Ayub 5:14 - Eipomek

¹⁴ Allah arye amalye nang ati areliba, keting noutam bukni, kuna arelule. Ara, Allah arye sik wenena ati kuna areliba eipmanto kum unyake. Malye nang ara, wininyaka anya arye, keting duk-duk bukni, kunukliba dengkelalamaka atonun, unyake.

Ayub 5:14 ပူးပေါင်းရင်းမြစ်များ

Ayub 12:25

Winiplyopura, anang ara winipmanto, sikda yu mek kanye wangalamak mek weik tonun din nang ulamak touk unyake. Sik banyak bisik noutam ara, windung-wandung aplyeba, dokdanuka banyake. Ayub birye, el dam yanmek nang ati, nyabuk.

Ayub 15:30

Dipkoproba, sik amalye unyak nang nirya ara, dipnamake. Dibikcopura, min diplamik nang unyakak ara, kunukak arye kisadakuka, pia yukak kum binmanto unamake. Tonda, winipmanto, weik uku dilamlirye, yo ap, ayo yating ap ara, uku arye pia diplyeba, kum danalamle touk, anang ap, sikce deiamik mapu ap, sik mapu silip nirya ap ara, uku buk arye dibuka, sirya daknamle. Ara, Allah arye sik wenena ati, el si mikip arye, sik anang nirya ara, kum kipdeipnalame.

Ayub 18:18

Sikda min talak ara, tukwak mutuku noutam dirinak ulamik bukni, Allah arye anang dirinak arye dopdeiplyeba, unyakak binuka unamake. Ara, Allah arye, amalye unyak nang ara, kam tuba unyak nang unyak mutuku nirya dam arye, donoklyeba, pia pera binuka unamake. Ara, akunum dibikcopura, pia unyakak binuka unamake.

Ayub 20:26

Sik malye un nang arye, bona yala-yala nirya moubuka delilamik ning ara, Allah arye sice buklopnamle. Allah arye aning-aning nirya ara, pia kum kipdeipnamlarya! Sik mining nang ap, sik mapu silip nirya ara, ninye arye sekna kum uku arye diplirye sirya daknamle.

Ayub 22:11

An dam ara, kuna weik akunum yanmala ati, akunum dam upkilyeba, tuba tonap dirina ara, teleb ubuka kum eipnalame. Tonda, mek weik obuka, an dam akunum yalirye, mek wekmanto upnalame.

Ayub 24:13

Tonda, sik pia malye ninguk talibuka wininyak nang nirya ara, ‘Dirina ara, nun lik,’ tenebikirye, lukunyan noutamuk kanye deibuka, talye lubakibukabakirye, pia malye-malye winin ninguk wininyake. Anang ara, keting noutam talak ara, yuk nang banyak bisik ara, kum banyake. Ton ning ara, sikce, ‘Dirina upmal talak ara, nun lik,’ tenenyaka ati, dirina wamlye bisik ara, yuk nang arye bikinyak bukni, amalye nang ara abisik kum bikinyaka ati, abisik ara kum banyake.

Ayub 38:15

Sik malye unyak nang ara, ‘Nun malye wininyap ning ara, kuna ak uk ulamepebuk, yuk nang ton kum elinamsiyake’ tenen, lukunyan talakuk, malye-malye weik unyake. Bukni, bereklyopura, keting deiplirye dirina upliba, sik unyakak ap, sik mikip arye taruk erebuka ninye opnuce ning ap, sik malye unyak ning nirya ap, lakak upliba, ‘Yuk nang arye eipsicak’ tenen, sik malye winin ning batakanyake. Ati, ance nyapluma deice arye berekeliba, malye winin nang arye, sik wininmace ning batakanyak do, kum do? Ati, ance aning bikaminyopura, nyapnilyame.

Keluaran 10:21

Allah el si ara, Yahweh arye Musa biti nyabuk. “An taruk im deice pukminba, Mesir mutuku noutamak nirya inipnule,” nyabuk. “Winibuka pia inipnamla anya arye, dirina ara, mitik tonun babye kum upliba, ninye arye kum eipdanmanto ubikirye, ilil weik upnuyake,” Allah arye Musa biti nyabuk.

Keluaran 10:22

Nyabukura, Musa birye el taruk im deice erebuka kama pukukba, Allah arye inina arebukba, amutuku nirya inibuk. Winibukba, Mesir mutuku noutamak, like winilye sum deice arye, pia inibuk.

Amsal 4:19

Unyak bukni, sik amalye yu kanye bonyak ninye, sik banyak bisik ara, lukunyan bisikuk banyake. Ati, sik anang ara, ninye mangkau bisik bakiba, yan dum dukliba kote sakikirye, sik kel kum kilamak touk unyake. Aninye ara, ‘Nun yan dum dukusila ara, ani,’ kum tenenyake.

Yesaya 59:10

Tonda, winipmanto, nunda asing kulamle nang arye, talil busulamak atouk unyabe. Asing akunum yum ubuk nang arye, keting duk-duk noutam banmapya babye, lukunyan noutam banmakiba, yan dum duklamle touk usulule. Tonda, nunda kam nang unyakak unmap bukni, nunda akunum diplamak nang atonun unyabe.

Amos 8:9

Ayupu akunum nyabukce, Allah arye ayupu ton tabakuka nyabuk. “Israel ninye, sik wenena ati, na tenepse talak akunum uplyopura, keting noutam tuba aupmalebuk, noutam arye binuka weknamle. Tonda, tukwak mutuku ara, keting noutam tuba aupmalebuk, inipnamle. Inipliba, kunuknauk upnamle. Dipkoprop na Allah Yahweh aning-aning nirya talibuka, deice tam Pia Mikip Weik Deiyoknye ununye birye nyapsine.”

Ulangan 28:29

Winipsilya deice arye, yana keting noutam kipmalya babye, anggun asing arye moubuka elilkatana kumce, asing kun nang kulkakalamak atouk unamlume. Adeice arye, anggun ban bisik ara, bita kum elinamlume. Tonda, anggunce pil donamlum ning nirya ara, nong kum unamsile. Kum kilonamsile. Sik yuk nang arye, anggun ning nirya ton, atalak-atalak nirya, alulonamsiake. Anggun ning alubuka dopropnusice talak ara, yuk nang arye anggunti, kum melinamsiake.