Nyabukce, anyalin yupu tonap dukdongopbuka nyabuk. Allah arye, Abram biti nyabuk yupu ara, ani. “Narye anti, pia teleb kipkinirye, narye melilamkiniba, ance deipminyeba, dadeipdanin balamica ani, deipnamak nang, pia weik upnin banamake. Aninye nirya ati, sik apu koproba kibuka unalame. Na mikip deice arye, an si weik arye, ereipkiniba, ninye nirya arye, anti kekepnamake. Narye melipkineba, an deice arye, yuk nang weika arye, teleb updeipnamne.
Bilangan 22:12 - Eipomek12 Nyabukopura, Allah arye, Bileam biti nyabuk. “Ance el nyapmakil yupu kekepmince, an dam yanmakiyak nang ap, melibuka bana kume. Tonda, ‘Aninye malye winipnamake’ tenen, malye yupu nyabuka, sikti, suna kume. Na Allah arye aninye ati, akunum wibuka teleb kipdeipsirye, adeice sikda na tenena ninye unyake. Sik dam ara, na aunune.” Allah arye nyabuk. အခန်းကိုကြည့်ပါ။ |
Bilangan 22:12
27 ပူးပေါင်းရင်းမြစ်များ
Asipdeyukbuk, ninye si Zedok birye deiamukba, deipdanin yangalamikce deiamiknye, el si Asarya, elda sik imam nang weik deiyoknye ulamuk anya arye, elce nyabuk. “Kume, amutuku unyak nang arye, Allah el si Yahweh, el si eren aik dam, teleb aren ning arelyanganyak talak ara, nun din ning ara, pia weik tonun usulule. Weik tonun ton tuba tabakuka aresiliba, atuba usulule. Aning nirya deiyok ara, ani. Ara, Allah arye el ‘Naʼ tenen nang, sik Israel nang, sikti, weik tonun meliplirye, tabakuka areliba, sikce arepsikiba, dolonyabe,” nyabuk.
Diba nun ni, aning-aning moropmakiap ning nirya ara, Allah ance, arepsiminyopura, aning yuk-yuk ning nirya dolonamap nang ara, pia teleb kilinamsilame. Ance melipsiminyeba, dopropnamap nang ara, dipkoprob pia kanye deibuka unamabe. Diba, yata yala nang do nirya, sikce Allah Yahweh anti, si erenyak nang ara, dipkoprob pia kil-kil kanye bobikirye, unamake. Yahweh ance talilyam nang nirya ara, dipkoprob kanye bobuka, pia telebuk unamake.
Bukni, yata nang do nirya, sikce nun apu Yakub ton, kalikuka melilamuk Allah ati, ‘Nara elcuk, nati melibuka lyepnamnileʼ tenenyak nang ara, Allah arye aninye ati, kilinamle. Aning atouk, yata nang do nirya, sikce Allah Yahweh ati, ‘Eluk na si erenun Allah ulula ati, elcuk kalikuka lyepropnamnile,’ tenenyak ninye ara, Yahweh arye aninye ati, teleb kilinamle.
‘Pia unamle,’ nyalin yupu nyapsinyopura, anggun Israel ninye arye deipmunyeba, dadeipdanin banamak ninye nirya ati, yuk pera mutuku nang nirya arye, kel kibikirye, winilinamake. Narye anggunti,teleb kipdeipsinyopura, yuk ninye mutuku-mutuku nirya eipsikirye, ‘Se, Israel ninye ara, Allah Yahweh arye dipkoprob teleb kililule,’ nyanamsiyake.” Allah arye Israel ninye ati nyapdeibukba, nabi Yesaya birye sekdeibuk.
Tonda, na mapu koproba, Israel ninyeo, anggunce akunum luba kiplum do? Anggun tuba tonap, moubuka tenepnululume. Ara, Moab mutuku ninye nirya taleamuknye, Balak birye, ‘Israel ninye nirya ati, wenepnirye opnamsine,’ tenepmasuk buk, Beor el mi Bileam biti yukubukba, yayukce, ‘Israel ninye luba kina meme,’ nyabuka morobuk bukni, Bileam birye, el dam yata yupu nyamuk do? Bileam birye, anggun Israel ninye ati, teleb yupu nyapsuk deice arye, telebuk upsuke. Tonda, minop talak Sitim mutuku arye batakuka, bisik balamlum ani, Gilgal mutuku noutam bilum talak ara, anggun melina ap, kel bikna ap ati, pil weik tonun dolamsise ning ara, akunum luba kiplum do? Kume, anggun Israel ninye ara, ‘Se, nun ni koproba, Allah Yahweh arye, nun lyena ati, pia dipkoprob mambul weik pil dosulul’ tenen, ‘Kel biknamlum’ tenen ati, narye weik mambul pil dolamsise ning ara, akunum luba kiplum do? Anggun aning nirya moubuka tenipdemunce, kel biknamlulume. Na Allah arye, dipkoprob lyepromsise.
