Narye anggunti, Kanaan mutuku aserepsinyeba, binuka wekmunce, amutuku talibuka, unamlum talak nirya ara, anyapdeipnamasin touk, wininamlume. Israel nang, anggun asik dobuka unamlumak nirya ara, na Allah arye arepnyopura, anggun aik pum tam lyun ning lyulirye, tong weik nyapliba, ‘Se, nun aik pum tam ara,barye suse akunum unmale,’ tenepmunyeura, winibuka wininamlume. Ara, barye suse ara, na dam arye anggun wenena ati, barye suse dobuka deipsinyeba, anggun bikilina ati, anggun dam yanganamsile.
Bilangan 15:2 - Eipomek2 Anggun ni Allah Yahweh arye, “Aning ara, atonun wininamlulume,” nyapdeipmasil yupu ara ani,” nyabuka, ance, sik Israel ninye kekenak ati, binuka laka nyapnalyame. Ayupu ara ani. ‘Narye anggun Israel ninye arepnamsine,’ nyalin yupu deice arye, nyapdeiamsise mutuku wekelbinamak talak ara, aninguk talibuka binuka unamnyake. အခန်းကိုကြည့်ပါ။ |
Bilangan 15:2
8 ပူးပေါင်းရင်းမြစ်များ
Ance sik Israel ninye ati, nyapnamlyame. Na Allah arye arepnamsin mutuku, akunum wekelbimunyopura, aning-aning nirya, nong malamle ning ap, duk moulamle ning aning-aning nirya ap, bulubuka lipnamlulume. Winipmunyopura, gandum nong ning dopropmunce, min yuma moulamle ning ara, wibuka koupne tonok koupmunce, Allah el si eren aik pum tam, pil dona deiyok nang, sik dam boyanamlulume. Adeiyok nang ara, Allah ap, ninye ap, ansinilina deiyok nang ati nyapsine.
Anyapdeipkince, “Winibuka-winibuka wininamlume,” nyapne yupu ara, Musa ance, Israel nang ati, ‘Allah arye nyapdeipmasile,’ nyapnulyame. Nyabukopura, ayupu tonap nyabuk. Allah Yahweh arye, aminyan talak arepnamsil mutuku noutam binuka wekmunce, dopropnamlum talak ara, Allah Yahweh el si erebuka kina ati, wininamlume. Amutuku unamlum talak nirya ara, Allah atibuk, el si eremunyakarye, ‘Pia telebe,’ nyabuka, el si erenamlume. Tonda, keting tamun tekbarye kunum kiplye talak nirya ara, anggunce wa wina ap, wa wibuka yala ton kouna ap, pia kum wininamlume.
Ance Israel ninye, sik dam bimince, ‘Allah arye anggunti, nyapdeipmasila ara, atonun nyapdeipmasile,’ nyapnulyame. Ara, “Anggun Israel ninye ati, arepnamsine,” nyabuka, nyalin yupu deice arye nyapdeiamsise mutuku bikcopura, narye sikti, “Aning nirya ara, winibuka-winibuka ukirye, talibuka unamnyake,” nyabuka, ‘Nyapdeiamse ninguk talibikirye, binuka unamnyake,’ nyapdeipmasile,” nyabuka, sik dam binuka nyapnulyame.
Musa birye, Israel ninye ati nyabuk. Anggun apu yapu ati, bico tenebuka meliamuk Allah ara, el si Yahweh arye, amutuku arepnamsile. Ateleb mutuku wekmunce, talibuka unamlum talak nirya ara, Allah arye, ‘Aning ara, wininamlulume. Aning ara, pia kum wininamlulume,’ nyabuka nyalilamuk yupu, anyapnusin yupu ara, moubuka kekepmunce, aninguk pia talibuka wininamlume.
Allah arye winiryuk arepnamsil mutuku, pia unamap mutuku, anggun mal olan nang ati, olana kum diparyuk, dikdik senamlum mutuku, min kum wekmaluma ati nyapsine. Allah el si Yahweh arye, ‘Israel ninye ati, amutuku arepneba, talibuka unamak,’ tenyamsuk mutuku, min kum wekmaluma ati nyapsine. Amutuku wekuka umunce, kanye lamapdongobuka unamlum talak ara, Allah arye nyasilye ninguk, wininamlulume.
ကြော်ငြာတွေ