Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Bilangan 12:5 - Eipomek

5 Nyabukura, biyik talak ara, Allah el si Yahweh adiparyuk, dua kan-kan arye kouluka, el ap elan aik bublan dam yanuka tikukce, Miryam ap, Harun ap ati, ‘Asukum yarurume,’ nyabukba, sik bitinye el dam birik.

အခန်းကိုကြည့်ပါ။ ကော်ပီ




Bilangan 12:5
6 ပူးပေါင်းရင်းမြစ်များ  

Ara, Mesir mutuku noutam arye, lobuka lyepdopsukce, pia pata mutuku noutam balamupu talak ara, weik dua noutam arye, Allah arye, “Wininamlume. Abisikuk banamlume,” nyabuka melilamsuke. Tonda, Allah arye, “Aning winina ara, telebe uka. Aning winina ara, meme,” nyabuka, keil pala deice sekuka, areamsuk yupu babye, sikce aninguk talibuka ulamik.


Anyalbiyuk talak ara, Allah el si Yahweh arye tamubuka Musa biti nyabuk. “Na, an dam yanamna ara, weik dua kan-kan yanamne. Dua noutamak yanirye, anti yupu nyapkiniba, Israel ninye nirya babye kekenamniyake. Wininamna deiyok ara, wini talak ara, na yupu an dam nyapkiniba, Israel ninye nirya eibikirye kekebikcopura, anti, ‘E Musa bira, Allah el pil dolinye’ tenen, diba tenebuka kekenamkiyake,” nyabuk. Nyabukura, Musa birye sik Israel ninye arye nyapmik yupu, Yahweh ati laka nyabuk.


Sinai mutuku welebukopura, Allah dua kan-kan koulukukce, Musa tikmokak yayukce, “Na si ara, Yahweh unune,” nyabuka, Musa biti yanuka nyabuk.


Ati ara, atalak Israel ninye balsusulamik talak nirya ara, keting noutam talak ara, Allah arye weik dua arebukba, anyaik deice tam tikamuk. Tonda, lukunyan noutamak ara, adua noutamak arye, weik uku buk dilamukce, dirina weik ulamuk. Aning nirya tuba ulamukba, Israel ninye nirya arye elilamik.


Winibik talak ara, Allah el si Yahweh arye, weik dua noutamak arye kouluka yayukba, Musa ap yupu talipdik. Yupu akunum talipdikopura, Allah el mikip, Musa deice deiamuka ning atonun ton dobukabukce, Israel ninye sik deiyok nang, yupa bitinye keba nakub dikin (70) nang ati ton arebuk. Arebukopura, atalak ara, sik adeiyok nang nirya arye, Allah arye sikti, nyabuk yupu kekebikce, atalak aryuk el yupu lakak nyana nang, nabi nang nyalamak atonun, kibuka nyabik. Bukni, yuk talak ton aning ila tuba tonap, ayupu atonun kum nyalamik. Asum dem, ayupu nyabik.


Sik Miryam ap, Harun ap arye, malye yupu Musa biti nyapdayika ati, atalak aryuk, Allah el si Yahweh arye, sik awinilye nang ati nyabuk. “Harun ap, Miryam ap, Musa ap, anggun winilye nang ara, adiparyuk Israel ninye, sik weken aik baju bol doltakna aik dam arye batakuka, na si eren ati doltakna aik dam buru tam yanululume. Ara, ninye ap, na Allah ap, ansinilin aik dam, bai tam yanululume,” nyabuk. Nyabukura, sik nirya anyaik dam biyik.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