Bilangan 20:1 - Eipomek

¹ Keting tamun yupa tonok, keba odikin 40 tahun akunum ubukba, aketing tamun noutamak ara, sik Israel ninye balamika ani, mek kumak, Sin mutuku tam, pata mutuku biyik. Balamika ani, Sin mutuku tam bukni, wala tonok ning kibuk deice, sik Israel ninye, Kades mutuku biyik. Kades mutuku ara, mok kum celamuk mutuku ati ara, ninye ton kum ulamik mutuku bukni, sik Israel ninye amutuku binuka ulamik. Kades mutuku binuka ulamik talak arye, Miryam dibukba weibik.

Bilangan 20:1 ပူးပေါင်းရင်းမြစ်များ

Kejadian 14:7

Obuka sirya dakikura, tamubukabikce, En-Mispat mutuku noutamak, (ton el si ara, Kades mutuku) biyikce, sik Amalek nang obuka, sirya dakik. Amalek ninye taleamuk mutuku-mutuku tam nirya, alabuka doprobik. Aning atonun, Hazeson-Tamar mutuku ulamik nang, Amori nang babye, obuka sirya dakik.

Mazmur 29:8

Allah Yahweh arye, el yupu weik tonun nyaplyopura, pia pera kata mutuku babye loknamle. Allah Yahweh, el yupu nyaplyopura, Kades mutuku ninye pia kum unyakak babye, loknamle.

Keluaran 15:20

Aning nirya winibuka, ati ara, tonok kil el si Miryam birye mot sebuk. Allah arye laka nyalamukba, Miryam kekelamukce Allah el yupu laka nyana kil ulamuk. Miryam bira, ara Harun el du kul ulamuk. Elce deiyok koubuka, lelim nyana ning rebana dobukabukce, taruk tapne arye bokuka mot menekuka nyanmokba, Israel kilapu nirya kanye deibuka mot senmek. Sik nirya arye rebana ning dobuka taruk tapne arye bokukapna arye, mot senmek.

Keluaran 2:4

Winibuk talak ara, el du kil yuk sukum tikmokce, ami ati, ‘Yata wiripnamal do?’ tenen, dinauk unmok.

Keluaran 2:7

Nyabuk talak, ami el du kil birye, Firaun kilmu dam biyukce, asipdeyuk. “Ami ara, moum dinina ati, Ibrani kilapu dam bitinirye, bobuka boyaniba, akil arye an melina ati, ami moum diniptopura, teleb do?” nyabuk.

Yehezkiel 47:19

Ura, Tamar mutuku arye, iknapye tam (arah selatan) arye, wililonak arye dipdongobuka binamunya ani, keting komulban tam (arah barat) dabinuka wilipdopnamlume. Asik domik ning ara, Kades-Meriba mek pu arye, dipdongobuka wilibuka binamunya ani, minop talak mek balamukak bukni, akunum diprobuk dam arye dipdongobuka epdamunyak arye, dabinuka wilipdopnamlume. Anyapce, weik laut mekwen, keting komulban tam uamuk ning, el si Laut Tengah (Mediterania) Mesir mutuku damuk dipdongobuka wilipdopnamlume.

Mika 6:4

Anggun ton teneipdelulume. Narye anggun Mesir mutuku ulamlumce, pia ikin pil dolamlum noutam ara, narye lyebuka boyanamsise. Mesir mutuku ninye arye, anggun Israel ninye nirya ati, tapu koubuka deiamsikce, pia ikin pil dilamsikba, na Allah arye lyepropsise. Tonda, atalak noutam nirya ara, anggun melin ati, narye Musa ap, Harun ap, Miryam ap, dobuka deiamsirye, sik deice mikip weik arelamsiba, sikce deiyok nang kibuka boyangalamsike.

