Bilangan 2:1
4 ပူးပေါင်းရင်းမြစ်များ
Israel ninye yala yuk-yuk nang, sik akunum minop menekuka bacopura, anoutam ara, sik Lewi yala nang, sik aminyan dukdongobuka banamnyake. Ara, sik Lewi yala nang arye, Allah ap, ninye ap, eldana ati dolamak tenda aik ara, sik ayala nang aryuk bobanamnyake. Allah arye, “Sik Israel yala ninye aik nirya, dopnamlum noutam ara, sik Lewi yala ninye dem, sik asik koproba dobikirye, na si eren aik dana-dana tam doupnamnyake,” nyapdeiamuk touk, aninguk winilamik. Tonda, sik bisik balamikce talak ara, yuk-yuk aik dolamik touk winilamikce, anyaik-anyaik nirya, atonun dopnin balamik. Sik bisik ban talak ara, sik yupa yuk-yuk ulamik touk, sik bikilin ning ikamik ning ati, elilamikce, abisikuk balamik.
Israel ninye, sik unamica ati, tenda aik dopnuce talak ara, tonok-tonok nang, sik minopce, sik un aik dobuka, un aik ati lak kilin ning, ‘Nunda, aning deiyok nang unyabe,’ tenebikirye, kirikwetamicak dana-dana tam, aik dobuka, antanal dongonamnyake. Anyaik dona ara, sik apu yapu nang arye, anyaik dopnin yangalamik touk winibuka, yala yuk-yuk ulamak touk, winibuka dopnamnyake. Adonamak aik urasin tam ara, na Allah Yahweh ap, ninye ap, eldana ati tenda aik, dopdeipnamake. Anyaik sirya dana-dana tam, antanap dongobuka donamak bukni, anyaik urasin tam ara, na aik kipdeipnamnyake. Wininamak bukni, pia mining dam ara, kum donamak bukni, mitik yuk toak donamake.
Winibukopura, asum aryuk, Israel ninye sik deiyok kibuka taleamik nang arye, Allah el si erena ati, teleb ning ton boyanuka arebik. Adeiyok nang sik apu yapu arye deiamikba, dadeipdanin, yangalamik touk, ayala yuk-yuk ati, Israel ninye sik si sekik ninye nirya ara, sik pununa ati, arin ning boyanuka Allah ati arebik.
ကြော်ငြာတွေ