Bilangan 1:30 - Eipomek

³⁰ Tonda, Sebulon birye deibukba, dadeipdanin yangalamik nang, sik yala nang, sik mapu aulamik noutam arye mapu, sik keting tamun akunum dua puluh tahun arye dipdongobuka, itam kipne nang ara, sik yin talipmanto nang ulamika ati, sik anang ara, sik yala aulamik touk, sik si yuk-yuk nirya si sekik.

Bilangan 1:30 ပူးပေါင်းရင်းမြစ်များ

Kejadian 30:20

Elce tekbarye deibuk sal mi, el si ara, ‘Zebulon,’ nyabuka sisibuk. Ton nyabuk. “Allah arye meliamnukba, na akanye biti, teleb ning arenune anya arye, winira elce nati kibuka kanye deipnamnile. Narye el mapu nakub barye akunum deipse atia,” nyabuk.

Kejadian 46:14

Tonda Yakub birye deiamuk mi Zebulon ap, elce deiamuk mapu Sered ap, Elon ap, Jalel ap biyik.

Kejadian 49:13

Zebulon, an yala ninye ara, weik laut mekwen kup-kup binuka unamake. Weik mok piripna doplye talak ara, laut mekwen deice balamle mek lia yo ara, ‘Piripna arye opsilyak’ tenen, sik unamak mutuku wekelbikirye, tia ati yanuka unamake. Sik unamak mutuku sirya ara, Sidon mutuku dam anyapce sekropnamle.

Bilangan 1:29

Isakar yalanye birye deibukba, dadeipdanin yangalamik nang si ara, yupa pia weik, lima puluh empat ribu, empat ratus (54.400) nang, sik si nukuka sekik.

Bilangan 1:31

Sebulon yalanye birye deibukba, dadeipdanin yangalamik nang si ara, yupa pia weik, lima puluh tujuh ribu, empat ratus (57.400) nang, sik si nukuka sekik.