Bilangan 3:2 - Eipomek

² Minyuma ara, Harun el mapu si nuknuyabe. Harun birye, el mapu dumbarye deiamuk. Sik anang si ara, ani. Min yuma deibuknye bira, Nadab ulamuk. Tonda, Abihu ap, Eleasar ap, Itamar ap, deiamukba, sik daulamik.

Bilangan 3:2 ပူးပေါင်းရင်းမြစ်များ

1 Tawarikh 24:1

Imam Harun el mapu ara, dumbarye deiamuk. Ara, Nadab ap, Abihu ap, Eleasar ap, tonda Itamar ap deiamuk.

1 Tawarikh 24:2

Nadab ap, Abihu ap ara, sik ni koproba kanam kum dibuk talak aryuk, sik anang ara minop diprik. Adiprik talak ara, sik mapu ton pia kum deiamdik diparyuk diprik. Ati ara, sik kayapu nang bitinye ara, Eliazar ap, Itamar ap sik bitinye uk, imam nang kipdeibik.

1 Tawarikh 6:3

Kohat birye deiamuknye Amran, el mapu ara, mapu bitinye deiamuk. Ara Harun ap, Musa ap deiamuk. Tonda elce deiamuk kilmu ara, Miryam deiamuk. Harun bira mapu dumbarye deiamuk. Ara, Nadab ap, Abihu ap, Eliazer ap, tonda Itamar ap deiamuk.

Keluaran 28:1

Allah arye, Musa biti nyabuk. Israel ninye kan-kan arye, an du Harun ap, tonda, el mapu ara, Nadab ap, Habiu ap, Eleasar ap, tonda Itamar ap nirya ati, anang arye Allah ap, ninye ap, eldana ati, ‘El si eren aik pum tam, pil donamakʼ tenen, ance ananguk wipdeipnamlyame. Winipminyopura, sik anang ara, na Allah si eren aik pum tam, na dam mambul pil don nanguk unamake.

Keluaran 6:23

Harun arye domuk kil, el si ara Eliseba. Ara, sal si Aminadab birye deibuk kilmu atia. Eliseba el ka bira Nahason ulamuk. Akil Eliseba birye deiamuk mapu ara, dumbarye ulamik. Sik si ara, Nadab ap, Abihu ap, Elieser ap, Itamar ap, winibuka nang ulamik.

Imamat 10:1

Tonok talak ton, Harun el mapu bitinye, sik si ara, Nadab ap, Abhiu ap, sikce uku sekna ati, taruk arye talilamak lukun ning, el si perbaraan, aning kintinibuka deiamik ning ara, sik anang birikce, dopropdik. Doproropdikopura, aning deice yuk-yuk uku sekdikba, dibukopura, Allah Yahweh arena ati, siltong teleb ning uku dongopdik. Winipdik bukni, anintong teleb ning uku dongopdik ning ara, Allah Yahweh arye sikti, “Anggunce aning ara, uku dongopmunce, nati arepnamnurume,” kum nyabuk. Allah Yahweh arye, aning ati, “Telebe,” kum nyabuka ati, sikce uku sekuka, anintong teleb ning dongopdik ning ara, Allah yanina atonun winipdikce, pia malye winipdik.

Imamat 10:12

Nyabukura, Musa birye, Harun ap, Harun el mapu bitinye ara, Eleasar ap, Itamar ap, sik nirya ati, ayupu nyabuk. “Din ning, roti kwaning dana deiyok ning, el si ara, gandum do, tepung do, Allah Yahweh ati, yanuka arepmace ning ton, mitik tonun tuba aupmalye ning ara, anggun imam-imam nang aryuk dobuka dinamlume. Ara, kam ning kum bukni, roti kwaning dana deiyok ning, Israel nang arye, Allah ati arelamak ning ara, uku dongopnalum bukni, tuba aupnamle ning ara, angguncuk dinamlume. Tonda, atepung do, gandum do, yakong do, aning dopropmunyopura, roti kwaning nena deiyok ning, el si ragi tabakna kum ning ton, aninguk dinamlume. Aroti kwaning akunum dabuka, kintinip deipmunyopura, akambing ato ning obuka, uku dongona ati, mesba kintinibuka deibikak, balye tamuk bindeibuka dinamlume. “Adin ning ara, Allah el ning koproba, pia lek ninguk ulula ati, talyeuk binuka dina meme. Mesba damuk binuka, dina telebe,” nyapsine.

Bilangan 26:60

Aminyan talak ara, Harun birye sal mapu dumbarye deiamuk. Anang sik si ara ani. Adab ap, Abihu ap, Eleasar ap, tonda Itamar ap, deiamuk.