, yuk talye nang nirya ara, aning nirya kum eibuka kel biksiting bukni, narye arepneba, na pil donye birye mambul ning dilyalirye, narye elti, na yupu laka nyalinune.

Yosua 22:33

Yanuka nyabikura, sik kayapu nang, sik yuk Israel yala nang nirya, ayupu kekebikce, ‘Aning ara, dipkoprob teleb ning unmak,’ tenebikce, sik nirya arye, Allah el tibuk, si erebikce, “Telebe,” nyabik. Tonda, sik Israel yala nang bukni, Yordan mek obiyuk tam bukni, keting kumulban tam ulamik nang arye, ‘Ruben yala nang ap, Gad yala nang ap, tonda Manasye yala nang ap ati, olbinamabe. Sik unyak mutuku nirya malye kibuka sirya daknamabe,’ tenepmek ning ara, batikik. Ayupu ton ap, kum tenebik.