Bilangan 8:3 - Eipomek

³ Allah arye, Musa biti, “Upna ara winibuka deipnamlume,” nyabukopura, Musa birye Harun binyak laka nyapdeibukba, Harun birye Allah nyabuk touk winibukce, dobuka deibuk. Ara, upna deiyok ning deice arye, upna tekbarye lalamle ning ara, binuka dobuka deibukba, upna deiyok urasin tam nirya ara, dirina uk ubuk.

Bilangan 8:3 ပူးပေါင်းရင်းမြစ်များ

Keluaran 39:37

Tonda, upna lana deiyok ning, el urasin teleb kat ning, emas teleb ning arye domik ning ap, upna lan pil dona ati, memamik ning ap, aupna deice un ning, yala nirya ap, tonda, upna lana ati, minyak mek ap, kintinyamik ning, Musa dam bobuka yana deibuk.

Keluaran 40:25

Weisa delinak akunum kintinibukce, Allah arye Musa biti, “Aning ara, winipnamlyame,” nyapdeibuk touk, weisa ton deibuk.

Bilangan 8:2

“Ance, Harun biti binuka nyapnalyame, ‘Upna lalamle ning ara, tekbarye, memebuka kintinip deibikcopura, aupna el deiyok deice uk binuka deipnulule. Atalak ara, ance moubuka deipminba, alampu upna urasin dam nirya ara, dirina uk unamlule,’ nyapnamlyame,” Allah arye nyabuk.

Bilangan 8:4

Alampu upna, deice tam ara weisa tekbarye uamuk bukni, alampu amu tam, deiyok dam arye dipdongobuka, eitam nirya ara, el nong deice bunga urasin atonun teleb ulamle touk ubuka, puturubuka deibikce, urasin teleb kat ning emas arye, taplakuka memebik. Ataplakuka memebik ning dobuka, aweisa deiyok dam deibukba, urasin teleb ubuk. Aning nirya ara, Allah arye Musa biti, “An bimince, Harun binyak nyapminba, aweisa el urasin winibuka-winibuka dopnamlule,” nyapmok ning ara, anyapmok touk ubuka, Harun birye memebuka deibuk.

Matius 5:15

Mutuku konak ulamak weisa ara, ninye arye updeibikiba, kum duknulul touk, aik pum delilamak weisa ton nyapnusine. Ara, sik weisa ubikirye, aik pum boyangalamaka, ara ‘Kau pum siknipdongopnamap’ tenen, ubuka yangalamak do? Tonda, ‘Amsuna dangabuka, amu tam weisa siknipnamap’ tenen, ubuka yangalamak do? Aning ara, kume. Weisa ubikirye, abilinga taramak deibikiba, dirina weik upliba, anyaik wekmace ninye nirya elinyake.