Ayub 40:20 - Eipomek

²⁰ Talye bai tam kam ulya ning, yuk ning yala-yala nirya ara, mutuku kon binuka bunyakak ara, sik arikal dobuka unyakak ara, maning teleb ubuka palula ati, akel pou kam ning ara, mutuku kon amu tam binuka, maning dilule.

Ayub 40:20 ပူးပေါင်းရင်းမြစ်များ

Kejadian 6:21

Tonda, yata din ning do, aning-aning nirya dobuka, anyaik pum bisikuk dongopnalame. Ara, anggun ninye ap, atalye bai tam kam ulye ning ap, anggun din ning kintinina ati nyapkine.” Allah arye, Nuh biti nyabuk.

Ayub 40:15

Narye anti kwepdeipkise touk, yuk kam ulye ning, el nong weik yu ning ara, kwepdeipsiba, weik mek dam bukni, bai tam ulule. El nong ara, weik ning bukni, sapi basam arye, talye palamle maning dilamle touk, aninguk diplirye ulule. Aning ara, eipmince, moubuka tenipnamlyame.

Ayub 40:21

Tonda, aning ara, kanye deibuka, weik mekwen weklirye tunim abuka malule. Ara, mekwen deice bokolul keita ning, el si ara teratai uamuk noutam arye, wekuka malule. Tonda, balamle mek lilun, talye kwei palulak ton, binuka weklirye, duknulule. Tonda, benak ton weklirye, malule.

Mazmur 104:14

Ninye arye weinyak kam ulul ning yala nirya, sapi basam do, domba basam do, aning nirya ati, ‘Sik dinamak’ tenen, mutmuta arelyame. Aning atonun, ninye ati ara, ninye arye, wa wibikiba, koulamak ning, aning-aning nirya arisilyame. An melisiminya deice arye, tuku noutamak arye, din ning aning-aning nirya paplirye, butukliba, boyanuka dinyabe. Winisiminya deice arye, tukwak mutuku deice kam ulul ning, aning-aning nirya ara, din ning dinyake.

Mazmur 104:26

Tonda, laut mekwen pum tam, weik nong weik mekwen pum bal el si ara, Lewiatan, ance kwepdeiplumba, laut mekwen noutamak arye, mikip dobuka balule. Tonda, ance kwepdeipsulum laut mekwen deice tam, ninye dobikirye, weik mek lia yo, el si ara, kapal laut, akapal pum tam wekikirye, laut mekwen deice banyak ning babye elinyabe.