Ayub 9:9 - Eipomek

⁹ Yatanye biryuk, ‘Im tam bukni, tiklamle kurya nirya ara, ‘Dapu tam (arah utara) tiknamleʼ tenen, kurya kong el si ara, ‘Bidukʼ ap, tonda im noutam kwepdeibuk kurya el si ara, ‘Belantikʼ ap, kwepdeiptu do? Aning atonun, im noutam bukni, iknapye tam, kurya kong, el si ara, ‘Kartika ap,’ nyabuka, si dobukce kwepdeibuknye bira, yatanye birye do? Aning nirya ara, Allah elcuka!

Ayub 9:9 ပူးပေါင်းရင်းမြစ်များ

Kejadian 1:16

Atalak ara, Allah arye, dirina weik ning bitinye kwepdeibuk. Weik ning ara, ‘Keting noutam tiknamle’ tenen, keting kwepdeibuk bukni, mitik ning ara, ‘Lukunyan noutam tiknamle’ tenen, wala kwepdeibuk. Tonda, atalak anyuk, kurya ton kwepdeibuk.

Ayub 37:9

Iknapye mutuku tam arye, weik kumanya kutuka tikilyangalule. Tonda, outam dabu tam mutuku arye, pia moul un kumanya doplyeba, yangalule.

Mazmur 104:13

Tonda, im deice mutuku arye mutuku dam mok dolkwetelyame. Winipmince, tukwak mutuku nirya ara, ance kwepdeipnulum ning, aning-aning weik betekuka, telebuk palule.

Mazmur 104:3

Tonda an ulyamak, im deice ara, ninye arye, weik cang aik alip tam dobuka, welebalamak tonun, ance an ulyamak nirya, im deice dipdongobuka doplume. An aik nirya ara, im noutamak ap, tukwak mutuku ap, ulamle mek nirya, outam aulyeba, ance doplum asik ara, aning nirya deice tam, im deice arye doplume. Winipmanto ara, ance tukwak mutuku yangnaminye talak ara, an bisik ara, dua deice atikmince, banuminnye talak ara, dua deice bukminba, kum arye bobuka bakulule. Dua ap, kum ap ara, an amu tam ulirye, ance, ‘Winipnamle,’ tenepminye touk, an piluk dolule.

Mazmur 147:4

Allah ara, mikip weiknye ulula ati, im deice ulye kurya nirya ara, elcuk nuklirye, akurya nirya tiklamle. Tonda, Allah arye akurya nirya akunum deiplyeura, sik yuk-yuk bukni, sik si nirya dolule.

Amos 5:8

Nara Allah, na si Yahweh unune. Na aryuk kurya im deice tiklamle ning ara, kwepdeipse. Ara, kurya nirya ap, tonda ninye weik bikamik kurya si ara, Kartika ap, Belantik ap ara, naryuk kwepdeipse. Atonun, na Allah aryuk lukunyan noutam kuna ara, tonap tuba tamubuka dirina kilinune. Tonda, keting noutam arye tamubuka lukunyan kilinune. Tonda, weik laut mekwen deipse noutam arye, mek weik dopropnirye, dou tam kipdeipniba, mok cepliba, tuku deice mok ceplirye, mek sakalule. Aning-aning nirya winilulnye bira, na uka. Na si ara, Allah Yahweh, naryuk wininune.

Rasul 28:13

Atalak akunum ubukopura, Sirakusa mutuku arye kapal tamubuka welebuburye, mekwen deice banmapu ni, Erekium mutuku beipu. Biburye mapmapua berekukopura, utam arye kumanya mikip anyapce welebukura, tuba tamubuka mekwen deice banmapu ani, mekwen deiceuk mapmapua, berekukopura, tuba tamubuka banmapu ani, Putioli mutuku beipu. Biburye kapal adeibikopura, tuku tam sakupe.