Ayub 40:2 - Eipomek

² “Ayubo, anyapnukin yupu ara, kekepnilyame. Nara, aning-aning nirya talibuka deice tam unirye, Erena Deiyoknye, mikip weiknye ununa ati, anda ninye sirika bukni, ‘Allah ara, malye winipmal’ tenen, mania kanye bobuka, na dam wenebuka asipdenutum do? Ati ara, anda na dam yaminyeba, narye asipdenamkin ning ara, ance, ‘Nong ara ani,’ nyapnamnilyame,” Allah arye nyabuk.

Ayub 40:2 ပူးပေါင်းရင်းမြစ်များ

Ayub 10:2

Ati, na ni Allah ati, “Se, na ni Allah, ance nati, ‘Adibaryuk wenebuka kum opnamnilamʼ tenen, moropkine. Tonda, ance nati, wenen yupu ap, ikin ning arena ap, wininamnilam ning ara, ‘Lak nyan yupu deice arye, “Anda malye uplum ning ara ani,” nyabuka, laka nyapnutumʼ tenen, moropkine. Se, yata deiyok ati, ance na yupu ati kum kekenilyame.

Ayub 13:3

Bukni, na weik patanulul ning ara, ‘Allah dam nyaptinyeʼ tenen, patapnile. Allah pia deice tam erebuka, aning-aning nirya talibuka, pia mikip weiknye ulula ati, ‘El dam ara, “Na ikin unulul ning ara, yata ati na dam yanmanil do?” nyabuka, na yupu nyaptinye,’ tenenune.

Ayub 23:4

Neika epdanimirye, na unun ning ap, na teninun ning nirya ara, Allah el dam binuka, laka nyaptinye. Nara el dam bitinirye, na si bambol deice arye, “Naio, nara malye kum wininune,” nyabuka, yupu weik nyaptinye deice arye, Allah ati asinibuka laka nyaptinye.

Ayub 3:20

“Yata deiyok ati, nun ni koproba Allah, ance namin kisimince, nun nirya imun kanye bopmabibuk, an dirina nun deice delisiminba, dirina kisulul do? Tonda, yata ati, imun kanye bobuka unyak nang ara, kam una deiyok ning areseminba, kam unyap do? Talye diptibye toura, teleb uka. Kanye imun weik unulula anya arye, kunuknak uk daulamtinye.

Ayub 3:23

“Allah arye, ‘Ninye tonoknye ulyak ati, teleb ning el damak yanamle’ tenen, lelipdongopliba, el anye bira, weik kanye imun ning dolula anya arye, yata deiyok ati, kam una ning arepminba, kam tuba ulul do? Teleb ning ara, dadiamtue.

Ayub 30:21

Allah ance nati, tuba kum bico tenenilyame. An weik tonun yu upkilyeba, an taruk mikip arye, na deice ikin weik ninguk delinilyame.

Ayub 31:35

Se, na patapmanil ning ara, yuk telebnye birye, na nyanye yupu kekepnutopura, na kanye deiptinye. Bukni, na yupu kum kekepmantonye ulula ati ara, naryuk, na nyanun yupu, ‘Dib yupu nyapmale, tenepnamak’ tenen, urasin lak kilina ati, na si sekeipne. Aminyan talak ara, aning-aning nirya deice tam, mikip weik ululnye, Weik Erenanye Allah arye, yupu nyapdeipnamnuturya. Allah arye nati, ‘Elda malye ulule,’ tenepnutopura, aning nirya lak sekuka nyapdeipnutuba, eiptinye.

Ayub 33:13

Ati ara, yata deiyok ati ance Allah ati, ‘Na tenenun kanye ap, nyanun yupu ap nirya ara, Allah elce tamubuka, kum nyapnutueʼ tenen, Allah el nyalye yupu nirya ara, yaniltakna atonun nyalyam do?

Ayub 38:3

Aning ati ara, mambul yupu nyapnukine ati, kintinipnamlyame. Wini talak ara, anda ninye ulaminyopura, na ap, an ap, yupu nyana deice arye, nun kiklipdandenamaname. Ati ara, narye Ayub anti, asipnamakin yupu ara, adiparyuk nyapnamanilyame.

Ayub 40:1

Allah el si Yahweh arye Ayub biti nyabuk.

Ayub 40:3

Nyabukba, Ayub birye, Allah Yahweh ati, tamubuka nyabuk.

Ayub 7:12

Se, na ni Allah, yata deiyok ati, ance kalikuka dinauk unilyam do? Ance nati ara, ‘Elda weik laut mekwen ulule. Akumopura, elda laut mekwen amu noutam ulamle yu weik bal, el si Naga ulule,’ tenenululumce, pia kalikinululum do?

Ayub 9:3

Winipmanto ara, ninye arye, ‘Allah arye nati asipnutu bukni, narye tamubuka laka nyapnyopura, yupu ton kum nyapnutue,’ tenepting do? Pia kume. Allah ara tenepturye, anye biti, yupa pia weik, asilena ara, 1.000 deice arye asiptopura, anye birye tamubuka asing yupu tonok ning atonun, tamubuka laka nyaptu bukni, pia weik taranye ati, pia laka nyapmanto kum nyaptue.

