Ayub 41:13 - Eipomek

¹³ ‘Yatanye birye, mania kanye bopturye, weik buaya bal el si Lewiatan, el nong bol bai tam ara, koplobuk do? Kume, el nong bol deice tam babye, nong noutam babye, bol pia kat weik ulula ati, ninye arye, aning kum koploptinge.

Ayub 41:13 ပူးပေါင်းရင်းမြစ်များ

2 Raja-Raja 19:28

Ati ara, na nyapnukin yupu kekepnilyame. Ance nati tenibuka, derenimince, weik arye, malye yupu weik nyanilyam ning ara, na akunum kel bikisa ati, weik arye, wenepnamkine. Tonda, ance tenebuka kwalina arye, malye yupu nyaniminye ning nirya ara, na dam yangaliba, na amul arye, akunum kekepkise ati, weik arye, wenepnamkine. Ati, winipnamkine. Sapi basam kirikuka bobana ati, kat ning sik u pum bisik dongobikirye, tapu kirikuka bobalamak atonun, narye, an wenena ati winipnamkine. Tonda, kuda basam wein nang arye, ‘Akuda na tenepman bisikuk banamal’ tenen, kat ning sik si bama pum tam dongobikirye, tapu kirikuka bobalamak atonun, narye, an wenena ati, winipnamkine. Aning atonun, an kum tenepmalam ning bukni, narye, nyapdeipniba, ikin ning weik an nong deice upnamkile. Tonda, an banalam bisik nirya ara, naryuk bobanamkine. Winipkiniba, an yalum bisikuk tamubuka bobanamkine. Allah arye, Asyur mutuku taleamuka deiyoknye biti nyabuk.

Ayub 41:12

Ati ara, laut mekwen pum weik buaya, el si Lewiatan ara, el nong ap, el taruk ap, el mikip weik ulye ning ap ati, talye laka nyapnusine. El ulye ning laka nyana ati ara, talye tunim altaknauk kum upnune. Aning laka nyapnusine.

Ayub 41:14

Tonda, yatanye, el mania kanye bopturye, aweik buaya bal, el si bam bol dam binuka, tapu arye koupdongopting do? Kume, el si bambol aklyopura, danoutam ara, weik yu si yupa pia weik ulula ati, ninye arye aning eibikcopura, ilil weik uplyeba, el si bambol koupdongopmanto kum upnamake.

Mazmur 32:9

Aning ati ara, kuda basam do, sapi basam do, anggunce kum pataplye ning awaplyopura, pia malye weik winipliba, ninye yupu kekena ap, diksukum bisik bana ap, pia kum wininyake. Kekena kumce, malye weik wininyaka ati ara, ninye arye, ‘Kume, na tenepnye touk winipnamnil,’ tenebikirye, asapi basam u pum bisik tapu kirikikirye, lipdobikiba, talye kanye bobuka balamle. Bukni, sikda akekena kum ning winilamak touk, kum wininamlulume. Anggunda, pia moubuka tenepmunce, na nyasinye yupu kekebuka, aninguk talibuka wininamlume.

Yakobus 3:3

Ara, winipmanto yupu nyapnusine. Kuda basam ara, mikip weik ning ulul bukni, ‘Nun tenebibye touk winipnusil’ tenen, kat ning el si arikdongobibirye, dana-dana tam tapu kirikmapyopura, nunce lilobibibuk, nun tenepmabye bisikuk balule.