Ayub 6:5 - Eipomek

⁵ Anggun ton tenipdelulume! Keledai basam ara, bita winiryuk nepnin balirye, din uniryuk teleb ning dobuka, arebikiba diplyopura, bouplirye kanye deibuka ulul do? Malye kanye bobuka ulul do? Aning atonun, sapi basam babye, el din ati, mutmuta weik tonun sekikirye, boyanuka arebikceba, diplirye akunum bouplyopura, asapi basam arye, malye nyalul do? Kanye deibuka, tunim abuka ulul do? Aning atonun ton, anggunce teleb yupu nyapnutumce, na talima kwa dipmanutum toura, narye ikin kanye bobuka, ‘Seʼ tenen, malye kum nyaptinye.

Ayub 6:5 ပူးပေါင်းရင်းမြစ်များ

Kejadian 24:25

Nyabukce, ayupu ton dukdongobuka nyabuk. “Na ni el aik ara, lo aupmala anya arye, anda el aik malbana telebe. Tonda, an unta basam kirikmantoak ap, sik din ning ap, weik aupmala anya arye, aning babye teleb uka,” nyabuk.

Ayub 39:5

Yatanye birye, bai tam keledai basam ara, kwepdeibuka deibukba, bai tam mutuku ulul do? Tonda, ninye arye, sik weinyak ning ati, ‘Talye luba kibuka, bai tam unamak’ tenen, kam ning kirikildongon tapu lopdongobikiba, talyeuk balamak touk, yatanye birye, bai tam ulul keledai basam, kwepdeibuka deiamukba, bai tam talye daunyak do?

Ayub 39:8

Tonda mutuku-mutuku nirya, mutmuta el dina ati, epra banmalya ani, el dina mutmuta imbik ning ulamlyakuk, eiplirye yangalule. El yuk teneplye touk, talye lukparabuka balule. Ayub, anda, aning kwepdeibuka deiamuka deiyoknye, kel bikaminyopura, nyapnamanilyame.

Ayub 6:6

Aning atonun ton, mitang uptu din ning ara, garam kum tabakuka dongobikcopura, yatanye birye adin ning pataptuba, weik tonun dipturye, kanye deiptu do? Tonda aning atonun, yatanye birye, kurun ayam kurun dukuk diptuba, to nyaptu do? Kume, aning ton kum winipmanto. Aning atonun ton, anggunce nyapmanulum yupu kekepmanu bukni, ayupu nirya ara, na talima kum melipnuka ati, na talima kum kwa dipnuluma ati, malye nyabuka, tuba engenmane.

Mazmur 104:14

Ninye arye weinyak kam ulul ning yala nirya, sapi basam do, domba basam do, aning nirya ati, ‘Sik dinamak’ tenen, mutmuta arelyame. Aning atonun, ninye ati ara, ninye arye, wa wibikiba, koulamak ning, aning-aning nirya arisilyame. An melisiminya deice arye, tuku noutamak arye, din ning aning-aning nirya paplirye, butukliba, boyanuka dinyabe. Winisiminya deice arye, tukwak mutuku deice kam ulul ning, aning-aning nirya ara, din ning dinyake.

Mazmur 42:1

Daud mot deice arye, sik Korah yala nang ati nyabuk.

Yeremia 14:6

Tonda, maning nirya kum upliba, bai tam ulul keledai basam, mutuku dup deice talye tikmalirye, maning ton kum diplyopura, el asing bam nalaknamle. Ara, mek ap, mutmuta ap patapliba, isin nep-nep aplirye, el yupu ara, bai kam, kam ulamle atonun nyanamle. Allah arye nyabuk.