Bilangan 7:2 - Eipomek

² Winibukopura, asum aryuk, Israel ninye sik deiyok kibuka taleamik nang arye, Allah el si erena ati, teleb ning ton boyanuka arebik. Adeiyok nang sik apu yapu arye deiamikba, dadeipdanin, yangalamik touk, ayala yuk-yuk ati, Israel ninye sik si sekik ninye nirya ara, sik pununa ati, arin ning boyanuka Allah ati arebik.

Bilangan 7:2 ပူးပေါင်းရင်းမြစ်များ

1 Raja-Raja 8:1

Raja Salomo birye, Allah el si eren aik akunum dobuka sirya dakdongobukura, yupu nyapdeibukba, Israel ninye sik deiyok nang, wisi nang nirya ap, Israel yala deiyok nang ap, ati nyalbiyik. Ara, “Yerusalem anyuk bulubuka yalulume. Yamunce, minop talak Raja Daud ulamukak, anyaik si ara, Sion amutuku noutam arye, weik mambul ning doprobibirye, Yerusalem mutuku boyanuka deipnamabe. Ara, Allah el si Yahweh arye, ‘Wininamlume, tonda aning nyapsinye touk winipmunyopura, narye anggunti winibuka melinamsine,’ nyapdeiamukba, ninye arye ayupu kekebikce sekuka, yo lakase arye memamik marikna pum bisik deibik. Amarikna dobuka, Yerusalem mutuku noutam boyanuka deipnamabe. Ayo lakase arye memamik marikna ara, minop talak Raja Daud ulamukak, anyasik si ara, Sion. Mining dam mutuku, Sion mutuku noutam arye amarikna doprobibirye, boyanuka Yerusalem mutuku noutamak, Allah el si eren aik pum tam deipnamabe.” Salomo birye, Israel sik deiyok nang, wisi nang ati nyabuk.

2 Tawarikh 35:8

Raja Yosia el amu tam pil dona deiyok-deiyok nang nirya arye, sik talye Israel nang ap, sik imam-imam nang ap, tonda Lewi yala nang ap ati, kam ning weik arye kintinibuka talye arelamik. Aning laka nyana ara ani. Imam nang sik deice tam deiyoknye Hilkia ap, Zakaria ap, Yehiel ap, sik awinilye nang arye, Allah el si eren aik pil dona ati kalikin nang ulamik. Anang winilye, yuk nang ati, yupa weik dua ribu enam ratus ribu (2.600) ekor domba basam yim ap, tonda sapi basam tiga ratus (300) ekor ap, arebik. Aning nirya ara, Kaplina Kwalina sum kwalina ati boyanuka arelyayik.

Keluaran 35:27

Tonda, Israel ninye, sik ninye deiyok kibuka talimik nang ara, sikce urasin pia teleb keil, dekna weik keil, el si delima ap, yuk urasin teleb-teleb keil nirya ap, boyanuka, arelamikce, sik kel nang arye, imam nang, sik deiyoknye, el nong deice ongolamuk baju ap, ‘Allah tenelye ning kel biknunʼ tenen ati, ‘El taram deice ongonamle baju, el si Efod ap, taplakalinamakʼ tenen, urasin teleb dekna weik keil ton, bulubuka boyanarye, arelamik.

Bilangan 30:1

Allah Yahweh arye nyapdeibuk yupu ara, Musa birye sik Israel yala ninye ati, yuk-yuk deiyok kibuka taleamik nang sikti, “Allah arye, ‘Aning ara winibuka-winibuka unamlume nyapdeipsuk yupu ara ani,” nyapdeibuk.

Bilangan 31:51

Nyabuka lak nyabikura, sik yin talina deiyok nang arye boyanmik ning, urasin teleb kibuka delina ati ara, emas ap, yuk yala teleb aren ning nirya ap, Musa ap imam Eleasar ap arye doproprik.