Mesir mutuku noutamak arye batakuka, bisikak mapmap yanganyak ninye ara, pia weik yanganmake. Aninye ara, yupa mitik tonun kum yanganmake. Sikda mutuku-mutuku nirya bisibuka, alapropnin yanganyake. Aning ati ara, Bileam anda yamince, ‘Aninye dibikirye, kum danamak’ tenen, malye yupu nyabuka, sik aninye deice deipmince, supdongoplyame. Winipminba, narye sik aninye ati, obuka sirya daktinye do, kum do? ‘Obuka sirya daktinyopura, nun unyap mutuku noutamak arye, aninye dopkwetepnamne,’ tenepne. Bukni, ‘Kum optinye do?’ tenen, nyapmakine, Balak birye nyapmanile,” Bileam birye, Allah ati laka nyabuk.
Nyabuka mapmika berekukopura, Bileam birye, Balak wipdeibukba, yanmek nang ati nyabuk. “Anggun nirya dabilulume. Allah el si Yahweh arye nati, ‘Anda sik anang ap kum binulame,’ nyabuka, yupu sekmanila ati, anggun ap melibuka kum binuyabe. Ati, anggun mutuku koproba, tamubuka dabinamalulume,” Bileam birye nyabuk.
Aninye ara, pia mikip weik ninye unyaka ati, narye obuka, sirya kum daktinye. Aning ati ara, Bileam anda yamince, ‘Sik aninye nirya opnamak’ tenen, ance sik deice malye yupu nyabuka supdongopnamlyame. Winipminyopura, narye aninye ati, ‘Obuka sirya daktinye do, kum do?’ tenen, yupu nyapdeipmakinba, nyalyanmakiyake. Dinauk unamabe. ‘Aninye obuka sirya adaktinyopura, anang ara, nun unyap mutuku noutamak arye dopkwetepnamne,’ tenepne. Bileam amio, na kel bikse. Yata ninye do nirya, malye yupu nyabuka, sik dam suminye ninye ara, pia malyeuk unyake. Tonda, ikin weik unamake. Bukni, ance teleb yupu nyabuka suminye ninye ara, telebuk unyake. Ati ayupu nyapmakine,” nyabuk. Balak birye, Bileam biti ayupu nyapdeibukba, el amu tam nang kekebikce, Bileam dam laka nyalbiyik.
Tonda, sik malye ulamik nang ap, asing keten nang nirya ap, weik kel bikamik nang babye, sikce Yakub yala ninye ati, malye yupu nyabuka sulamika babye, Israel ninye ati, kum malye kilamike. Sikda telebuk ulamika atonun, tuba unamake. Aning atonun wini talak babye, malye nang arye, Isa Mutuku Dongonye mikip deice arye, Israel nang ati, malye kum updeiptinge. Wini talak ara, ninye nirya arye, sik Yakub birye deibukba, dadeipdanin yangalamik ninye ati, Israel yala ninye ati ara, nyanamake. ‘Se, anggun nirya ara, dipdelulume, Allah arye, aninye dam melilula anya arye, sikda telebuk unyake. Sikda weik mambule,’ nyabuka nyanamake, nyabuk.
Winiprikopura, Bileam birye, Balak biti nyabuk. “Anda aning uku dongona dam, anyuk pia tiknamalyame. Nara, tia talak ati, obinune. Ara, talye ati kume. ‘Allah el si Yahweh arye, na dam yalyeura, eipnaman do, kum do?’ tenen, winipnune. Winipmanto Allah ap eipdanimnyopura, elce nyapnamnil yupu nirya kekepnirye, laka nyalyanamkine,” nyabuk. Nyabukce, Bileam adiparyuk, el nyapmok mutuku dup welebanmoka ani, yuk nang ton kum unmekak, amutuku dup welebuk.
Nyapnuk bukni, Allah arye, sik aninye ati, ton malye yupu nyabuka, sik deice deibukce kum subuka ati, na talinye birye, yata wiribuka malye yupu nyaptinya deice arye suptinye do? Aning atonun, Allah el si Yahweh arye, ‘Aninye malye ning uka,’ nyabuka, malye yupu nyabuka, kum suplye ninye ati, na talinye binya arye, ‘Yata wiribuka malye yupu nyaptinirye suptinye do? Kume, aning kum winiptinye,’ nyabuk.
Israel ninye ara, yim bai kam ap, kil bai kam ap arye, yu weik ulamrak atonun unamake. Ara, winipmanto, ‘Yuk kam ning obuka dipnuname’ tenen, duknubuka bulamdaka atonun unyake. Ati yata ninye arye, sikti, binuka duptinge do? Kume, opsicak ati, sik dam bana pia meme. Israel ninye babye, aning atonun unyaka ati, yuk mutuku nang arye Israel ninye ati, obuka sirya kum daktinge. Aning ati ara, yata mutuku ninye do nirya, sikce Israel ninye ati, ‘Teleb unamak’ tenen, teleb yupu nyabikcopura, Allah arye ayuk mutuku nang ati, teleb ubuka delinamle. Aning atonun, Israel ninye ati, ‘Ikin uptuba, malye upnamak’ tenen, malye yupu nyabuka, sun ninye ara, Allah arye ayuk mutuku nang ati, supliba ikin weik unamake. Bileam birye ayupu nirya ara, Israel ninye unamik ning ati nyabuk.
