Ayub 42:15 - Eipomek

¹⁵ Amutuku nirya ara, urasin teleb kam kilapu ton, daulamik bukni, Ayub el kilmapu ara, urasin pia teleb kilmapu ulamik. El kilmapu urasin teleb wel kilmapu atonun, yuk kilmapu ton, atalak kum ulamik. Ayub el kilmapu winilye tonok ara, urasin pia teleb wel kilmapu ulamik. Sik ni taleamuk ning yuk-yuk bokuka arebukce, akilmapu arye, aning nirya taleamik. Tonda, sik makal nang babye, atonun arelamukba, taleamikce, sik nirya neiktoto ulamik.

Ayub 42:15 ပူးပေါင်းရင်းမြစ်များ

Ayub 42:14

Minop deiamuk kilmu el si ara, Yemina, bitinye kilmu el si ara Kesia, kele sirya kilmu el si ara, Keren-Hapuk deiamuk.

Ayub 42:16

Aning nirya akunum winibuk ara, Ayub el kam ulamuk keting tamun ara, yupa weik, seratus empat puluh tahun (140) deice ulamuk. Atalak ara, el diamuka mapu arye, delilamik ninye arye, dadeipdanin balamik ninye nirya, amutuku pia weik upnin balamikba, Ayub birye elilamuk.

Mazmur 144:12

Na ni Allah, anti moropkine. Ara, ‘Nun Israel nang arye deibibiba, dadeipdanin banamak nang nirya ara, minop nepnin bakirye, pia mikip weik nang upnin banamak’ tenen, moropkiabe. Tonda, ‘Nun Israel yala nang arye deinamap kilmapu nirya ara, urasin pia teleb upnin banamak’ tenen, moropkiabe. Winipmanto ara, sik ninye deiyok nang arye, sik pia teleb unyak aik, el si ara istana aik dam, ikilamak cang yo, urasin pia teleb ulamle touk, ‘Nun kilmapu nirya babye, urasin pia teleb upnin banamak’ tenen, moropkiabe na nio!

Bilangan 27:7

“Zelafehat el kilmapu arye, an dam yanuka nyapmakeak yupu ara, dipkoprob yupu nyapmakeaka anya arye, ance anyapmakeak touk winipnamlume. Ara, sik kayapu nang ton aupmatu touk, anang ati, aweknamamunye mutuku tuku bokuka, arepminye talak aryuk, sik ni koproba Zelafelet taleamuk tuku ara, akilapu sik makal nang pununa ati, atuku ton bokuka, arepnulyame.

Rasul 7:20

El ayupu nyalamuk talak noutamak arye Musa deibikura, sal mi urasin teleb ulamuk. Allah arye ami kanye deiyamuk anya arye, wala winilye talak arye el lin ap, El li ap pia melilamrikce, kwangnalamrik.

Yosua 18:4

Nyabukura, ayupu ton nyabuk, “Anggun Israel yala nang, tekbarye yala kan-kan arye, yuk-yuk bukni, winilye nang ton, wibuka deipnulume. Awipdeipnalum nang ara, na Yosua birye, sik anang ati, sikce, ‘Nun Israel nang arye, amutuku talibuka utibyeʼ tenen, mutuku ap, amutuku tuku wililonak nirya ap ara, dipdebuka bamunce, amutuku noutam eipnamlum ning ton, sekmunce, nun dam tamubuka, nyalyanamsululume. Narye anang ati nyapdeipnyeura, dipdebuka eibikirye, tamubuka, na dam lake nyalyanamake.