Bilangan 7:23 - Eipomek

²³ Tonda, ‘Allah arye melinilyeba, na ap, na wininamne ning nirya ara, telebuk unamleʼ tenen, sapi basam bitinye ap, domba basam yim pamubarye ap, kambing basam yim pamubarye ap, tonda, yim domba mi keting tamun tonok kipmok ning pamubarye ap, aning-aning nirya boyanuka arebuk. Aning-aning nirya ara, Zuar el mi Nataniel arye yanuka arebuk.

Bilangan 7:23 ပူးပေါင်းရင်းမြစ်များ

1 Raja-Raja 8:63

Winibik talak ara, Raja Salomo birye Allah el si Yahweh ati ninye weilamak kam tuba ulamle ning sapi basam 22.000 ap, domba basam ap, kambing basam ap, tabakuka 20.000 ton obuka arebuk. Ara, ‘Na ni Allah, el si Yahweh ap, nun Israel ninye ap, teleb ubuka neika unamap’ tenen, aning arebuk. El ap, sik Israel ninye ap arye, winipmeka deice arye, Allah el si Yahweh, el si eren aik ara, bisik bublan kukna nyalamak touk, anyaik ara bisik bublan kukik.

Amsal 7:14

Asum ara, na si erenun ning si erena ati, teleb arin ning akunum arepmanue. Na si erenun ning ati, ‘Wininamne,’ nyabuka nyalin yupu nyapse ning ara, akunum winipmase.

Bilangan 1:8

Isakar yala nang arye deibiknye, el si Suar, el mi Netanel birye, deiyoknye kibuk.

Bilangan 2:5

Tonda, Nahason dam unamak ninye ara, Isakar yala ninye arye, sik aik dobikirye, asukum unamnyake. Isakar yala ninye, sik deiyok kinanye bira, el si Zuar, elce deibuk mi el si ara, Netanel unamle.

Bilangan 7:22

Tonda, Na malye unye ning, Allah arye namin kipnilirye, kum daneipmanilʼ tenen, kambing basam yim tonok ara, bol malye pia kum uamuk ning, teleb ninguk boyanuka arebuk.

Bilangan 7:24

Ura, like winilye sum ara, Zebulon yala nang ara, Helon el mi Eliab birye deiyok koubuka ati, elce deiyok kibukce, yanuka arebuk.

Kolose 1:1

Na Paulus ap, nun weit atonye Timotius ap, nun bitinye nang arye asurat sekeipsiname. Na Paulus ara, Yesus Kristus arye, ‘Na yupu dobuka peterepra banamle. Rasulnye unamle’ tenen, wipdeipnukba, el piluk pia donune. Wininuna ara Allah arye, ‘Paulus na piluk donamnil,’ tenyamnukce, wipdeiyamnuk ati, aninguk wininune. Ati, batakna pia kumce, el piluk talibuka ululuma anya arye, nun du weit atonun ninye ululume.