Pilatus arye, ‘Yesus yupu lipsisikuka bokeipnun’ tenen, ninye yupu lipsisikuka bokolinanye bunak deice bukmokak, el kil arye yupu nyapdeibukura, yuknye birye ayupu nyalyayuk. “Kao, anye Yesus ati ara, ninye yupu bokuka kum wenepnulyame. Na lengdar mapmanu deice arye pia ikin upmanila ati, anye bira el malye ning ton dipkoprop kum ubuka anya arye, bataknauk upnulyame. Tonap elti, yupu talibuka kum bokeipnulyame,” nyabuk.
Ati anggunda moubuka tenipnamlulume. Anggun pil dolamlum talak noutam nirya ara, anggun ni koproba Allah Yahweh arye, teleb kibuka kintinyamsukce, anggun patan ning yala-yala nirya yamubuka arelamsuke. Tonda, Allah elce, amek kum mutuku, kata weik mutuku noutam, bisik balamlum talak ap, banamlum talak ap ara, elcuk kalikuka melilamsuk touk, tuba melinamsile. Tonda, keting tamun yupa empat puluh (40) tahun noutam ara, pia kata mutuku balamlum talak ara, anggunce el si erelamlum Allah Yahweh, elce erebuka ulamukce, anggun patalamsuk ning nirya ara, apatalamsuk touk, ubuka arelamsuke. Talye patalansukba, kum bataklamsuke. Allah arye Musa biti, nyapdeiamukba, Musa birye, sik Israel nang ati nyabuk.
Sik anang arye, utenebuka arebikba, Bileam birye anggunti, ‘Malye uptingʼ tenen, suamsuk bukni, anggun ni koproba Allah Yahweh arye, Bileam el nyabuk yupu ara, kum kekamuke. Anye birye, ‘Malye kipdongopnirye, sik anang ara, suknamne,ʼ tenebuk ning ara, Allah arye tamubuka, teleb kipdeipsuke. Aning deiyok ara, Allah arye anggun Israel ninye ati, bico tenepsukce, kanye deiamsuke.
Tonda, Allah elce yamubuka arepsilyeura, anggunce anggun aik batakuka bai bana do? Yuk mutuku bana do? Teleb kibuka arisilyeba, telebuk unamlume. Aning atouk, yuk mutuku daulamunya ani, aminyan talak, anggun asik tamubuka yanamlum talak ara, teleb kibuka kaliksilyeba, telebuk unamlume. Danaka do nirya, anggun unamlumak ap, banamlumak ap ara, Allah aryuk melipsilyeura, telebuk unamlume.
Ati ara, anggun Israel ninye ara, anggunda pia telebuk unamlume. Allah arye, pia teleb kipdeipnamsile. Allah el si Yahweh arye, anggun Israel ninye ati, lyepdeipsukce, wiamsuk bukni, yuk mutuku unyak ninye ati, aning atonun, sikti, ton kum wipdeiamuk. Allah arye, anggunti melisulule. Yin talin nang arye, ‘Mal arye opsicak’ tenen, ting kiniklamik touk, Allah arye anggunti, moubuka kalikisulule. Ninye arye, pia teleb parang ya bobikirye, kalikilalamak touk, Allah arye anggunti, kalikuka melipsilirye, anggun mal olan nang ati, obuka sirya daknamle. Winilula ati, el melipsilyopura, anggun mal olan nang dam bimunyopura, anang arye, ilil weik upliba, kanulongonamake. Winibikirye, ‘Se, nun ona kume, bico tenepsululume,’ nyabuka moropnamake. Anang nirya obuka, sirya dakmunce, sik nong deice yaniptapnamlume. Tonda, sik Isa Mutuku Dongonye, el si erena ati, mutuku deice delilamak ning nirya ara, daklopmunye deice, yanibuka banamlume.
“Aning ara, yuk mutuku im sirya, mutuku sirya nirya unyak ninye ara, mitik tonun aupmal bukni, anggun Israel ninye ara, weika arye arenamsile. Yuk mutuku nang aulye ning atonun kume. Sikda mitik tonun bukni, anggun Israel ninye ara, pia weike. Aning atonun, anggun kilapu nirya arye, mapu weik delinamake. You kilapu kum unamake. Sik ninye arya, mapu weik delinamake. Anggun weilulum kam ning ara, domba basam do, sapi basam do, kambing do, aning nirya, mi weika arye delinamake.”
ကြော်ငြာတွေ