Ayub 40:15 - Eipomek

¹⁵ Narye anti kwepdeipkise touk, yuk kam ulye ning, el nong weik yu ning ara, kwepdeipsiba, weik mek dam bukni, bai tam ulule. El nong ara, weik ning bukni, sapi basam arye, talye palamle maning dilamle touk, aninguk diplirye ulule. Aning ara, eipmince, moubuka tenipnamlyame.

Ayub 40:15 ပူးပေါင်းရင်းမြစ်များ

Ayub 39:8

Tonda mutuku-mutuku nirya, mutmuta el dina ati, epra banmalya ani, el dina mutmuta imbik ning ulamlyakuk, eiplirye yangalule. El yuk teneplye touk, talye lukparabuka balule. Ayub, anda, aning kwepdeibuka deiamuka deiyoknye, kel bikaminyopura, nyapnamanilyame.

Ayub 40:14

Anyapmakin ning nirya winiptum toura, na Allah arye an Ayub biti, an siuk erepkitinye. Ara, an sirik taruk deice arye lyepdatumba, narye an siuk erepkitinye.

Ayub 40:16

Aning ara, mikip weik ning ulule. El nong ap, el mun tam ap, mikip weik ulule. ‘Aning, elce opsilyakʼ tenen, moubuka tenemunce, kalikilamlume.

Ayub 40:19

Na Allah arye, nong weik kam ulye ning yuk-yuk ning ton, yupa pia weik tonun kwepdeiamse bukni, yuk ning nirya ara, mikip mitikto unyak bukni, aning ara, mikip weik ap, yu ap ulule. Ati, na Allah arye, aning nirya kintinip deipse deiyoknye, naryuk pou weik kam ulye ning ara, optinye. Yuk nang nirya arye, aning kum optinge.

Ayub 40:20

Talye bai tam kam ulya ning, yuk ning yala-yala nirya ara, mutuku kon binuka bunyakak ara, sik arikal dobuka unyakak ara, maning teleb ubuka palula ati, akel pou kam ning ara, mutuku kon amu tam binuka, maning dilule.

Mazmur 104:14

Ninye arye weinyak kam ulul ning yala nirya, sapi basam do, domba basam do, aning nirya ati, ‘Sik dinamak’ tenen, mutmuta arelyame. Aning atonun, ninye ati ara, ninye arye, wa wibikiba, koulamak ning, aning-aning nirya arisilyame. An melisiminya deice arye, tuku noutamak arye, din ning aning-aning nirya paplirye, butukliba, boyanuka dinyabe. Winisiminya deice arye, tukwak mutuku deice kam ulul ning, aning-aning nirya ara, din ning dinyake.