Ayub 9:22 - Eipomek

²² Na kanye ara, teleb diksukumuk wininyak nang babye, malye wininyak nang babye, atonun unyake. Ara, sirya talak ara, sik nirya ara, atonun unamake. Ara, Allah arye, ‘Sik teleb unyak nang babye, malye unyak nang nirya babye, wenepniba, dadipnamake,’ akunum tenepsuka ati, sirya talak ara, nun nirya ara, dibinauk upnamabe.

Ayub 9:22 ပူးပေါင်းရင်းမြစ်များ

Ayub 10:3

Tonda, asipdeikene. An taruk arye, na kwepdeipnuluma ati, ance na deice, ikin ning deibuka darapdongopnilyame. Tonda, an taruk deice aryuk, talibuka dominye bira, ‘El nong deice ara, pia ikin ning tuba delinamne,’ tenelyamce, kanye delilyam do? Aning kumopura, sik malye unyak nang arye, ‘Malye un ning ara, wininamabe,’ tenenyak ning ati, ance melipmimba, sikce amalye un ning ara, talye luparabuka winipnin banamak do? Na dam tuba malye kilininyake.

Ayub 10:7

Dipkoprob anda akunum kel bikamnulume. Nara, namin arye unirye, malye winin ning ton, pia kum wininune. Malye winina kumce, nara diksukumuk ununa ara, an kele. Bukni, Allah ance, ‘Anye talipnirye, wenebuka opnamne,’ tenepniminyopura, yata tonye birye, yupu sekturye, nati melibuka lyepnutu do? Kume, kum ulule.

Ayub 10:8

Diba na ni Allah, an taruk deice aryuk kwepdeiamnulum bukni, wini talak ara, ancuk tamubuka na dam yamince, nati obuka, sirya dakanamnilyame.

Ayub 30:23

Na kele. Ance na bobinuka dibin nang unyakak bobinamnilama atia. Kam unyak nang nirya dibikceba, ance bobinuka deililbalyamak uk, na babye bobinamnilame.

Ayub 34:9

Aning ara talye kum nyapsine. Nun kele, Ayub elce ayupu ton nyapsukba, kekebupu. Elda, “Ninye arye pi dobuka, ‘Allah el tenelul touk winiptinye, tenelulnye bira, talye ati winiptinye,’ tenelula. Allah ati kanye deiptibye babye, aning ara nong kum upnamle ning uka,” nyapsuke. Nun kwit Ayub birye, ayupu akunum nyapsukba, kekebupu.

Yehezkiel 21:9

Anda ninye arye deipkiknye ulyame. Dotalak upnamle ning ati, ance sik Israel nang dam laka nyapnulyame. Anyapnalam yupu ara, atia. Ayupu ara, na Allah arye nyapsine. Anggun nirya dipdelulume! Ninye on ya akunum kintineipne. Acang parang ya ara, el si akunum ketebuka kintinip deipse. ‘El urasin tam yu upnamle’ tenen, akunum kekepse.