Bilangan 14:2 - Eipomek

² Sik nirya arye Musa ap, Harun ap ati, nyanmek. “Se, teleb ning ara, nun Mesir mutuku noutamak ulamupu talak aryuk diamtibye. Akumopura, mok kum ati, ninye una kum mutuku, apata mutuku noutamak teleb ning ara, adiamtibye. Aning babye telebe,” nyabuka ngaluklamikce, Musa dam malye yupu nyalamik.

Bilangan 14:2 ပူးပေါင်းရင်းမြစ်များ

1 Raja-Raja 19:4

Bukni, Elia bira el tonok, bisik lukunyan tonok mabukce, tonok sum ton banmoka ani, mek kum mutuku, pia pata mutuku noutam biyuk. Akunum biyukopura, weik yo tonok tikamuka amu tam binuka bukmokce, lik weik ubukba, Allah ati moronmok. ‘Nara lik weik unulula ati, akunum diptinye,’ Na deipkirikdop nang diamik touk, na babye talinye ununa anya arye, adiparyuk diptinye. Na ikin weik unilye touk, tuba kum uptinye. Ati, teleb ning ara, Allah ‘Elce daopnutuba diptinye,’ teninmokce Allah ati moronmok.

Ayub 3:11

“Se, yata ati, na nin deipnuk talak arye kum diamse do? Atonun, na nin mun pum tam arye, deipkwetepnuk talak ara, yata ati kum diamse do? Akunum diamtinye.

Mazmur 106:24

Nirya daulamika ani, aminyan talak ara, pia teleb mutuku, Kanaan mutuku tam winiryuk biyik talak ara, sikce, ‘Kume, amutuku ara, nun lik,’ tenen, malye weik nyalamik. Deiyok ara, Allah arye, “Narye arepnamsin mutuku, Kanaan mutuku tam ara, pia teleb mutuku ati, amutuku noutam ara, teleb kipdeipsiniba, telebuk unamlume,” nyabuka, nyalin yupu deice nyapdeiamuk ning ara, sik Israel nang arye, diba kum tenelamika ati, “Amutuku ara, nun lik,” nyalamik.

Mazmur 106:25

Winilamika ati, sik terpal atonun ning arye domik doltakan tenda aik pum tam bulamikce, amutuku ati malye nyabuka, engelamik. Sikda, ‘Nun lik,’ tenelamikce, malye weik nyalamika ati, Allah Yahweh arye, “Winipnamlume,” nyapdeiamuk yupu ara, kum kekelamikce, aning atonun kum winipnin balamik.

Mazmur 106:45

Tonda, Allah arye, ‘Se, ‘Naʼ tenen nang, kum ubikcak’ tenen, elce sikti, “Sikda wininamlume. Winipmunyopura, narye pia teleb kipdeipsiniba, telebuk unamlume,” nyapdeiamuk nyalin yupu ara, tonap bikuke. Aning tuba tenenauk ulamuka ati, sikti, bico tenebukce, sik dam yanuka lyeprobuk. Deiyok ara, Allah arye, “Anggun ti, weik tonun bico tenesinirye, pia teleb kipdeipsiniba, pia telebuk unamlume,” nyapdeiamuk yupu, akunum nyabuka ati, adeice arye, tamubuka Israel nang lyeprobuk.

Keluaran 14:11

Sik ilil weik ubuka ati, Israel ninye arye, Musa biti nyabik. “Yata ati, Mesir mutuku noutamak arye dobuka, ninye kum unyak mutuku noutamak boyanmasilam do? Yanmapce amutuku dipnuyap do? Mesir mutuku ara dipmatibyeba, Mesir mutuku noutamakuk kum weipsitinga ati do? Ninye weinak lo kum uamuka ati, amutuku boyanmasilam do? Ati ance boyanamsulumba, yangapya ani amutuku dipnuyabe. Ara, an nyalamsuluma deice arye yanuka dipnuyap do? Yata wiripnamsil do? nyapkiabe,” nyabuka ngalukunmek. Nyabukabikce ayupu ton nyabik.

Keluaran 15:24

Ati ara, Israel ninye arye kum dipmanto sik mek ati, pia weik arye malye-malye nyanmekce, Musa biti nyabik. “Nun yata wiribuka amek diptibye do?” nyabuka ngalukunmek.

Keluaran 17:3

Nyabuk bukni, Israel ninye mek pia patana unmoka anya arye, Musa biti weik arye malye kibuka uanmek. “Ance yata ati Mesir mutuku arye bobuka yasulum do? Winipsulumba, amutuku mek pia kum ati, nun ap nun mapu ap, nun weilamap ning ap nirya ara, pia dipnamabe. ‘Dadipting’ tenen, boyasulum do?” nyabuka, malye kibuka uanmek.

Yunus 4:3

Nyabukce, ayupu ton dukdongobuka nyabuk. “Na ni Allah, Niniwe mutuku ninye kum opmalama ati, teleb ning ara, wini talak ara, na tonok ara, daopniminba dipnune. Na kanye ara, weik teleb ning ara, dipna teleb bukni, kam una ara, na like. Ati, an Yahweh arye daopnutume,” Yunus birye nyabuk.

