Bilangan 1:26 - Eipomek

²⁶ Tonda, Yehuda birye deibukba, dadeipdanin yangalamik nang, ayala nang, sik mapu aulamik noutam arye mapu, sik keting tamun akunum dua puluh (20) tahun eitam kipne nang ara, sik yin talipmanto nang ulamika ati, sik anang ara, sik yala aulamik touk, sik si yuk-yuk nirya sekik.

Bilangan 1:26 ပူးပေါင်းရင်းမြစ်များ

Kejadian 29:35

Aminyan talak, Lea birye, ton mi bomuka ani, sal mi tonok ton deibukce, el si ara, ‘Yehuda,’ nyabuk. Nyabukce, “Wini talak ara, Allah el si Yahweh ati, el si erepnamne,” nyabuk.

Kejadian 46:12

Tonda, Yakub birye deiamuk mi Yehuda ap, elce deiamuk mapu sik si ara, Sela ap, Peres ap, Sera ap, tonda Peres birye deiamuk mapu, Hesron ap, Hamul ap biyik. (Yehuda birye, el mapu bitinye ton, sik si ara Era ap, Onan ap deiamuk bukni, amapu ara, min arye Kanaan mutuku noutamak akunum dipdika anya arye, sikda Mesir mutuku kum neika kum biyik.)

2 Samuel 24:9

Winibikopura, amutuku-amutuku noutam balamik talak, ninye nukuka, si seklamik ning nirya ara, sik deiyoknye Raja Daud, el dam laka nyalbiyik. Sik Israel yala nang, yin nang kipmanto nang yupa ara, pia weik delapan ratus ribu (800.000) nang ulamik. Tonda, Yehuda tam ulamik nang ara, yin nang kipmanto nang, sik yupa ara, pia weik, lima ratus ribu (500.000) nang ulamikbuk, nukikce, aning nirya, laka nyabuka nyalbiyikura, Raja Daud birye kekebuk.

Mazmur 78:68

Allah arye, Efraim yala nang ulamik mutuku kum wibuk bukni, sik batakuka, Israel mutuku iknapnye tam ulamik nanguk, sik ulamik mutuku wibuk. Ara, Yehuda birye deiamukba, sikce dadeipdanin yangalamik nang arye ulamik mutuku ara, ‘Na si eren aik ara, sik mutuku uk dopnamne,’ tenebuka ati, sik mutuku wibuka erepdeibuk. Allah arye amutuku wibuka deiyok ara, Sion mutuku awamuka ati, Allah arye amutuku ati, kanye deiamuka ani, ‘Na si eren aik ara, asukumuk aunamle’ tenen, amutuku wibuka erepdeibuk.

Bilangan 1:25

Gad yalanye birye deibukba, dukdongobuka deiamik nang si ara, yupa pia weik, empat puluh lima ribu, enam ratus lima puluh (45.650) nang, sik si nukuka sekik.

Bilangan 1:27

Yehuda yalanye birye deibukba, elce dukdongobuka, deiamik nang si ara, yupa pia weik, tujuhpuluh empat ribu, enam ratus (74.600) nang, sik si nukuka sekik.

Matius 1:2

Abraham el mi ara, Isak. Isak el mi ara, Yakup. Yakup el mapu ara, Yehuda ap, el du yapu ap, deiyamuk.