Ayub 7:3 - Eipomek

³ Aning atonun, na babye unune. Ara, Allah el kanye aryuk, ikin ning arepmanile. Ara, awala-awala nirya, na kam unun talak ara, deiyok ton kumce talyeuk unune. ‘Aning-aning nirya kum winiptinye ati, yata wiripnamne do?’ teninauk unune. Tonda aning atonun, alukunyan-alukunyan nirya, kanye imun uk dinilyeba, nara kanye imun kanye bobuka, ‘Se yata wiriptibye do?’ engenauk unune. Aning nirya ara, Allah arye arepnuka atia.

Ayub 7:3 ပူးပေါင်းရင်းမြစ်များ

Ayub 16:7

“Bukni wini talak ara, Allah elce na deice ikin weik tonun akunum deipnuba, na nong ara, pia namin upnuka ati, pia kum winipmanto unune. Aninguk kum bukni, Allah arye na mapu silip nirya ara, akunum obuka, kum kipdeipnuke.

Ayub 23:14

Aning atonun ton, Allah arye nati, ‘Anye biti aning winipnamne. Narye melipnyeba, anye birye wininamleʼ tenen, akunum kintinipnuk ning ara, dipkoprob aninguk, elce na deice wininulule. Aninguk kum bukni, Allah elce na deice ati, ‘Aning winiptinye, aning winipnamne,’ tenelul ning ara, pia weik ulule.

Ayub 29:2

Se, ‘Min talak na kam ulamse touk, tonap aning atonun, teleb kibuka kam uptinyeʼ tenen, patapnile. Atalak ara, ‘Allah elce nati, melibuka kaliklamnukba, el amu tam ulamse atonun, tuba tonap winiptinye,’ tenenune.

Ayub 7:2

Yo bok deice arye dekuka deiamikiba, ikin piluk talye dolamikce nang arye, mitang ubikiba, ‘Se, beren tam talak yakcopura, apil bataktibirye, tamubuka aikuk bitibyeʼ tenen, weik tonun patalamle touk unyabe. Tonda, ikin pil donyak nang arye, sik deiyok nang ati, ‘Nun pil akunum dopmaba ati, nun yo bok bokuka delilamak nang arye, nun yo bok areptingba, teleb uptibye. ‘Nun pil donmap ning ara, arepnusiakca!’ tenelamak touk unyabe.

Mazmur 39:5

Ara, ‘Se, na ni Allah Yahweh, yata talak ton kam unamne do? Na kam unamna talakk ara, ouku weik tonun ton, lo unamne do, mitik tonunuk do? Bukni, nun tukwak nang ara, keting tamun mitik tonun dem kam unyaba ati, ance aning lake nyapniminba, moubuka biknirye, telebuk wininamne.

Mazmur 6:6

“Wini talak lyepnilyame,” nyabuka moropmakina deiyok ara, ani. Nun tukwak nang akunum dibipyopura, aminyan talak tonap nunce anti, pia kum tenenamkiaba ati, nyapne. Diba, ninye akunum diamik nang, tuku pum tam weiamikiba, unyakak ara, yupu nyana kumce, pia tunim abuka unyaka ati, an si tonap kum erepkitinge.

Mazmur 6:7

Wini talak ara, narye, “Se, yata uptinye do?” nyabuka, malye nyanmana deice arye, mitang unulule. Wininirye, na lik unulule. Lukunyan noutam nirya ara, pia engeniba, na asi maka saknilyopura, na amsuna deice saklirye, moul ulirye tulule. Diba, na pia engenuna deice arye, na asing maka sakniliba, na manun amsuna deice ara, pia moul ulirye tulule.

Penghotbah 1:14

Narye nun tukwak mutuku ninye, yala nirya unyap nang ara, pia moubuka elinune. Na kanye ara, nunce awininyab ning nirya ara, dipkoprob talye ati buk wininyabe. Ara winipmanto ara, kumanya pu abuka baliba, ninye arye, ‘Akumanya pu alamle ning taleptibye’ tenen, bikbik abuka ayanmana, obinmana kibuka pirilamaka atonun unyabe. Deiyok kum buk, talye ati unyabe.