Yunus 4:8

Keting akunum panalyayukura, Allah arye kumanya weik, buppu ning dopkwetebukba, keting panalyangan tam arye, weik kumanya welebukce, kumanya dobuka yayuk. Akumanya dobukce, keting tin weik deibuk deice arye, Yunus kisok buppu arye, biribiri abuka, dipmanto ubuk. Awininmok deice arye, el dipmanto ubukce, tonda el kisok nirya, uku dipmanto ubuk. Winibukba, ‘Na kam unye ning ara, kume, dipnune,’ tenebukce, nyabuk. “Weik teleb ning ara, dipnune. Kam una ara, na like,” nyabuk.

Bilangan 11:1

Bisik balamik talak ara, Israel ninye ikin kibuka, kanye imun kanye bobikce, Allah dam malye-malye nyalamikba, anyalamik ning ara, Allah el si Yahweh kekebukce, yu ubukba, uku buk sik kan-kan dopkwetebukba, sik cang kain bol doltakna aik domik ning sirya, talye diamuk dibukce, anyaik dana-dana sirya tam ara, aubuk ning diamuk dibuk.

Bilangan 11:15

Aning ati ara na nio, ikin ninguk arepnuniminyopura, dipkoprob ning ara, na adiparyuk ona telebe. Aning nirya ati tenepnirye, na ikin kanye bobuka, teniltona unulule ati ara, aning ara, kum winipmanto upne. Bukni, ance nati, ‘Telebnye,’ tenepniminyopura, melipnutumba, na ikin weik kum upniliba, na kum dipnamne. Musa birye, Allah ati nyabuk.

Bilangan 11:5

Tonda nyalamik, “Se, Mesir mutuku ulamupu talak ara, mekwen pum bisik ulul ning, mekwen pum ikan weik dobuka dilamupu. Adilamupu ning ara, dekna kum, talye urdemuk dobuka dilamupu. Tonda, sumik ap, tapu duk atonun ning, el si semangka ap, tonda bawang merah ap, bawang putih ap, aning-aning weik dilamupu. Aning ara, pia teleb ati, aning atibuk, pia tuba tenenyabe.

Bilangan 14:1

Kanaan mutuku makameil binamik nang arye, Kanaan mutuku ati, ikin ubuk ati, yanuka nyabikba, Israel kili sal kekebikce, ilil weik ubuk ati, alukunyan ara, Israel ninye nirya arye engebuka, malye nyalamik.

Bilangan 14:22

Ara, ‘Allah arye melipnamsilʼ tenen, kel biknamak’ tenen, Mesir mutuku noutamak ulamik talak ap, mek kum ati ninye kum ulamik mutuku noutamak ap, narye sirya dakne pil ap, ninye winipmanto kum pil dolamse ning ap, na dirina arelamse ning ap, sik asing koproba arye elilamik nang bukni, kum dib tenenyak kili sal nirya ara, wenebuka opnamne. Na mambul ning elilamik bukni, dib kum tenenyak ati ara, anang ara tonok ton kum bataknamne. Sik nirya wenebuka opneba dipnamake. Deiyok ara, sikce nati yanilamnikce, ‘Allah bira dipkoprob mikip weiknye ulul do, dib ulul do, kum do?’ tenen, teniltolamnike. Ila tuba tonap tagu barye (10) kali deice arye yaniplopnikce, winilelamnike ati nyapne.

Bilangan 16:13

Nun Mesir mutuku ulamupu talak ara, pia teleb ning, aning-aning nirya koupneba, pia teleb ubuka papmanto mutuku ulamupu bukni, ance, nun nirya boyanukapsulumce, ateleb mutuku batakuka, boyasulumba, nun nirya aning-aning kum ulye mutuku, pia pata mutuku aboyasulumba, asukum dipnamap do? Aning winipsuluma ara, pia ikin ning, nun nong deice akunum deipsulum bukni, yate deiyok ati, tonap tabakuka, weik ikin ning ton arepnusilam do? Ara, ance, ‘Nara, aninye nirya talenamne,’ teneplumce, nun deice tam kipdamince, nunti, ‘Winipnamlume, winipnamlume,’ nyabuka, malye kilisilyam do? Winipsulumcuk, tonap ikin ning dipnusilama ati, nyapmabe.

Bilangan 16:41

Daunmeka ani, mapmeka berekukopura, asum ara, sik talye daunmek Israel yala ninye nirya arye, Musa ap, Harun ap ati, derenmekce nyanmek yupu ara, ani. “Ance Allah Yahweh, el mapu koproba noutam arye, ninye weik ton, anggunce akunum opmarume,” nyanmek.

Bilangan 17:6

Nyabukopura, ayupu nirya ara, Musa birye, Israel ninye keken dam binuka laka nyabuk. Nyapdeibuk ati, Israel ninye bukni, yala yuk-yuk, deiyok talibuka ulamik nang arye, sik kama yuk-yuk boyanuka, Musa dam arebik. Akama ara obarye, dua belas (12) yanuka arebik. Tonda, Lewi yala nang ati, kama tonok ton deibik bukni, aning ara, Harun el kama kibuka ati, 12 kama adeipmek kan-kanuk, Harun el ning yanuka, tabakuka deibik.