Bilangan 12:1

Musa domuk kil ara, Israel yala kil kum bukni, yuk mutuku kil, amutuku si Kus mutuku kil dobuka domuk. Winyamuka anya arye, el kil ara, Kus mutuku kil ulamuk ati, Miryam ap, Harun ap arye, akil ati malye kanye boprikce, ‘El malye kipdeipnunam’ tenen, Musa biti ara, malye yupu nyapin balamdik.

Bilangan 12:10

Allah el si erena ati, doltakna aik dam, weik dua atonun kibuka yanmoka ani, akunum yupu nyabukopura, tamubuka welebuk. Welebiyuk talak ara, Miryam el nong deice nirya ara, bol kona suse atonun talibukce, el nong bol deice nirya kurubuk. Kurubukba, el makalnye Harun eibukce, ‘Se’ tenen, mambul kirikuk.

Bilangan 12:15

Nyabuka ati ara, Miryam bira, sik Israel ninye dobuka ulamik aik dam arye ubuka, el yuk bai tam biyukce, binuka unmok buk, Allah arye anyapmok touk, like tekbarye akunum mabukopura, tamubuka yayuke. Miryam bira, bai tam binuka el yuk ulamuk talak nirya ara, sik yuk Israel ninye asukum arye ubuka, yuk mutuku kum binamik. Tuba asukumuk ulamik.

Bilangan 13:21

Nyapdeibukba, sikce amutuku noutamak ara, ‘Yata wiribuka unyak mutuku do?’ tenen, dilbiyik. Ara, sik utam mutuku unyak nang ara, mok ap, mek ap kum ati, buppu weik arye ninye kum ulamik mutuku, el si Sin mutuku eitam arye dukdongobuka, Rehob mutuku bisik balamika damak, Hamat mutuku binuka dipra banmek.

Bilangan 13:26

Kanaan mutuku binamikce, elilamik ning ap, ulamik ning nirya ap ati, ninye kum mutuku Paran mutuku bukni, Kades mutuku ara, Musa ap, Harun ap, Israel nang ap, ulamikak minopce tamubuka, amutuku uk yayikce, Kanaan mutuku dilbinamik nang arye, Kanaan mutuku moulamuk anggur tapu duk ap, yuk yo duk ap, dakuka boyanamik ning ara, Israel ninye kel kina ati, yanuka laka nyabikba, aninye nirya eibikce, kel bikik.

Bilangan 20:16

Winilamupu buk, aminyan talak Allah ati morobupuba, kekebukce, Allah el im deice pil donanye malaikat tonok wipdeibukba, Mesir mutuku noutam arye, bobuka boyanamsuke. Winilamsuka ani, wini talak ara, nunda Kades mutuku akunum yanuka unmabe. Ara, nun kwit, an taleamlum mutuku sirya, wiliba dam ayanuka unmabe,” nyabuka, Musa el mapu arye, Edom mutuku taleamuk deiyoknye dam, binuka laka nyabik.

Bilangan 20:22

Atalak ara, Israel ninye nirya arye, Kades mutuku batakuka, bisik banmeka ani, Hor mutuku binuka mabik.

Bilangan 20:28

Akunum welebikopura, Allah nyapmok touk, Musa birye, Harun el deice tam baju kwiribukabukce, el mi Eleasar ongopdeibukopura, Harun Hor mutuku dup adiparyuk dibukba weibik. Winibikce, Musa ap, Eleasar ap, tamubuka koulukrik.

Bilangan 26:59

Amram bira, Lewi el kilmu Yokhebed domuk. Yokhebed bira, Mesir mutuku ulamik talak ara, Lewi birye akilmu deibukura, daulamuka ani, Amram birye domuk. Sik bitinye neika ulamdika ani, Yokhebed bira, el mapu Harun ap, Musa ap, tonda sik makal kil tonok, el si ara, Miryam ap deiamdik.

