Bilangan 22:41 - Eipomek

⁴¹ Mapmeka berekukopura, Balak birye Bileam inibukce, mutuku si Bamot-Bahal mutuku dup weleprik. Bileam amutuku dup arye, welebuka dinmokba, utam ara sik Israel ninye, pia weik unmekak eibuk.

Bilangan 22:41 ပူးပေါင်းရင်းမြစ်များ

2 Tawarikh 11:15

Tonda, Yerobeam el kanye deice aryuk, Kume, anang sik nyana kume nyabukce, el kanye aryuk, yuk imam-imam nang ton erepdeibuk. Ara talye isa si eren nang ap, tonda sapi basam ap, kambing basam ap, urasin atouk puturubuka, aning el si patung, sik taruk deice arye memebuka deipnarye, si eren ap ati, melin nang wibuka deibuk. Aning nirya ara, mutuku kon deice arye, atalye ning si erelamik.

Yeremia 19:5

Tonda, anggunce Isa Mutuku Dongonye, el si Bahal, el si erena ati, anggun mapu koproba bobuka, keil taplakuka yangabuka kintinip deibikirye, anggun mapu obuka boyangalulume. Anggun mapu koproba dobuka, isa si Bahal el si erena ati, uku dalyangalulume. Awinimunye ning ara, narye ton anggunti, ‘Aning wininamlume,’ kum nyapdeiamsise. Tonda, ‘Aning wininamake,’ kum teinyamse bukni, anggun kanye aryuk tenebuka, winiluluma deice arye, malye weik winilulume.

Yeremia 48:35

Moab mutuku unyak nang ati wenepnamne talak ara, na Allah Yahweh arye, Moab mutuku noutam, siltong ning boyakirye, sik isa si erena ati, mutuku kon deice, uku dongonyakak nirya ara, kum kipdeipnamne. Tonda, sik atalye ning, isa si erena ati, kam ning obuka, uku dongonyakak ap, isa si erenyak nang ara, kum kipdeipniba, sikce isa si ton, tuba kum erenamake. Ati, nara Allah Yahweh arye, akunum nyapdeipmasina ati, aning nirya ara, dipkoprob nong upnamle.

Bilangan 21:28

Min talak ara, Hesyebon mutuku arye, weik uku dilamuk. Ara, Raja Sihon birye taleamuk mutuku, Hesyebon mutuku noutam arye, weik uku dilamukba, ninye weik diplamik. Uku arye, amukutu nirya dilamuk ning arye welebukce, Moab tam bukni, mutuku si Ar mutuku dolamik asik nirya ara, uku dibuka, sirya dakuk. Tonda, Arnon mek duman uamuk bukni, adeice tam bukamuk mutuku kon nirya babye, weik uku mikip arye dibukce, sirya dakuk.

Bilangan 22:40

Birik talak ara, Balak el sapi basam ap, domba ap obuka boyayikce, sik anang ati, yanuka arebuk. Ara, Bileam ap, Balak el mapu, Bileam melibuka yanmek deiyok nang ap, sik dina ati arebuk.

Bilangan 23:1

Atalak ara, Bileam birye Balak biti nyabuk. “Wini talak amutuku noutamak ara, Allah el si erena ati, kam ning obuka, uku dongonak ati, pala keil lelebuka yangeipnululume. Ara, aning tekbarye arye, kintinibuka asukum deipnunilyame. Winipminyopura, yim sapi basam tekbarye ap, yim domba basam tekbarye ap, kintinideipnilyame.”

Bilangan 23:13

Nyabukura, aminyan talak ara, Balak birye, Bileam biti nyabuk. “Wini talak ara, an ap, na ap yukak binuname. Abinunamak arye, Israel ninye yupa ton, binuka eipnamalame. Sik yupa ara, pia weik ati, sik nirya kum eipnamalam bukni, ton yupa ara, eipnulame. Ati, yukak binuka welepnimnyopura, ance na melibukapnimince, amutuku arye Israel ninye ati, malye ulina yupu nyabuka supdeipnamlame. Winipminyopura, sikda ikin unamake,” Balak birye nyabuk.

Ulangan 12:2

Ati, Allah arye anggun winiryuk arepnamsil mutuku binuka, wekmunyopura, amutuku noutamak unyak ninye, malye kibuka yaknamlulume. Amutuku unyak ninye arye, yuk talye ning ati, ‘Nun ni koproba’ tenen, Isa Mutuku Dongonye si erenyake. Isa si eren ati, si erenyakak ap, Isa Mutuku Dongonye si eren aik domice ning ara, anyasik-anyasik nirya, ulubuka uku dongopnamlume. Ara, talye ning ati, si erenyak sukum ara, mutuku dup ap, mutuku taram ap, weik yo tiklamle amu tam ap nirya ara, ulubuka daklopnamlulume.