Bilangan 22:9 - Eipomek

⁹ Mapmeka lukunyan noutamak, Allah ara, Bileam dam yayukce asipdeyuk. “An dam ara, yata nang yanuka mapmakba, neika unmalum do?” nyabuka asipdeyuk.

Bilangan 22:9 ပူးပေါင်းရင်းမြစ်များ

Kejadian 16:8

Eibukce, epdarikba, im deice pil donanye birye nyabuk. “Hagaro, Sara el pil melin kilo. Dan mutuku arye, yanmalam do? Tonda, dan mutuku ‘Binaman’ tenen, bisik banmalam do?” nyabuka asipdeyuk. Asipdeyukura, Hagar birye, “Kume, na deiyok kil Sara bira, batakuka, ‘Yuk mutuku binaman’ tenen, abanmane,” nyabuk.

Kejadian 20:3

Doprobuk bukni, tonok lukunyan noutamak ara, el lengdar mapmok talak ara, Allah arye el dam nyalyayuk. “Ance dopmalam kil ara, yuknye birye akunum dobuka anya arye, wenepnamkinlarya. Anda dipmantonye akunum unmalame,” nyabuka wenebuk.

Kejadian 31:24

Gilead mutuku kon uamuka noutamak ara, Yakub birye, el cang kain tenda aik akunum dobukba, sik asukumuk unmikba, Laban ap, el yala nang ap, amutuku yayikce, sik babye cang kain tenda aik, asukumuk dobik. Dobikce, mapmika ani, alukunyan noutamak Allah arye, Aram mutuku anye Laban biti, lengdar mapmoka deice arye nyabuk. “Anda kanye moubuka tenepnulyame. Ance Yakub biti, teleb yupu babye, malye yupu babye, nyana kume. Kanye moubuka unamlyame,” nyabuk.

Kejadian 4:9

Dibukba, Allah el si Yahweh arye, Kain ati asipdeyuk. “An weit koproba Habel bira, danaka unmal do?” nyabuka asipdeyukura, Kain birye, “Yo, na walwale. Nara, na weit koproba Habel, el kalikuka dinanye ununa ati nyanmanilam do?” nyabuka pilibuk.

Kejadian 41:25

Nyabukura, Yusup birye Firaun biti nyabuk. Anda lengdar bitinye eipmamu bukni, sik deiyok ara tonok uk ulule, yuk ton kume. Anya arye, Allah arye an Firaun biti, sirya talak winipnamsil ning ati laka nyapmakile. Deiyok ara ani.

Keluaran 4:2

Nyabuk buk, Allah el si Yahweh arye tamubuka, Musa biti nyabuk. “An taruk talipmalama ara, yata ning upmakil do?” nyabuka asipdeyukbuk, Musa birye, “Ara kama uk talipmane,” nyabuk.

Daniel 2:45

“Naio ance min talak arye, winipmoba eipmom ning ara, nong ara laka nyapkine. Ara, weik mutuku yangan keil noutamak, teleb uka dana-dana kibuk ning ara, ninye taruk deice arye kum winibik. Aweik keil cobuka sakuk ning ara, kat ning besi ap, tembaga ap, kira tuku ap, perak ap, emas ap deice arye memamik patung yanuka, siknibuka nirya oplobuk. Awinibuk ning ara, Allah el mikip weiknye birye anti, ‘Kel kipnamle’ tenen, laka nyapkuke. Ara, an ninye deiyoknye winipnamkil ning ati, laka nyapkuke. Ati ara, an lengdar mapmalumce, eiplum ning ap, narye, ‘Nong ani,’ nyapmakin yupu ap ara, pia diba tenebuka kel biknamlyame. Ara, pia dipkoprob yupu nyapmakina atia.” Daniel birye, Babel mutuku ninye deiyoknye, Nebukadnesar biti nyabuk.

Bilangan 22:10

Nyabuk buk, Bileam birye tamubuka nyabuk. “Kume, Zipor el mi Balak bira, Moab mutuku ninye deiyoknye birye, wipdeipmalba, yanmak nang ap unmabe. Tonda, Balak birye nyapnuk yupu ara, ani.

Bilangan 22:20

Alukunyan noutamak ara, Allah arye, Bileam dam yayukce nyabuk. “Anang arye anti, ‘Yalyame,’ nyabuka, laka nyalyanmakiyake. Winipmakiyakba, an bana ati, an akunum kintinipmalame. Ati, sik ap neika binumunye bukni, na nyapnamakin touk, winipnamalame. Yuk ning ton winina kume,” Allah arye, Bileam biti nyabuk.

Bilangan 22:8

Nyabikopura, Bileam birye sikti, tamubuka nyabuk. “Ura, tonok lukunyan asukumuk mapnulume. Ambusum ara, narye anggunti, yupu nyapnamasine. Ara, na ni Allah, el si Yahweh arye nyapnunil yupu kekepnirye, ayupu uk, ambusum nyapnamasine,” nyabuk. Nyabuka ati, sik Moab mutuku deiyok nang ap, Midian mutuku deiyok nang ap nirya ara, Bileam ap mabik.

Matius 7:22

Ayupu ton nyabuk. “Allah arye ninye nirya wibuka boknamle talak ara, ninye weik arye, nati nyapnamniyake. ‘Naie, naie, an si deice arye, an yupu lakak laka nyalamubu talak ara, an si deice arye, isa dolkwetelamubu. An mikip deice arye, ninye kum winipting ning, sirya pil dolamubu,’ nyabuka moropnamniyake.

Yohanes 11:51

Ara, Kayapas arye, ayupu nyabuka ara, el kanye aryuk kum nyabuk. Elda, talye mankau kanye bobuka, ayupu nyabuk bukni, aketing tamun noutamak ara, Allah arena deiyok nang, sik weik deiyoknye ulamukce, ayupu nyabuk deice arye, aminyan winipnamuk ning ati, laka nyabuk. Kayapas ara, talye mankau kanye bobuka nyabuk bukni, Yesus arye, Yahudi yala ninye nirya, sik malye winin ning pununa ap, sik lyena ap ati, dipnamuka ati, laka nyabuk.