Bilangan 27:14

Deiyok ara, urdem ati kume. Israel ninye ara, mek pia kum mutuku, Sin mutuku ap, Kades mutuku ap ulamik talak ara, malye kibuka kekena kumce, malye yupu nyalamikba, Musa an ap, Harun ap, anggun bitinye malye kipdongamnurume. Ara, narye, ‘Yupu nyaprumunba, akeil noutamak arye, mek kutukuka banamle,’ nyapsise bukni, anggunce na yupu yaniprumce, Musa an kama dobuka, akeil deice opluma ati nyapkine. Winipruma deice arye, sik Israel ninye eibikce, ‘Allah elda pia mikip weik ulirye, diksukum pia telebnye uk ulule’ tenen, kum biknike. An ap, Harun ap malye winipruma deice arye, Israel ninye dinmeka dam arye, na si kum erepnurume. Na nyapmakin mutuku ara, Meriba mutuku bukni, mek kum mutuku noutamak Sin mutuku ati nyapne.” Allah arye, Musa biti nyabuk.

Bilangan 33:36

Sik nirya ara, Ezion-Geber mutuku arye batakikce, ninye pia kumai, Sin mutuku pata ara, Kades mutuku uk binuka, sik tenda baju bola doltakan aik deibik.

Ulangan 1:46

Sik Amori yala nang arye, anggun Israel nang ati, obuka sirya daksikopura, nun nirya Kades mutuku binuka ulamupu. Amutuku noutamuk, keting tamun yupa weik tonun asukumuk ulamupu. Musa birye nyabuk.

Ulangan 2:14

Ura, mutuku si, Kades-Barnea mutuku arye deiyok koubuka, upnin yangalamupu ani, Zered mek duman koubuka, atam yapu sum bukni, aketing tamun noutam nirya ara, yupa pia weik tonun, tiga puluh delapan (38) tahun deice arye, bisik banauk ulamupu. Amutuku yanuka, ulamupu talak ara, Allah arye nyapdeiamsuk touk, Kades-Barnea mutuku arye, deiyok koubupu talak ara, sik yin talin nang nirya, tuba kam ulamik nang atalak 38 keting tamun noutam, tuba upnin yangalamik nang, sik yin talin nang nirya ara, akunum diamike. Tonoknye babye, kam tuba kum ulamuk. Aning ara, Allah Yahweh arye, ‘Na yupu yanipmaluma anya arye, pata mutuku arye, talye dem balamlum buk, sirya talak ara, sik anang nirya dipnamakca,’ nyamuk touk winibuk.

Ulangan 32:51

Winipnalama deiyok ara, nyapnukine. Deiyok ara, anggun bitinye yuk-yuk bukni atonun, narye, ‘Wininamnurume,’ nyapsise yupu, dib tenena kumce, anggun yuk teneprum ninguk winiprumba, sik Israel ninye elilamik. Ara, mek ap, ninye ap, kumak ara, Sin mutuku bukni, mutuku si ara Meriba, tonda Kades mutuku dam arye, amalye ning winiprume. Sik Israel nang arye, ‘Allah ara, pia malye ton winina kumnye ulule,’ tenelamniting bukni, anggun malye winiprum ning eibika deice arye, aning ara, kum tenelamnike. Winiprum ning ara, na nong ap, na yupu ap, yanina atonun anya arye, an Musa biti, wini talak wenepnamakine. Nati, dib tenebuka kum winipdeipnuluma deiyok arye, dipnulame.

Hakim-Hakim 11:16

Dipkoprob winiamik ning ara, laka nyapnusine. Minop talak Israel nang Mesir mutuku batakuka, bisik yanamika ara, weik laut mekwen binuka sekdongobukba deiamuk mekwen, el si ara Teberau arye sini mekwen dam arye ubuka, omutuku kata ara, mek kum mutuku tam kibukabikce, Kades mutuku yanuka wekamik. Amek kwen dam arye tamubuka, otam tukwak ara, mek kum mutuku tam kipdobikce, Kades mutuku yanuka wekamik.