Penghotbah 6:10

Tonda, aning ton tenepsirye bikse. Aning-aning nirya awamuk ning ara, minop dotalak arye akunum awamuke. Atalak babye aupmal ning nirya babye, akunum aupmala ati, nun ninye arye awamuk ning ara, kel bikibirye, “Aning el si ara ani,” nyabuka si sinyanyabe. Tonda, nun nirya arye, tukwak mutuku noutam unyak nang wininyak ning ara, kel akunum bikamupu. Tonda, sik talima noutam ubuk ning babye, kel akunum bikupu. Tonda, nun kele. Kel weik tonun bikamik nang ap, pia mikip weik nang ap, aunyak nang arye, sik yupu nyaptinga babye, yuk talye-talye unyak nang ap, tonda mikip kum unyak nang ap nirya arye, sikti, yupu nyapting ning ara, yupu kum sektinge.

Yesaya 40:14

Yatanye birye, Allah Yahweh ati, ‘Mambul ning deiyok ning kel kipnul’ tenen, weik kel arye petereptu do? Aning atonun, yatanye birye, Allah ati, ‘E, ninye yupu lipsisikuka bokolina ati, teleb ning ara ani, ani. Winipnamlulume, winibuka yupu lipsisikuka bokeipnamlulume,’ nyabuka laka nyaptu do? Tonda, yatanye birye, Allah ati, weik kel kina deiyok ning nirya petereptupa, kel kiptu do? Yatanye birye, laka nyaptuba, Allah arye, moubuka tenepturye, pil teleb kibuka donamle do? Kume aning nirya ara kum winipmanto ninge.

Yesaya 50:8

“Allah ara, na dam ulula anya arye, elce nati, ‘Malye kum ulule,’ nyaptopura, yatanye birye, ‘Aning ara kume,’ nyabuka bataktu do? Ati, nun neika unamap talak nirya ara, yatanye birye, ‘Elda malye ulule,’ nyapnamnil do? Yatanye do, ‘Elda malye ulule,’ nyapnamne tenelulnye bira, anggunce nyapmunyeba el adiparyuk na dam yalirye laka nyapnamle. Aning babye kum winipmantoe.

Yeremia 50:24

Se, anggun Babel mutuku ulamlum nango. Anggunda bicoe! Na Allah arye, “Ura, anggun Babel mutuku nang ara, na yupu akunum yanininyaka ati, wininyaka deice arye, anggun dengna ning, wenebuka arepnamsine,’ tenyamse. Winipmanto ara, ninye arye sik babye, wena wepmakca pum bisik, mana wekelbikceba youlamle touk, sik mangkau kanye arye, dabinuka wena wepmakca wekuka olalamak touk, narye anggunti, tapu weamsise ning ara, akunum wekuka youpdongopdalume. Aning ara, anggunce pia moubuka kum tenyamlum bukni, narye anggunti, wenen ning akunum kintinip deipsise ning ara, anggun nong deice akunum yanmale!

Yehezkiel 18:2

Sik Israel yala ninye ara, sik mining yala nang ati tenebikirye, yata ati, sikce tuba-tuba adomon yupu nyanyak do? Minop talak arye diprongobuka, wini babye tuba nyanyak domon yupu ara, ani. ‘Sik ni yapu wisi nang ara, anggur tapu duk yung ning dibikcopura, aminyan talak ara, sikce deibikiba, dadeipdanin bakirye, unamak mapu babye, sik si bam bol pum bisik ara, matang tuba lenamle,’ nyanyake. Yata deiyok ati adomon yupu tuba nyanyak do?

Matius 20:11

Keil uang tonok doprobik talak ara, anang arye awa deiyoknye biti, yuk anye bobuka elti, “Malye winipmasile,” nyanmek.

1 Korintus 10:22

Anggun tukwak ninyeuk ululum bukni, ‘Nun mikip pia weik bukni, Allah el mikip mitik anunuk ulule,’ tenemunce winilulum do? Tonda, Yuk ning si erebuka dukdongobuka unyabbuk, Allah eipsilirye, ‘Se, na siuk ara, erepnitinge. Yata ati do?’ teneplirye, ‘Derepsutue’ tenen, winipnamap do? Aning ara, pia kume.

1 Korintus 2:16

Aning ara, tilila ati kum nyapsine. Nabi Yesaya arye, sekamuk yupu noutamak deiyok aupmale. Ayupu ara, ani. ‘Yatanye birye, Allah el kanye talima noutamak tenelul ning ara, akunum min arye kel bikam turye, Allah ati, “Aning winipnalyam, aning ara, kum winipnalyam,” nyaptu do? Kume, Aning ara, kum winipmanto.’ (Yesaya 40:13) Aning ati ara, dib tenena kumce, talye wininyak ninye ara, Allah El Dib Kanye arye peteresulul yupu ara kel kum bikamting bukni, nun dib tenebupuba, Allah El Dib Kanye arye, nun kanye talima talisulul ninye ara, aning moubuka kel biktibye. Deiyok ara, nun Allah yupu peteren nang ara, Allah El Dib Kanye arye, nun talima ak pil dosilya deice arye, Kristus tenelul ning ara, nun babye, atonun tenenyabe. Paulus arye, nyabuk.