Daniel 10:3 - Eipomek

³ Awinilye minggu noutam nirya ara, teleb din ning ap, tup ning ap, ton kum dilamsirye, si tebuka, din bulung ulamse. Tonda, anggur mek ton kum dilamse. Tonda, atalak ara, na kisok potong deice, ‘Nintong teleb upnamleʼ tenen, nintong teleb mek ton, na kisok deice kum likilamsirye, na potong kum leleklamse. Talye urdemuk ulamse.

Daniel 10:3 ပူးပေါင်းရင်းမြစ်များ

2 Samuel 19:24

Tonda, Saul el deiamuk mi arye, deibuk mi Mefiboset bira, minopce Daud dam yayuk. Raja Daud birye, Yerusalem mutuku batakuka, biyuk talak arye, deiyok koubuka, Mefiboset bira, ikin kanye bobukce, el ongon baju mek ilikina ap, bam potong kona ap, yan mek likina ap, batakuk. Ara, Daud Yerusalem mutuku Raja ulamuka ani, Absalom biti ilil ubukba, Yerusalem batakuka, bai tam binamuka ani, tuba tamubuka, Yerusalem mutuku uk, teleb ubuka yayuk talak noutam nirya ara, Mefiboset birye, talibuka ulamuk. Mek ilikina ap, mek kekna ap, kum diparyuk yayuk.

Ayub 33:20

Weik uk dilulnye bira, din teleb ning babye ton, ‘Adin ning dobuka diptinyeʼ tenen, patan pia kum ati, aning pia kum dobuka dilule. Piato nyalamle din babye, anye bira adin ning eiplirye, adiparyuk dukmanto ulule.

Daniel 10:12

Tikmasopura, na dam yanmoknye birye, nati nyapnuk. “Danielo, an ilil una kume. Alengdar mapmomce, eipmalam ning deiyok koun talak ara, Daniel ance, ‘Kel bikilin ning ton arepnutue,’ tenepmalamce, kanye lamapdongobuka, Allah ati moroplum ning ara, Allah akunum kekepkuke. Ati, na an dam yanmana ara, ance Allah ati moroplum ning ati, nong laka nyalyakine.

Daniel 11:8

Aning akunum winiplyopura, el adiparyuk el mutuku, Mesir mutuku tamubuka bilirye unamle. El mutuku tamubuka bilyopura, sik iknapye tam nang, sik si erelamak isa mer, sik urasin atonun puturubuka deiamik ning babye, alubuka, el mutuku tamubuka bobinamle. Tonda, sik Siria mutuku nang, ‘Nun ni yapu aniʼ tenen, talye ning bukni, isa si erelamik ning, urasin atonun kibuka, dekna teleb weik ning, emas ap, perak ap arye, memebuka deiamikce, isa si erelamik ning nirya ara, dobuka sik mutuku, Mesir mutuku bobinamake. Winibikcopura, yata wiribuka keting tamun nirya ara, utam mutuku, Mesir mutuku talibuka, unamle Raja arye, iknapye tam, Siria mutuku Raja kipnamak deiyok nang ati, ‘Dauplye, sik talye daunamakʼ tenen, kum olbanamle.

Daniel 6:18

Winibukopura, ninye deiyoknye, Raja Darius tamubuka, el aik koproba biyuk. Biyuk talak ara, din ning babye, tonok ton dina kume. Tonda, el pil don nang ati, “Arup ara, na kanye delina ati, bukmelibuka mot sebuka, ton kum wininamlume. Na dam babye, yangana meme,” nyabuk. Tonda, alukunyan ara, pia wi kum mapmokce, kam berenga uk dipmok.

Amos 5:11

Atonun anggunce talye bona utotoa talina kum ninye ati, ‘Sikda talye ninye unyake’ tenen, yanipdongobuka, sik gandum talye dalubuka dololulume. Sik ning ap, sik uang yo bok ap, ubula weik dololuluma anya arye, pia malye winilulume. Wininululuma ati ara, anggun aning winilulum ning ara, pia teleb keil arye dolalum aik ara, aminyan talak ara, anyaik pum tam, pia kum unamlume. Ara, anggun bidamnye arye, urasin pia teleb ubuka dolalum asik ara, anyasik pia kum unamlume, nyapsine. Tonda, anggun bidamnye mikip deice arye, wa wibuka koululum anggur duk moulamle tapu ara, duk dakmunce, aduk teikuka, anggur mek kwebuka kum dinamlume.

Nahum 2:9

Sik amutuku nang, akunum bikbik abuka bindobikcopura, sik mal olan nang arye, nyanamake. “Ura, amutuku nang arye, ‘Dokolanunaʼ tenen, dekna weik ning perak ap, emas ap ara, yanuka alubuka doproplulume! Atalak ara, anggun mal olan nang arye, “Kume, amutuku noutam talibuka ulamik bona yala-yala nirya ara, pia weik arye, nukmanto kum ulule. Dipkoprop adekna weik ning, dokola deililamik ning nirya ara, min kum kum danamle! Aning yala-yala nirya ara, nukmanto kum upmala atia!” nyanamake.

Matius 6:17

Anang ara wininyak bukni, na mapu anggunda, aning atonun kum wininamlulume. Allah si erena ati, din dina kum, si tebuka unamlum talak nirya ara, anggun nonge ap, asok ap, mek kekukapmunce, potong wibuka talya kanye bobuka, nonge nirya diklya asa unamlulume.

Lukas 7:46

Tonda, na kina ati, nintong teleb minyak, na gisok deice kum dikmanumubuk, akil aryuk na yan deice nintong teleb mek dekna weik ning, weika arye dikdeipmanile.

1 Korintus 9:27

Ara, narye talye-talyeuk kum wininune. ‘Allah arye, nyasilye touk diksukumuk unamne’ tenen, na nong ap, na kanye talima ap ati, pia moubuka kalikilanune. Ara, talye ati kume. ‘Yuk nang kekepnamak’ tenen, Allah yupu akunum peterenye bukni, aminyan ara, na babye malye winipnyopura, Allah arye, dekne ning arepnamnil ning ara, ‘Na babye kum dopropnyak’ tenen, pia pi dobuka piripdenirye, na talima kalikildanune. Na Paulus arye, nyapsine.