Bilangan 3:23 - Eipomek

^23-24 Ninye si, Lael deibuk mi Elyasap birye, Gerson yala nang si sekikce, ulamik ninye talibuka, sik ninye deiyoknye ulamuk. Israel ninye, sik Allah si erena ap, Allah ap, ninye ap, eldana ati, tia ati dolamik tenda aik balye tam ara, keting kumun tamuk, sik Gerson yala nang arye, asukum sik aik dobuka ulamik.

Bilangan 3:23 ပူးပေါင်းရင်းမြစ်များ

Bilangan 1:53

Sik Lewi yala nang tonok ara, na ap, ninye ap, eldana ati, tenda bol aik dobice, dana-dana tam, sik aik babye, antanap dongobuka donamake. Winibica deice arye, na ap, ninye ap, eldana aik ara, ‘Malye nang arye, malye ubicakʼ tenen, sik Lewi nang arye kalikinamake. Kalekinamak deice arye, sik yuk ninye ton, kum banamnyake. Winipmanto ara, yuk yala ninye ton, anyaik dam yacopura, na yu upnilirye, anggun Israel ninye nirya, anggun deiceuk, anggun wenena ati, ‘Ikin ning deipsinyakʼ tenen, nyapsine.

Bilangan 2:17

Israel ninye yala yuk-yuk nang, sik akunum minop menekuka bacopura, anoutam ara, sik Lewi yala nang, sik aminyan dukdongobuka banamnyake. Ara, sik Lewi yala nang arye, Allah ap, ninye ap, eldana ati dolamak tenda aik ara, sik ayala nang aryuk bobanamnyake. Allah arye, “Sik Israel yala ninye aik nirya, dopnamlum noutam ara, sik Lewi yala ninye dem, sik asik koproba dobikirye, na si eren aik dana-dana tam doupnamnyake,” nyapdeiamuk touk, aninguk winilamik. Tonda, sik bisik balamikce talak ara, yuk-yuk aik dolamik touk winilamikce, anyaik-anyaik nirya, atonun dopnin balamik. Sik bisik ban talak ara, sik yupa yuk-yuk ulamik touk, sik bikilin ning ikamik ning ati, elilamikce, abisikuk balamik.

Bilangan 3:22

Ara, Gerson birye deibukba, dadeipdanin, balamik nang arye deibik mapu, sik wala tonok, akunum upman mapu nirya ap, wala eitam upman mapu nirya ap, aninye sik nukikce tabakuka, si akunum sekik ning yupa ara, tujuh ribu lima ratus (7.500) ninye ulamik.