Ayub 9:11 - Eipomek

¹¹ Allah arye, na Ayub urasin dam yanukba, narye el nong ap, urasin ap ara pia kum eipse. Aning atonun, elda, na dam yalirye, otam banmaliba, narye el ton eibuka kum bikse.

Ayub 9:11 ပူးပေါင်းရင်းမြစ်များ

Ayub 35:14

Ati ara, Ayub ance mania kanye bobuka, pia talye-talye yupu nyaminya deice arye, “Allah ara kum elinune. Na dam yanuka kum melinulule. Tonda, nara ikin weik ununa ati, ‘Allah arye, dan talak aning nirya eibuka, na melibuka lyana ati, na dam yanuka melipnamnil do?’ tenen, tuba-tuba dinauk unune. Tonda, dan talak, Allah arye na dam yanuka, diksukum ubuka, yupu bokeipnilirye, tonap teleb kilinamnil do?” nyabuka, malye nyalyame. Ati moubuka tenipnulyame. Sik talima erepdakirye, maknya kintinibuka wininyak nang arye, Allah ati morotinga babye, sik malye un ning ati kum kekelule. Sikda mitikto malye wininyake. Bukni, ance pia malye yupu nyalyama ati, anda malye weik winilyame.'’ Ati, ance Allah ati pia talye-talye yupu ara, tuba-tuba nyalyam bukni, dipkoprob Allah arye, pia kum kekenamkile.

Mazmur 77:19

Mikip weik kum yayukce, kumanya weik dobukba, amutuku palamuk ning nirya, lokuka pounmokce, bebeya lakuka piripna dobuka, amutuku nirya dirina weik ubukce, weik liman lebuka, lelim ton nyabuk. Aning nirya winibuka ati, atalak ara tukwak mutuku sirya, im nirya ara, lulukuka, long-long abukba, lulukunmok.

1 Timotius 6:16

El tonok ara, kum diptue, pia kamuk unamle. El ulya ara, ninye tukwak ninye kum binmanto ak, weik dirina noutam ulule. Yata mutuku ninye do nirya, el nong pia kum elilamik, tonda, pia kum eiptinge. Na Paulus arye nyapmakine. Na pia patanulul ning ara, ninye mutuku-mutuku nirya, el siuk pia erenamake. Tonda, el weik mikip arye aning-aning nirya ap, ninye nirya ap, talibuka unamle. ‘Aning ara, dipkoprop upnamle’ tenen, Amin nyapne. Na Paulus arye sekeibkine.