Bilangan 5:23 - Eipomek

²³ Nyaplirye, akil arye nyapmalye yupu nirya ara, Imamnye birye kekeplirye, amsuna ati, deiyok yupu nirya ara, potong porolamle sapi bol deice sekuka delinamle. Winiplyopura, Imamnye birye, sik mek arye kwebuka kintinipmalye ning ara, dobuka sapi bol deice sulongon yupu sekmalye mek likliba, amek saklirye, sik mek makau pum tam weknamle.

Bilangan 5:23 ပူးပေါင်းရင်းမြစ်များ

2 Tawarikh 34:24

Ara ani, Allah Yahweh arye nyapsile. ‘Israel nang, sik apu yapu nang arye, si erelyangalamiknye, nara Allah arye winipnamne. Yerusalem mutuku ap, amutuku noutam tuba unyak nang ap, ati supnirye, sik nirya ara, weik imun kanye bon ning, sik dam deipnamne. Ara, narye minop talak nyamsiba, abuku sekeiamik noutam arye, ‘Allah nyalye yupu kum talebuka ubicopura, supniba, weik imun kanye bon ning, ayala-yala nirya, sik deice yanamlarya,’ nyamse. Ayupu nirya ara, anggunce abuku dobuka, sik Yehuda tam talibuka deiyoknye dam nyapdeipmalumba, anggun Raja Yosia akunum kekemoke.

Ayub 31:35

Se, na patapmanil ning ara, yuk telebnye birye, na nyanye yupu kekepnutopura, na kanye deiptinye. Bukni, na yupu kum kekepmantonye ulula ati ara, naryuk, na nyanun yupu, ‘Dib yupu nyapmale, tenepnamak’ tenen, urasin lak kilina ati, na si sekeipne. Aminyan talak ara, aning-aning nirya deice tam, mikip weik ululnye, Weik Erenanye Allah arye, yupu nyapdeipnamnuturya. Allah arye nati, ‘Elda malye ulule,’ tenepnutopura, aning nirya lak sekuka nyapdeipnutuba, eiptinye.

Mazmur 51:1

Raja Daud birye, mot nyana deiyoknye, Kor ati, mot nyabuk.

Mazmur 51:9

Tonda na malye wininun ning nirya ara, Allah ance hisop yo taruk, mitik ning dobuka, lyebuka kilipniminyeba, pia diksukumuk unamne. Winipniminyopura, na nong ara, pia malye unilye ning nirya ara, teleb kipdeipnamnilame. Winipmanto ara, pia kurun ning, el si kapas kurulamle touk, na malye wininun ning nirya kum kibuka deipniminyeba, na pia telebuk unamnile.

Keluaran 17:14

Akunum obuka sirya dakikopura, Allah el si Yahweh arye Musa biti nyabuk. “Awinipmuk ning nirya ara, yuk talak nirya ‘Winyamik’ tenen, tenina ati, domba bol mikamuk ning dobuka sekna ning deice arye abol deice seknamlyame. Ara, luba kina kum, Israel ninye pia tenenamaka atia. Tonda aning nirya Yosua el kekena ati nyanamlyame. Deiyok ara, Amalek nang arye Israel ninye obuka sirya dakika ati, ‘Aminyan talak yuk ninye nirya arye, Amalek ninye sik si ila tuba tonap kum tenipnamak’ tenen, sik si kum kipdeipnamne,” Allah arye Musa biti nyabuk.

Yesaya 43:25

Nyabukce ayupu ton dukdongobuka nyabuk. “Yatanye birye, anggun malye winilulum ning namin kipsilirye, aning kum kilisulul do? Na Allah aniryuk, anggun malye umunye ning nirya ara, kilibuka namin kisunune. Wininuna deiyok ara, ‘Sik malye wininyak ning deice arye, na si malye kipdeipnicak’ tenen, namin kisunune. Narye anggun malye winilulum ning nirya ara, tuba kum teninune. Akunum namin kipnirye, kum kilinuna ati, aning tuba kum teninune.

Yesaya 44:22

Ati anggun malye ululum ning nirya yamubuka dopropniba, dua balamle atonun upnamle. Tonda, kumanya mikip arye pubuka dopliba, dua yukak bobalamle touk, anggun malye winilulum ning nirya yukupdopnirye, kum kipdeipniba, anggun dam kum unamle. Anggun malye winilamlum noutam arye, dekuka lopdeipsisirye, lyepsisa ati, na dam tamubuka yanganamnulume.” Allah arye Israel ninye ati nyabuk.

Bilangan 5:24

Asulongon yupu, sapi bol deice mek likliba, sik mek makau pum tam akunum weklyopura, imamnye birye, ‘Malye upmal do, kum do?’ tenen, sulongon sik mek ara, dobuka akil ati, “Diplyame,” nyapliba, akil arye amek dobuka diplye talak ara, akil el mun noutam weknamle. Akunum weklyopura, akil dipkoprob malye winipmaliryuk, tilila yupu deice arye, “Na kum winipse,” nyabuka, kwinisa doplyopura, sik mek arye, el nong nirya weklirye, uk weik dinamle. Bukni, akil arye tilila yupu kum nyaplyopura, uk kum dipnamle. Akum bukni, telebuk tuba unamle.

Rasul 3:19

Aning ati ara, anggun malye ulamlum ning ap, anggun kanye talima malye tenelulum ning ap, batakmunye akarye, Allah el tam kipropmunyeura, elce anggun malye winilamlum ning nirya kum daneipnamsile.

Ulangan 31:19

Nyabukce, ayupu ton nyabuk. “Ati ara, anyapnusin mot ara, aning sekukapmince, Israel ninye ati, binuka laka nyapnulyame. Nyapminyopura, Israel ninye arye, amot senamake. Winibikirye, amot ara, narye sikti, wenen yupu pia upnamle. Ara, narye Israel ninye ati, telebuk winilamse bukni, sikce malye winilamikce bataknik ati, awenen mot nyapnusine.

Wahyu 20:12

Dipdesiba, sik akunum diamik ninye mambul nang babye, mambul kum nang babye yanganmekak eipse. Sik nirya aweik kurun bun ning urasin tam tikilyanganmek ak, im deice tam ulul buku-buku nirya ara, yokeibik. Tonda, tonok buku ton, el si ara Kam Pia Unamak Ninye Si Sekna Buku ton yokeibmekbuk eipse. Abuku noutamak seklamik yupu nirya dipdeyikba, sik akunum diamik ninye nirya ara, sik kam tuba ulamik talak aning-aning nirya winilamik touk, sekuka delilamika ati ara, abuku sekeiyamika noutamak awamuk touk, sik akunum diamik ninye nirya ati, yupu lepsisikuka bokeibukce, wenebuk.