Bilangan 1:18 - Eipomek

¹⁸ Sik anang arye, ninye obarye wipdeiprikura, sik anang ara, Israel ninye deiyok nang unamik ati, anang arye, Musa ap, Harun ap ati, melibuka si sekik. Ara, Israel yala ninye, sik nirya ati nyabik, “Wala bitinye kibuka, tanggal tonok kiplye sum ara, nirya bulupmunce, sik si nirya seknamlulume,” nyabik. “Ara, sik deipdanin yangalamik nang nirya, sik mutuku yuk-yuk ulamik touk, sik si babye, yuk-yuk si seknamlume,” nyaprik. Tonda, sal dem, keting tamun dua puluh (20) tahun arye dipdongobuka, eitam akunum kiamuk nanguk, sik si yuk-yuk sekuka nukik.

Bilangan 1:18 ပူးပေါင်းရင်းမြစ်များ

Esra 2:59

Ara, yuk nang ara, Tel-Mela mutuku ap, Tel-Harsa mutuku ap, Kerub mutuku ap, Adan mutuku ap, Imer mutuku ap, sik amutuku-amutuku nang ton tamubuka Yehuda tam yayik. Sik ayayik nang nirya ara, ‘Nun apu yapu ara, dipkoprob Israel yala nang ulamika ati, sikce deiamsika ati, nun babye Israel yala nang unyabe,’ nyabik bukni, Israel yala nang arye deipkirikdanin yangalamik nang, sik si nirya seklamik buku noutam ara, ayala nang ton, sik si kum sekik. Sik apu yapu ap, sik yala si ap ara, kum sekika ati, moubuka laka nyapmanto kum ubik.

Nehemia 7:61

Aning atonun, Tel-Mela mutuku ap, Tel-Harsa mutuku ap, Kerub mutuku ap, Adon mutuku ap, Imer mutuku ap arye yayik ninye yupa ara, 642 ninye Yerusalem mutuku tamubuka yayik. Yayik bukni, sik ni yapu arye deiamik mutuku, lak len surat kum uamukba, sikce, “Nun ni yapu ara dipkoprob Israel ninye ulamik,” nyabuka, lak nyapmanto kum ulamik.

Keluaran 6:14

Israel nang sik punun nang si ara ani. Min ara, na Musa ap, Harun ap, nun apu yapu asukum sekne. Ara, Yakub birye deibuk mapu dumbarye ara ani. Yakub birye min deiamuknye bira, Ruben. Ruben birye deibuk nang ara, Henok ap, Palu ap, Hesron ap, Karmi ap, deibuk. Anang ara, Ruben yala nang, sik apu yapu ulamik.

Bilangan 1:1

Ura, Israel ninye Mesir mutuku noutam daulamika ani, amutuku batakuka, ninye pia kum ulamik mutuku, Sinai mutuku noutam arye, keting tamun bitinye deice arye balamika ani, wala bitinye kibukce, tanggal tonok akunum kibukura, Allah si Yahweh arye, Musa dam yanuka nyabuk. Ara, pata mutuku si ara, Sinai mutuku noutam, Allah ap, ninye ap, elana ati, kambing bol arye dolamik tenda aik pum tam, Allah arye, Musa biti yanuka, nyabuk yupu ara, ani.

Bilangan 1:17

Israel yala ninye noutam arye, yala obarye (12) ulamik touk, anoutam Allah arye, “Deiyok nang kipnamaka ati, yala yuk-yuk wipdeipnamlume,” nyabuk touk, sik bitinye arye wipdiprik.

Ibrani 7:3

Tonda, Melkisedek bira, el li ap, el lin ap, el yala nang ap, elce deibukba, dadeipdanin balamik ninye ap nirya ara, kel kum biklamike. Tonda, sikce el deibik talak ap, el dibuk talak ap ara, kel kum biklamik. Aning ati ara, Allah el Mi Kopropa arye ninye ap, Allah ap dana-dana Ansinilina Deiyoknye pia unamle touk, el Melkisedek babye, atonun ansinilina deiyoknye pia unamle.

Ibrani 7:6

Lewi yala nang arye nyanyakba, sepuluh persen (10%) bokuka dolonyaka ara, kel bikupu bukni, anyapmasin anye Melkisedek bira, el apu kopropa ara, Lewi kume. El apu kopropa, Lewi kum ulamuka babye, Abraham arye el doprobuk ning bokuka Melkisedek kina ati, sepuluh persen (10%) aribukba, Melkisedek arye doprobuk. Allah arye, “Teleb ulinamkine,” nyabuka, nyalilamuknye, Abraham ati, Melkisedek arye aning doprobukce, teleb yupu nyapdeibukce, teleb kipdeibuk.