Bilangan 20:2

Ura, Kades mutuku ara, mok pia kum mutuku anya arye, sik mek pia kum ubukba, Israel ninye nirya arye bulubuka, Musa ap, Harun ap dam yayikce, malye kibuka, ‘Anang bitinye ara, nun deiyok nang, tuba kum unamsirake’ tenen, malye yupu nyabuka derebik.

Bilangan 20:3

Sik aninye arye, Musa dam yanuka, nyabik yupu ara, ani. “Omutuku, mek ap, mok ap, kum ati, buppu weik arye, ninye kum ulamik mutuku yangalamupu talak aryuk, Allah el si Yahweh arye, nun nirya wenebuka, omsutuba, diamtibyopura, amutuku pia mek kumak kum yangalamtibye. Nun kanye ara, ‘Teleb ning ara, adiparyuk nun kwit capu nang omuk talak ara, nun babye omsutue.’ Wini talak nun aunmab mutuku ara, pia malye mutuku atia,” nyabuka malye kibuka uanmek.

Bilangan 20:4

“Nunda, Allah el si Yahweh, el ‘Naʼ tenen, ninye unyap bukni, yata ati, ance nun bobuka mok ap, mek ap kum ati, buppu weik arye ninye kum ulamik mutuku boyamasulum do? Winipsulumba, nun ap, nun weinyap ning ap nirya ara, ‘Asukumuk dipnamak’ tenen, pia amalye mutuku boyanmasilam do?

Bilangan 21:5

Winibuka malye kanye bomik talak ara, Allah ap, Musa ap ati, malye nyalamik yupu ara, ani. “Yata ati anggunce, Mesir mutuku arye bobuka, yanamsurum do? Winyamsuruma ara, ‘Ninye ap, mek ap, pia kum mutuku noutamak arye, sik nirya diptinge’ tenen, boyasurum do? Amutuku ara, teleb din ning ara, pia kume. Tonda din mek ara, pia kume. Tonda, Allah arye aresulul din ara, weika arye tuba-tuba dinyaba anya arye, nun like weik usulule,” nyabuka malye nyalamik.

1 Korintus 10:10

Tonda, nun apu yapu arye, Allah ati, malye kanye bobuka, “Elce winipmasil ning ara, nun like. Elda yata ati ikin ning arisulul do?” nyabuka, Allah ati wenebuka derelamikce, elti, winildelamik touk, nunda kum wininamabe. Sikce Allah ati wenebuka winildelamikba, Allah arye, yu ubukba, el im deice melinanye malaikat tonok, el si ara, Ninye Ona Deiyok Malaikat, anye bira dobuka sik kan-kan dopdeibukura, ninye yupa weik oplobuk.

Ulangan 1:27

Anggunce nyamlume, “Kume, nun ni Allah arye nunti, ‘Anang ara, na like,’ tenesulula ati, adeice arye, nunda Mesir mutuku ulamupu ani, boyanamsuke. Winipsuka deiyok ara, elce nun bobuka, omutuku unyak nang, sik Amori yala nang deice deipsukba, wini talak ara, nun nirya opnamsiake. Opsikcopura, sirya daknamsiake,” nyamnulume.

Ulangan 9:23

Aning atonun, Allah arye, ‘Mutuku si Kades-Barnea mutuku batakuka, winiryuk arepnamsin mutuku, binuka unamlume,’ nyapsuk bukni, nyapdeiamsuk yupu nirya ati, anggunce, ‘Nun like,’ tenebuka, tonda, ‘Allah arye melinamsile,’ tenen, dib kum tenelamlumce, el yupu batakuka, pia kum kekelalume.

Ibrani 3:16

Ura, ayupu ton nyapnusine. Arup nyapmasin yupu noutamak ara, kum kekelamikce, ‘Allah nun like,’ tenebuka Allah ati, bataklamik ninye ara, ‘Yata ninye do?’ tenena kume. Sikda, Mesir mutuku noutamak arye batakuka, Musa menekuka balamukba, el urasin tam balamik ninye, Israel yala ninye nirya ati nyapsine. Mesir mutuku arye batakuka, Musa menekuka balamukba, el amenyan tam balamik talak noutamak ara, abalamik ninye ara, Allah ati lik ubukba, elti, yanilamik.

Yudas 1:16

Sik anang ara, lik kanye bobikirye, epra bakirye malye nyabuka yaniltan ninye unyake. Ton anang ara, yuk nang ati dipnilibuka tuba-tuba tilila ati talya kisilinyake. Anang ara, sik kanye talima noutam malye ning patalamlye ninguk tenebuka unyake. ‘Yuk nang arye, sikda teleb nang, tenepnamsiyak’ tenen, sikce, sik badamnye ati erelanyakce kwalin yupu nyalilanyake. Anang ara, dipkoprop yuk nang ati bico tenena kum bukni, ‘Nun patapsilye ning arepnamsiak’ tenen, “Na ka, na ka, anda pia telebnye,” nyabuka talye pil ilitakanyake.