Bilangan 9:7 - Eipomek

⁷ Biyikopura, “Nunda malye upmabe. Ara, dipmoknye ton bol pipmaba ati, Allah el kanye ara, ‘Sikda akunum malye updeipdanmake,’ tenesulule. Ati el si erena ati, yuna kum kwaliptibye. Bukni, aning ara nun like. Yata deiyok ati, dipmoknye el nong bol pipmapya babye, Allah arye, ‘Atalak ara Kaplibuka binamlum yuna kwalinamlume,’ nyapdeiamsuk touk, yata ati nunda domba mi obuka, nun kayapu nang ap, neika Allah ati, kum arepnamtinye do?” nyabuka asipdeyik.

Bilangan 9:7 ပူးပေါင်းရင်းမြစ်များ

Keluaran 12:27

‘Adomba obuka dinmaba deiyok ara, minop talak Allah el si Yahweh arye, Mesir mutuku noutamak, Israel ninye nun aik dam ara, kaplibuka binamuk bukni, Mesir nang aik wekuka, sik winiryuk mapu omukce, nun nirya batakuka, Mesir mutuku noutam arye bobisuk ati, aning nirya tenibuka kaplin kwalina yunyabe’, nyabuka lake nyanamlume. Musa birye, sik Israel deiyok nang nirya ati nyabuk. Nyabukopura, Israel nang arye kutam tuku dipdongobuka, Allah el si kibuka, si erebik.

Bilangan 9:2

“Narye Mesir mutuku noutam ulamlum talak ara, ‘Israel ninye nirya adiparyuk Kaplin kwalina Kaplinamlum talak ara, ani,’ nyapdeipsise touk, Israel ninye nirya adiparyuk Kaplin yuna tuba kwalinamlume.

Bilangan 9:6

Winibik bukni, atalak ara anggun Israel ninye kan-kan noutam arye, yate wiribuka nang ton, dipmangu nang sik bol akunum pimek. Abol pipmek nang ara, malye akunum updeipdanmeka ati, Allah el dam kum yangalamik. Tonda, Allah el si erena ati, yuna kum kwalipmek. Ati, adiparyuk asum Kaplibuka binamlum yuna kwalipnamek ning ara, Se, nun ton kum melipmapyeura, kum dipnamabe,’ tenebik. Ati sik anang arye, Se yate wiriptibye do?’ tenen, adiparyuk Musa ap, Harun ap, sik damuk binuka asipdeyik.

Bilangan 9:8

Nyabuka asipdeyikba, Musa birye tamubuka, sik anang ati nyabuk. “Kume, sikda talye luba kibuka Kaplibuka binamlum Yuna ara kum kwalinamlume. Talye urdem daunmamunce, kekemamunyeba, Allah el dam binuka asipdeniba, Allah Yahweh arye, ‘Winipnamakeʼ nyapdeipnilye yupu kekepnyopura, tamubuka laka nyalyanamsine,” nyabuk.

Ulangan 16:2

Allah arye, ‘Na si erena ati ara, asukumuk na si deipnamna anya arye, anggunda asukumuk, na si erenamnulume,’ teneplirye, kintinip deipnamsil mutuku ara, asukumuk binuka, kwalinamlume. Amutuku uk, bimunyopura, anggun adiparyuk Allah si erena ati, anggunce kambing basam do, domba basam do, sapi basam do, tonok-tonok bobimunce, obuka Kaplina Kwalina kwalinamlume. Ara, ‘Nunda Allah elce Mesir mutuku noutam lukunyan noutam, nunti lyebuka boyanamsuke,’ tenepmunce, Kaplin Kwalina ati, kwalipmunce, Allah el tibuk si erebuka kinamlume.