Ayub 8:18 - Eipomek

¹⁸ Bukni, ninye arye kwaning wa wibuka kouamikca ani, el deiyok nirya, talibuka winiplopminba, kum daliba, aminyan talak ara, ayating pia kum elinyap touk, Allah ati diba tenena kumnye biti, Allah arye, “Anda, na pia walwale,” nyabuka, wenebuka oplirye, pia bataknamle. Anye bira, pia kum daliba, tonap pia kum elinamabe. Winiplyeba, anye bira amutuku noutam ara, tuba kum unamle.

Ayub 8:18 ပူးပေါင်းရင်းမြစ်များ

Ayub 20:7

Wininyak bukni, dipkoprob anang ara, Allah arye pia kum kipdeipnamle. Ara, sikcuk, ‘Aning ara, pia malye ning ati, bai tam donokiceba lyuplirye, minopce kum danalamle touk, akwalinyak nang babye, minopce kum danamake. Tukwak mutuku noutam unyakce, pia malye wininyaka ati, mutuku-mutuku nirya noutamak ara, anang pia kum danalamyake. Winibikceba, sikda akunum bikamikce nang arye, nyabuka asipdenamake. “Se, sik mambul weik nang ara, dan mutuku biyik do?” nyabuka asipdenamake.

Ayub 20:9

Yuk nang arye, amalye unyak nang elilamik bukni, kum winibikcopura, yuk nang nirya arye, sik asing arye tonap pia kum elinamake. Sik anang ulamika ara, pia tonap kum unamaka ati, anang arye, ton kum elinamake.

Ayub 7:10

Adibikiba akunum tuku palibikce nang ara, sik min arye ulamik aik dam, tamubuka kum yanmanto unyake. Tonda, sikce ulamik mutuku ap, pil dolamikak ap, sik dam ulamik nang dam ara, tamubuka pia kum yanamake. Ara, kum winipmanto atia.

Ayub 7:8

Anggunce, atalak ara, natibuk akunum elinamnulum bukni, like mitik tonun ton, akunum upliba, anggunce pia kum elinamnulume. Atalakuk tuba elinmalum talak ara, talye kanye arye dipnamna ati, anggunce nati eipnamnulum bukni, akunum dipnyopura, kum eipnamnulume.

Ayub 8:17

Akwaning yating ara, keil bukamlya amu tam wekelbalule. Tonda atuku ap, akeil ap deice ara, ayating banmalirye, tuba palule.

Mazmur 103:16

Mutmuta kita oplirye, aupmale bukni, bupu kumanya mikip arye, bai tam yo kita deice pu aplyeba, adip aryuk sesal sebuka kum daliba, amutuku ninye arye, akita ning ara, tonap kum elilamak touk, ninye tukwak nang babye, akunum dipbikce ura, akunuma. Yuk nang arye aninye tonap pia kum elinyake. Dibipyopura, yuk ninye minopce lubakisinyake. Dortalak yanamle keting tamun noutamak ara, yuk nang arye, “Anye bira, asukum ulamuk,” nyabuka, laka kum nyaptinge.

Mazmur 37:10

Ati ara, tenipnamlulume. Sik malye winin ninguk, talibuka wininyak ninye ara, Allah arye kum kipdeipliba, epdenamap bukni, ton kum eipnamabe. Like mitik tonun ton, daulamepya ani, Allah tenebuk talak akunum uplyopura, amalye winin ninye nirya, kum daneipnamle.

Mazmur 37:36

Bukni, el amalye ninguk, talibuka winilamuknye, minopce dibukba, el aik dam ton binuka epdese bukni, amalinye ton, pia kum ulamuka anya arye, kum eipse. ‘Anye bira, tuba kam ulul do, kum do?’ tenen, el anye biti epdese bukni, ton kum epdanumu. Elda akunum dibukba, kum ubuka atia. Ati, ‘Se, sik malye wininyak ninye ara, pia aunamake,’ tenena meme.

Mazmur 92:7

Ance tenelyam ning nirya ara, sik walwal nang arye, aning ara anye tenebuka, pia kum biktinge. Diba, sik walwal nang ara, ance winilyam ning nirya ara, ‘Allah arye pil dolul deiyok ning ara, ani’ tenen, pia kum biktinge.