Ayub 4:8 - Eipomek

⁸ Narye dilamsirye, kel bikamsa ara, ninye arye malye yala ning dokikiba, malye ninguk palule. Aning atonun, na kel bikinuna ara, malye ning pil donyak nang ap, malye yupu nyalulnye ap, sik nirya dekna ning ati ara, ikin ning dolonyake.

Ayub 4:8 ပူးပေါင်းရင်းမြစ်များ

Ayub 15:31

Sik amalye unyak nang ara, ‘Nunda weik bona talibuka ubibirye, deiyok-deiyok nang unamabe’ tenen, tilila yupu nyana ap, duknubuka malye una ap arye ulamik bukni, aning nirya ara, dipkoprob nong pia kum upnamle ning ati, diba tenelamik. Ati ara, aminyan talak ara, sik dekna dopropkamak ning babye, nong pia kum upnamle ninguk dopropnamake.

Ayub 15:35

Winipmanto ara, kilapu arye, mi bomikca ani, sirya ara mi deililamak touk, sik amalye winin nang arye, sik kanye talima pum tam arye, ‘Nunda malye winin ninguk unamabe,’ tenepnikirye, malye ninguk wininyake. Sik kanye talima pum tam ara, malye un ninguk tenenyake ati, malye winin ninguk unyake.

Amsal 1:31

Aning ati ara, anggunce winilamluma dekna ara ikin ning dopropnamlume. Tonda anggunce, ‘Winibuka malye wininamabe,’ tenepce arye, ‘Malye winin ninguk talibuka unamabe’ tenen, malye piluk dolamluma deice arye, dekna dopropnamlume. Aning deiyok ara, talye ati kume. Anggun bidamnye arye, anggun bidamnye ati, malye winililalulume.

Amsal 22:8

Winipmanto ara, ninye arye malye yala ninguk koululnye bira, nong lin talak nirya ara malye ninguk kinamle. Aning atonun, yata nang do nirya, sik malye winin ninguk talibuka upra balamica ani, aminyan talak ara, ikin ning weik sik nong deice yanamle. Tia talak ati, amalye unyak ninye arye, yuk kili sal ati, yu kanye bobuka, sik nong deice ikin ning weik delinamak bukni, aminyan talak ara, Allah arye amalye unyak kili sal wenebuka oplopnamle. Winipnamle talak ara, aninye nirya kum daneipnamle.

Yesaya 17:11

Bukni, anggunce koululum ning ara, akoupmamunye talak aryuk sik kum, adiparyuk butukuka kwapu bongobuka paptu babye, aning arye duk kum moupnamle. Tonda, yuk yala ning ton koupmunyeba, kita ara, asum aryuk optu babye, akoun ning el nong ara, dipkoprob pia kum kilule. Atalak arye, nong atonun ulye ning ap, duk mouamlye ning ap ara, imun, kanye ikin deice una ap, tonda uk dina deice una ap uk, tuba unamsile. Narye wenepsinye deice arye, aning nirya ara kum kipnamle.

Yeremia 4:18

Se, Yehuda mutuku ululum nang ap, Yerusalem mutuku ululum nang ap, angguncuk malye weik ululuma deice arye, ikin dobuka, anggun dam deipdanamlume. Anggun domunye pil dolulum ning ap, tonda anggun deice ikin yalirye, anggun talima yanuka luksilyeba, uk dinamsile.

Hosea 8:7

Ati, anggun Israel nang arye, malye winin ning talibuka winilulum ning nirya ara, nong kum upnamle. Winipmanto ara, anggunce, ‘Kumanya uk dobuka koupnamabe,’ tenena atonun ululume. Tonda, kumanya koupmunce, aminyan talak mikip weik kumanya yanuka doplirye, aning-aning nirya ulubuka, sice bultaklamle touk upnamsile. Tonda, winipmanto ara, yakong yala kouptum bukni, el nong papturye, moubuka ektu bukni, yakung nong ton kum deiplyopura, yakong duk kum upnamla ati, yata wiribuka bama diamuk dobuka taikmunce, roti kwaning deiyok ning, tepung kintiniptum do? Kume, yakong duk kum uplopura, tepung ton pia kum kintiniptume. Aning ara kum winipmanto. Yakung papturye, moubuka ekturye, nong uptua babye, yuk pera mutuku yu nang yakirye, ubula doprobikirye, dipnamake. Atonun, anggun Israel nang arye, malye winin ninguk winimunya deice arye, ikin ninguk anggun dam yanganamsile. Anggun malye winimumnya deice arye, kanye imun weik ninguk, anggun dam upnamsile!

2 Korintus 9:6

Anyapnusin yupu deice, mambul ning kel biknuluma ati, pia tenenamlulume. Ayupu ara, ani. Yatanye do nirya, mitik anun arye koulamlinye bira, aminyan talak ara, mitik anun aryuk lipnamle. Weika arye koulamlinye bira, aminyan talak ara, weik arye lipnamle.