Ayub 5:3 - Eipomek

³ Na elilamse ning ara, dipkoprob walwalnye deiyok koubuka, el pil dopra balamuka ani, el winilamuk ning ap, taleamuk ning ap, teleb ubuka weik upnin balamukce, talye karin arye el winilamuk ning ap, taleamuk ning ap, el aik ulamik nang ap ara, subukce, malye ubuka deice arye, nirya kum dayuk. Ato nang ara, like tonok talak wininyak bukni, aminyan ning ara, ikin ninguk doprobikirye, dibinyake.

Ayub 5:3 ပူးပေါင်းရင်းမြစ်များ

Ayub 24:18

Malye winin ninguk, talibuka wininyak nang ara, mek weik tonun obuka yangalirye, caknam ning minopce, mek arye bobalamle touk, anang ap, sik ning ap bobalule. Tonda, sik anang arye talinyak tuku ara, Allah arye sik wenena ati, atuku malye nyabuka sulule. Winilula ati, anggur tapu wa windam pil don ninye ara, anang arye talinyak anggur wa win dam, pia kum banyaka ati, kum dalirye, porobuka koluplirye, mun-mun dakalule.

Ayub 27:8

Tonda, sik malye winin ninguk talibuka wininyak nang ara, Allah arye anang ati, weneplirye, malye kibuka oblyopura, akunuma. Ati, sikce “Se, ‘Aning ton winiptibyeʼ tenen, patapsile,” nyabuka tuba teninibikirye, kum nyanamake. Adiparyuk dipnamaka ati, sikce aning pia kum winiptinge.

Ayub 31:30

Tonda na oldan nang ati, ‘Allah arye aninye ati supdeipturye, optuba sikda diptinge’ tenen, Allah kum moropse. Ayupu atonun ning ton, nyalamsirye, malye kum winilamse.

Mazmur 37:22

Allah arye telebuk kibuka, delinamle ninye ara, sikce amutuku nirya talibuka unamake. Bukni, Allah arye, ‘Sik anang ara, malyeuk wininyaka anya arye, na like,’ tenenyak nang ara, amutuku noutamak, kum unamake. Yakuka yukak deiplirye, aminyan talak, aninye nirya, kum daneipnamle.

Mazmur 69:25

Na ni Allah, an yu teneminye ning ara, aninye sik nong deice deipminba, weika arye, weik uku dilamle touk, unamle.

Mazmur 92:7

Ance tenelyam ning nirya ara, sik walwal nang arye, aning ara anye tenebuka, pia kum biktinge. Diba, sik walwal nang ara, ance winilyam ning nirya ara, ‘Allah arye pil dolul deiyok ning ara, ani’ tenen, pia kum biktinge.

Rasul 1:20

Peterus arye ayupu ton nyabuk. Buku Mazmur noutamak Daud sekuk yupu ara, ani. ‘El ululak sik nirya batakuka binamake. Tonoknye babye, el ululak kum unamlume.’ (Mazmur 69:25) ‘El dolamuk pil pununa ati, yuknye birye dolbinamle.’ (Mazmur 109:8) Peterus arye nyabuk.