Ayub 42:16 - Eipomek

¹⁶ Aning nirya akunum winibuk ara, Ayub el kam ulamuk keting tamun ara, yupa weik, seratus empat puluh tahun (140) deice ulamuk. Atalak ara, el diamuka mapu arye, delilamik ninye arye, dadeipdanin balamik ninye nirya, amutuku pia weik upnin balamikba, Ayub birye elilamuk.

Ayub 42:16 ပူးပေါင်းရင်းမြစ်များ

Kejadian 11:32

Daupra balamika ani, Abram el ni koproba Tera, keting tamun yupa weik, 205 tahun akunum ubukce, wisi dayukba, Haran mutuku noutamak dibuk.

Kejadian 25:7

Abraham kam ulamuk talak ara, keting tamun yupa weik, 175 tahun ulamuk.

Kejadian 35:28

Isak bira, keting tamun yupa weik, 180 tahun deice arye ulamuk.

Kejadian 47:28

Ura, Yakub bira, keting tamun yupa weik 17 tahun deice arye Mesir mutuku noutam ulamuka ani, elda keting tamun yupa weik 147 tahun wisi dayuk.

Kejadian 50:23

Atalak noutamak ara elce deiamuk mi Efraim bira kil dobukura, sikce Deiprik mapu ap tonda, anang ton sikce deibik mapu ap, amapu arye deibik mapu ap eibuk. Aning atonun, Yusup el mi Manasye birye deibuk mi el si ara Makhir, elce deibuk mapu ton eibuk. Ara, amapu deibik talak ara, ‘Yusup eipnul’ tenen, amapu bobuka Yusup el keil deice delilbalamikba, elilamuk.

Kejadian 50:26

Ura, sik daulamika ani, aminyan talak Yusup dibuk. El dibuk talak ara keting tamun yupa weik 110 tahun wisi akunum danamuk. Dibukba, ‘El nong minopce lyuplyak’ tenen, sik aning kel nang arye lyuna sekelongon obat el nong deice deibikce, kwemdina delin bisik dongobikce, Mesir mutuku asukumuk deibik.

Ayub 42:15

Amutuku nirya ara, urasin teleb kam kilapu ton, daulamik bukni, Ayub el kilmapu ara, urasin pia teleb kilmapu ulamik. El kilmapu urasin teleb wel kilmapu atonun, yuk kilmapu ton, atalak kum ulamik. Ayub el kilmapu winilye tonok ara, urasin pia teleb wel kilmapu ulamik. Sik ni taleamuk ning yuk-yuk bokuka arebukce, akilmapu arye, aning nirya taleamik. Tonda, sik makal nang babye, atonun arelamukba, taleamikce, sik nirya neiktoto ulamik.

Ayub 42:17

Ayub akunum wisi dayukce, mikip kum ubukopura, dibuk.

Mazmur 128:6

Tonda, ‘Allah arye mikip arisilye ura, anggunda pia keting tamun weik tonun ton kam ulamunya ani, anggunce akunum deiplum mapu arye delinamak mapu babye, anggunce eipnalum’ tenen, anggunti Allah moronamsine. Tonda, ‘Allah arye nun Israel yala nang nirya ati, pia melibuka kalikisulul ati, nun ap, yuk mutuku nang ap, olana pia kum aryuk, talye kanye bobuka, pia telebuk unamap’ tenen, Allah moronamne.

Mazmur 90:10

Nun kam una ati, keting tamun lo arepsulum ning ara, tujuhpuluh tahunuk (70) kipdeipsulume. Mikip arye unyap nang ara, keting tamun delapan puluh tahun (80) unyabe. Bukni, aunyab talak nirya ara, teleb ton kum unyabe. Kanye imun ning ap, uk din dina deiceuk, upnin balamipya ani, sirya talak ara, ance isin arepsulum ning ara, tamubuka dopropsiminyeura, dibinauk unyabe. Nunce tenenyaba ara, ‘Pia kamuk unamaba,’ tenenyap bukni, minopce dibinyabe.

Amsal 17:6

Ninye ton akunum wisi deiplyopura, elce deiamliba, dadeipdanin, banamak ninye nirya, pia weik upra banamakopura, el mapu weik kipnin baca ati, kanye delilule. Winipmanto ara, ninye deiyoknye Raja arye, kweirya ning, sik kisok deice kalulamak tonun, wisi nang sik mapu weik ucopura, atonun ulule. Anang ara, kanye delinyake. Tonda sal ap, kilapu ap deibikiba, dadeipdanin banamak mapu nirya arye, sik ni yapu ap, sik nin yapu ap ati, kanye delinamake.

Ulangan 34:7

Musa kam ulamuk talak ara, keting tamun yupa weik ulamuk ara, yupa dumbarye kepdopnye nakub dikin (120) tahun deice ulamuka ani, dibukba, weibuk. Musa dipnamuk talak ara, el asing tuba teleb uamukce, teleb arye ninye elilamuk. Tonda, el nong ap, el mikip ap, tuba teleb uamuk, malye bol kum bomuk diparyuk dibuk.

Yosua 24:29

Aning-aning nirya akunum winibukopura, Allah el si Yahweh, el yupu kekebuka, el amu tam ulamukce, el pil dona ati wipdeiamuknye, Yosua daulamuka ani, aminyan talak ara, dibuk. Yosua el li koproba ara, el si Nun ulamuk. Nun el mi Yosua bira, el kam ulamuk talak ara, umur yupa weik, 110 keting tamun ulamuka ani, dibuk.