Ayub 41:9 - Eipomek

⁹ Yata ninye do nirya, amou bal Lewiatan eibikirye, ilil weik upliba, adiparyuk yok sirim talipliba, tukwak pounyake. Anang arye, ‘Amou bal ara, tomobuka tapu kouptibye,’ tenepting bukni, aning ara, pia kum winiptinge.

Ayub 41:9 ပူးပေါင်းရင်းမြစ်များ

Ayub 41:10

El mapmali bukni, bulina ara, yu weik ning anya arye, yata mikip nang, el dam bitingce, bukeipting do? Pia kum anya arye, yata nang anirye malye kiptingce, el dam tikilyanuka, yupu nyabuka malye kipting do?

Ayub 41:8

Kume, aning ara, kum winipmanto ning anya arye, kum winiptume. El bol deice like tonok piptuma babye, aning ara, pia kum lukdongopnalame. Adeiyok ara, el mikip weik arye dolamlya ati, pia anyuk kum talibuka tiktume.

Yesaya 28:19

Sik aolyanaganamsiyak nang ara, pia tuba-tuba anggun dam yanganamake. Yanuka opsikce talak nirya ara, ninye weik tonun oplopnamake. Ara asum-asum nirya, anggun anang arye, keting Noutam babye, lukunyan talak babye, tuba yanuka ona uk unamsiyake. Wininamle talak ara, anggun Yudea tam ululum nang nirya ara, anggun ni koproba Allah arye nun nabi nang ati nyapdeiamuk ning, nyabibiba, anggunce aning kekepmunce moubuka tenelulum ning ara, dipkoprob weik tonun ilil pia upliba, yok sirimtalipsilirye, talima malye upnamsile.

Lukas 21:11

Winildanmace talak ara, mutuku yuk-yuk weika arye lulukunamle. Tonda, wa wibuka kouamice ning nong kum uplyopura, din pia patana dem unamle. Tonda, mutuku-mutuku nirya yuk-yuk ninyeuk weik touk dilamlyeura, ninye weik dipnamake. Tonda, im deice upnamle ning eibikirye, ilil pia weik unamle ning ap, ‘Sirya talak akunum uple’ tenen, biknamaka ati, Allah arye pitin-pitin kilin ning im deice deipnamle ap, weik upnamle.

Ulangan 28:34

Aning nirya winipsica deice arye, motona talin nang atouk unamlume. Deiyok ara, anggun dam ikin weik ning yaliba, dolonamluma deice arye, unamlume.

1 Samuel 3:11

Nyabukopura, Allah arye nyabuk. “An dinamlyame. Na Yahweh arye, Israel ninye ati, weik mambul ning ton, sik dam winipnyeba, ton nang ara, dinamaniake. Ton nang ara, kekenamniake. Kekebicopura, ‘Se, aning ara, weik mambule’ tenen, ninye kanye lopnamle,” nyabuk.