Bilangan 22:8 - Eipomek

⁸ Nyabikopura, Bileam birye sikti, tamubuka nyabuk. “Ura, tonok lukunyan asukumuk mapnulume. Ambusum ara, narye anggunti, yupu nyapnamasine. Ara, na ni Allah, el si Yahweh arye nyapnunil yupu kekepnirye, ayupu uk, ambusum nyapnamasine,” nyabuk. Nyabuka ati, sik Moab mutuku deiyok nang ap, Midian mutuku deiyok nang ap nirya ara, Bileam ap mabik.

Bilangan 22:8 ပူးပေါင်းရင်းမြစ်များ

1 Raja-Raja 13:8

Nyabukba, nabi arye tamubuka, Yerobeam biti nyabuk, “Kume, na deiyoknye Rajao, an talibuka winilyam ning ton, wibuka arepnamanutuma babye, aning ara, dipkoprob kum doproptinye. Tonda, na ni Raja an aik yaniba, din ap, mek ap, neika kum diptininye.

1 Raja-Raja 22:14

Nyapdeibuk bukni, sik bitinye min kum yanaprik talak ara, Mikha birye el yupu bobinmoknye biti nyabuk. “Nara yuk ning ton kum nyapnune. Allah el si Yahweh ara, pia Kam Una Deiyoknye dipkoprob ulule. Ati, Yahweh elce nyapdeipnunil yupu uk, dipkoprob aninguk, binuka nyapnuna,” nyabuk.

Yeremia 12:2

Allah ance, sik anang ara, teleb kililyame. Winipmanto ara, ance sikti, talye paplirye tukwak tiklamle ning atonun kililyame. Winipminyeba, sikda yating tuku pum tam bilirye, teleb kibuka paplirye, duk moulamle atonun kililyame. Sik anang ara, Allah an dam, sik si bambol deice aryuk, teleb-teleb yupu nyakinyak bukni, sik talima noutam ara, anti, dipkoprob tenebuka kum nyakinyake.

Yehezkiel 33:31

Dan mutuku do nirya winilamak touk, amutuku unyak nang babye, ‘Mambul weik yupu kekepnuyapʼ tenen, ninye weik tonun bikbik abuka bulubikirye, anang arye, an dam yanuka bunyake. Wininyaka ara, na Allah, na mapu koproba atonun winibikirye, weik tonun an dam yakirye, an yupu nyanamlam ning ara, pia moubuka kekenamake. Amol deice arye kekenyak bukni, ance, “Aning ara, winipnamlume. Aning ara, kum winipnamlume,’ nyabuka, nyapminye ning ara, sikce moubuka talibikirye, kum dobolbanamake. Deiyok ara, sik anang ara, sik si bam bol deice arye, ‘El kanye deipnamsilʼ tenen, kekena teleb yupu nyapnamak bukni, sik talima noutam arye teninamak ning ara, pia yuke. Ara, sikce, ‘Nun tenina deice arye, tilila yupu nyabibiba, yuk nang arye arepsikiba, nun diamuk teleb kipdeipdatibye. Nun dem aryuk, teleb ning dopropnamabe,’ tenenyake.

Bilangan 12:6

Birik talak ara, Allah el si Yahweh adiparyuk sik bitinye ati nyabuk. Kekenurume! Anggun noutamak nara Yahweh, na yupu laka nyalulnye ton aulyopura, el kel kina ati, kum mapmalye talak ara, el kanye talima noutamak laka nyaniba kekelule. Tonda, lengdar maplya deice arye, na wininye ning laka nyaniba, eibuka kel bikilule. Tonda, kum mamlye talak bukni, mambul yupu nyapnyopura, kekenulule. Tonda, yuk talye nang nirya ara, aning nirya kum eibuka kel biksiting bukni, narye arepneba, na pil donye birye mambul ning dilyalirye, narye elti, na yupu laka nyalinune.

Bilangan 22:18

Nyabuka laka nyabik bukni, Bileam birye tamubuka, Balak el yupu laka nyalyanmik nang ati nyabuk. “Kume, dekna weik ning nirya, perak ap, emas ap, Balak el ninye deiyoknye aik noutamak, pia weika arye, deiamtu ning, arepnutua babye, kum yanamne. Aning ara, urdem ati kume. Na ni koproba, Allah el si Yahweh, elce nyapdeipnilye yupu uk, kekebuka unamne. Yuk ning ton kum winipnamne. Ara, mitik ning babye, weik ning babye, Allah arye kum nyapdeipnilye ning ara, pia kum unamne. Elce nyapdeipnilye, yupu kum yaninamne.”

Bilangan 22:38

Nyabukura, Bileam birye tamubuka, Balak biti nyabuk. “Wini talak ara, na akunum yane. Bukni, naryuk malye kibuka, na tenepne yupu kum nyapkitinye. Allah arye nati, ‘Aning nyapnamlyame. Ayupu winibuka nyapnulyame,’ nyapdeipnamnil yupu uk, nyapkitinye. Yuk yupu ton kum nyapkitinye.” Bileam birye, Balak biti nyabuk.

Bilangan 22:7

Ninye deiyoknye, Balak birye nyabuk yupu kekebikopura, sik Moab mutuku ninye deiyok nang ap, Midian mutuku ninye deiyok nang ap arye, Bileam dam biyik. Sik biyik talak ara, Balak birye arebuk yo bok ton libuka bobiyik. Ara, aminyan winipnamuk ning, laka nyana deiyoknye Bileam arepnamik ning ati, yo bok libuka bobiyik. Biyikce, Balak birye nyapmok yupu, Bileam dam binuka nyabik.

Bilangan 22:9

Mapmeka lukunyan noutamak, Allah ara, Bileam dam yayukce asipdeyuk. “An dam ara, yata nang yanuka mapmakba, neika unmalum do?” nyabuka asipdeyuk.

Bilangan 23:12

Nyabuka wenebukba, Bileam birye tamubuka nyabuk. “Kume, narye nyapman yupu nirya ara, na ni Allah, el si Yahweh arye, na sitang talipnukce, nyapnuk ninguk nyanmakine. Narye yuk yupu pia kum nyaptinye,” nyabuk.

Bilangan 23:3

Winiprikopura, Bileam birye, Balak biti nyabuk. “Anda aning uku dongona dam, anyuk pia tiknamalyame. Nara, tia talak ati, obinune. Ara, talye ati kume. ‘Allah el si Yahweh arye, na dam yalyeura, eipnaman do, kum do?’ tenen, winipnune. Winipmanto Allah ap eipdanimnyopura, elce nyapnamnil yupu nirya kekepnirye, laka nyalyanamkine,” nyabuk. Nyabukce, Bileam adiparyuk, el nyapmok mutuku dup welebanmoka ani, yuk nang ton kum unmekak, amutuku dup welebuk.

Bilangan 24:13

Kume, narye nyalamse. ‘Ninye deiyoknye Balak, el weik aik pum tam deiamuk ning, aning-aning nirya, emas ap, perak ap, dekna teleb ning weika arye deibuka, anyaik deiamting ning arepnitinga babye, aning kum dopropnamne. Deiyok ara, na kanye aryuk tenebuka, na bidamang yupu uk kum nyaptinye. Malye yupu babye, teleb yupu babye, naryuk kum nyaptinye. Aning kum bukni, Allah el si Yahweh arye, ‘Nyanamlyame,’ nyapdeipnilye ninguk ara, an kekenak yanuka nyaptinye.’ Aning ara akunum laka nyapse,” nyabuka, Bileam birye Balak biti nyabuk.