Bilangan 11:7 - Eipomek

⁷ Mana kwaning, el nong ara, mitik duk-duka ning, tonda el urasin ara, yo pia babye, mitik tonunuk ubuk.

Bilangan 11:7 ပူးပေါင်းရင်းမြစ်များ

Kejadian 2:12

(Amutuku emas ara, pia teleb ning ulule. Tonda dekna weik ning, nintong teleb cang yo ap, dekna weik mil ulamle keil, el si ara, dangman keil urasin atonun ning ap ubukce, tuba ulule.)

Keluaran 16:23

Ati ara, nakub sum arye, Musa birye sik aninye ati nyabuk. “Aning ara, Allah el si Yahweh arye nyapdeipmasile. Ambusum tekbarye sum ara, pil aning-aning nirya kum dopnamalume. Ambusum ara yuk wibuka, dikdik sena sum upnamasile. Ara, Allah el si Yahweh, el si erena sum ati, wibuka kintinip deipmunce diksukumuk unamlume. Arup ara, Yahweh el si kina ati, kintinilinamlulume. Ambusum, tekbarye sum pil kum dopnamluma anya arye, arup ara anggunce, ‘Akwaneng dabuka dipnaman,’ tenepmunyopura, teleb uka. ‘Arup arye mek buppu din ning yupnuyap,’ tenepmunyopura, ara teleb uka. Akunum mapmamunya ani, kwal tuba deipmamunyopura, ambusum beren tam dina teleb uka,” Musa birye nyabuk.

Keluaran 16:31

Allah arye kwaning ara, yo kita atonun ning arebukba, sik Israel ninye arye ‘Aning el si ara manna ulule’ nyalamik. Akurun ning ara, tomat duk atonun pia mitik ubuk. Tonda, mong mek dibikiba, to nyalamle touk ning ubuk.

Bilangan 11:8

Aning ara, lukunyan dekne duk-duka purwu mok celamle atonun, kibuka saklamuk. Winipmanak, Israel ninye beren tam koproba arye binuka, dobuka yanopura, kat ning deice arye, ateikne ning arye, teikinmana ani, mitik kibuka, sice buknopura, makau bisik yulamik. Winipmana ani, akunum opnopura, doropnarye, roti kwaning kipnura, bum teleb uka dilamik. Mana kwaning el to ara, mitik anun, zaitun duk teiknarye, aminyak goreng atonun ap, yubuka dilamak touk, ubukba dilamik.

Wahyu 2:17

“Aning ati ara, anggun amul aupsililiba, ‘Ayupu deiyok ani’ tenen, kekepmanto ululum ninye nirya ara, Allah El Dib Kanye arye, Allah diba tenenyak ninye nirya ati nyalul yupu ara, moubuka kekenamlulume. Malye winin ning nirya ati, ‘Nun like’ tenebikirye, malye kilamice ninye nirya ati ara, narye duknyamse kwaning, el si ara manna, bokuka arenamsine. Tonda anggun winiryuk si ati, tenebuka wipnirye, silye keil kurun ning deice seknyopura, aninye ati arepnamsine. Anggun winiryuk si ara, yuk ninye kum kel biknamake. Doprobica ninye aryuk, sik bidamang siuk kel biknamake. Ayupu nirya ara, Pergamus mutuku unyak diba tenena ninye ati nyapnamlyame,” nyapnuke. Ninye Mi Koprop Atonunye arye, na Yohanes ati nyapnuke.