Ayub 8:14 - Eipomek

¹⁴ Sik anang ara, ‘Allah elda daupye. El yupu pia kum kekenamabe,’ tenenyak nang nirya ara, minop adiparyuk kum danamake. Sikce, ‘Aning-aning winipnamabe,’ tenelamik ning ap, sikce, ‘Aninguk diba tenenyabe,’ tenebikirye, sik kanye atalye ning deice delinyak ning nirya ap, adiparyuk kum danamlarya. Winipmanto ara, dudukai aik dolamle tapu, pia mitang tapu ap, tonda dudukai arye dolamle aik ara, minop kum danalamle touk, sik anang babye, kume kum danamake. Ara, anang arye, talye-talye ning ati, diba tenebikirye, ‘Ara nun daralan ning aululeʼ tenen, aning deiceuk, barilbanyak bukni, aning ara minopce, kum danin balamle.

Ayub 8:14 ပူးပေါင်းရင်းမြစ်များ

Amsal 11:7

Pia malye ninguk talibuka, unyak ninye diamice talak ara, sik kam ulamice talak noutamak arye, ‘Aning wininamabe, ateleb ning talinamabe,’ tenelamice ning nirya ara, kum danamle. Atonun, amalye wininyak nang arye, ‘Nuncuk mikip kipdabirye, mikip weik ninye akunum ubibyopura, aning-aning nirya talibibirye, pia weik mambul nang unamabe,’ tenenyake. Winibuka tenenyak bukni, dibice talak ara, sikce, ‘Wininamabe,’ tenelamice ning nirya babye, nong ton kum upnamle. Anang ap, sik ning ap, talye diamuk upnamle.

Amos 6:13

Se, anggun Israel yala ninye ara, deiyok ton kum upmalibuk, teleb kanye bobuka umunce, kanye teleb mot selulume. Tonda, anggunce, “Kume nun mikip aniryuk, mambul mutuku ap, mikip ninye ap, obuka sirya dakupurye, dalubuka doprobupu,” nyabuka, talima erebuka kwalilulume. Aning nirya nyalulum bukni, talye yupu uk nyalulume. Allah arye nyapdeibukba, Amos birye kekebuka sekuk.